Ngoa ro kawara cumpukaina ro salam
13:1-13
13
Ake eded̄u makatolu kalikaina nahu mai lambaku nggomid̄oho.Ade Kitab Suci wara ratunti, <<Sanikina parakara pab̄uaku wara d̄ua atao tolu dou sakasi d̄imambei sakasi, ede ampona saha parakara ede.>> 2 Dou-dou d̄i jaman ma ntoina wa'ura karawina dosa ro sara'a dou makalaina, wa'ura ngoa ro kawara ulu b̄a nahu aipu nahu lao lambaku nggomid̄oho ma kad̄ua kalikaina. Ake, nggomid̄oho wunga ^do'omu lab̄o nahu, nahu mangoa ro kawara mbali b̄a one nggara mai walisi nahu, wati kone sab̄ua dou rau ade weki siad̄oho ^dimahori weki ra d̄i hukuman. 3 Ndad̄i nggomid̄oho d̄imaraka sara'a bukuti b̄une ra kane'ekai b̄a nggomid̄oho b̄a one Al Masih poda-poda nuntuna kai ncai nahu. Nggara Al Masih narojosi nggomid̄oho, Sia wati rojona kai mapu ro rome, pala Sia nateiku kuasa-Na d̄i woha nggomid̄oho. 4 Poda wakatu Sia d̄isalib, Sia mapu, pala ake Sia mori b̄ara Kuasa Allah Ta'ala. Nami rau mapu ade mori nami ma sab̄ua lab̄o Al Masih, pala nggara ncao ntandosi lab̄o nggomid̄oho, nami rau tenggo lab̄o Al Masih b̄ara kuasa Allah Ta'ala.5 Nggomid̄oho uji tiopu weki ndaimu sab̄ua nggomid̄oho poda-poda mori kai dasa imbi d̄i Al Masih! Tantu nggomid̄oho ma iuku wekimu b̄a one Isa Al Masih wara d̄i nggomi^doho! – Nalai nggara nggomid̄oho watisi imbi podamu. 6 D̄i ne'e b̄a nahu, nggomid̄oho iumu weki b̄a one nami laina dou ma wati wa'u taha uji. 7 Nami mado'a d̄i Allah Ta'ala raho-raho to'i mpa Sia ngawana bantu nggomid̄oho loakud̄u nggomid̄oho wati karawimu ma ncara. Laina ^ditei katadakai b̄a one nami ake poda loamu kalampa taki ro puta, pala loakud̄u nggomid̄oho kalampamu au ra kane'ekai b̄a Allah Ta'ala – co'opu ^di'edasi nami ake wati wara hasina, wati ^bunena! 8 B̄ara nami wati loamu karawi au-au ma wati ncihi ncao lab̄o ma poda ro ma ncihi, nami pab̄uaku ^batumu ma poda ro ma ncihi. 9 Nami sana ademu nggara nami mamapu ro romesi ro nggomi^dohoku matenggo. Nami mado'a rau loakud̄u nggomid̄oho ndad̄i mpuruna. 10 B̄ara ndedena nahu tuntiku sura ake wakatu nahu watipu wara d̄i woha nggomid̄oho.Kai ndedena, nggara maisi nahu peade, nahu wati ^dimarojo kai toku d̄i nggomid̄oho kai kaniku kuasa ra mbei b̄a Ruma d̄i nahu. Kuasa ede rambei ^dikatu'u ro katenggokai nggomid̄oho, laina ^dikalelikai.
11 Cumpukaina, cina ro angi, pab̄uapu nggomid̄oho neo ade, ro usahapu ndad̄i mpuruna. Tarima aopu samenana au ra ngoa ro tei kataho b̄a nahu. Pab̄uapu nggomid̄oho kasab̄ua ade ro mori taho-taho lab̄o lenga. Allah Ta'ala Mawancu meci ro ca'u ro ma mbei dame ede ^dimalab̄ona nggomid̄oho.
12 Cua japatangapu angimu kai sasama ela Al Masih.
Sara'a ela Allah Ta'ala nggaduna salam d̄i nggomid̄oho.
13 Ruma Isa Al Masih mabarekana nggomid̄oho, Allah Ta'ala ma meci ro ca'u nggomid̄oho, ro Roh Allah malab̄ona nggomid̄oho sara'a!
Salam do'a nami, Paulus