La Paulus tarimana taki ra mbei b̄a Ruma
12:1-10
12
Ncihi romo wati wara onena ^dika'ese-esekaiku weki, pala nahu kane'e rau ka'ese weki d̄i lampa rawi ra katada b̄a Ruma d̄i ade nggahi ro eli Ruma atao rawi ra katada b̄a Ruma. 2 Nahu kapata sab̄ua dou ela Al Masih ma sampuru upa mba'a ma ra wa'u rahanta d̄i hid̄i ma ese poda d̄i saroga. Nahu wati ^badeku sab̄ua sarumbuna poda-poda rahanta atao ede sab̄ua rawi ra katada b̄a Ruma mpa – Allah Ta'ala mpoa mpa ma ^badena. 3-4 Nahu manggahi mboda sakali wali; Nahu kab̄adeb̄a one dou ake rahanta kalu'u d̄i Firdaus. Nahu wati ^badeku sab̄ua sarumbuna poda-poda rahanta atao ede rawi rakatada b̄a Ruma mpa – Allah Ta'ala mpoa mpa ma ^badena. Ta aka dou ede ringana lampa rawi-lampa rawi ma wati loa ^dinuntu b̄a manusia ro wati loa rau manusia ^dimarentana. 5 Mab̄oha dou edeku d̄i ne'e roi-roi b̄a nahu, laina mab̄oha weki ndai nahu. Mab̄oha weki nahu, lampa rawi-lampa rawi ma mapu ro rome mpa ma tada d̄i nahu, edeku d̄ine'e roi b̄a nahu. 6 Pai ne'e b̄a nahu roi au-au, nahu wati ne'eku ndad̄i dou ma taki nggahi cowa ro kukukeko; nahu ^dimanggahi ma poda. Pala nahu pi'iku ade, loakud̄u wati wara dou ma wi'ikai nahu ncewi ra d̄i au rawa'u eda b̄a sia ra karawi b̄a nahu atao ra wa'u ringa b̄a sia nggahi nahu.7 Pala loakud̄u nahu aina ipi sombo b̄ara rawi ra katada b̄a Ruma ma na'e ede, nahu rambeina supu d̄i sarumbu nahu ma ndad̄i ncai Iblis. Supu ede rambeina ^dima^boe nahu loakud̄u nahu wati ndad̄i sombo. 8 Tolu kali nahu do'aku d̄i Ruma loakud̄u supu ede mborana d̄i nahu. 9 Pala cambe b̄a Ruma, <<Nahu mameci ro ca'u nggomi ro ede wa'ura ncihi d̄i ru'u b̄a nggomi; b̄a one kuasa Nahu nawancuku tenggona nggara nggomi ade ka'ada'an mapu ro romemu.>> B̄ara ndedena nahu ncewi sana adeku roi mapu ro romeku, b̄ara wakatu nahu mapu ro rome wakatu edeku nahu rakaku iu b̄a one Al Masih ma sandaka nahu kai tenggo ro wale-Na. 10 Ndad̄i nahu neo adeku kai mapu ro romeku. Nahu neo adeku nggara b̄ara Al Masih nahu ^difitina, nahu iuku susa ro ncoki, ^dicoco rero b̄a dou ro nahu iuku susa ro ncoki. B̄ara nggara nahu ka'iusi rome, ndad̄i d̄i wakatu edeku nahu katenggo.
La Paulus darura adena mab̄oha dou-dou Korintus
12:11-21
11 Poda romo ruku ro rawi nahu b̄une dou masampula – pala nggomi^dohoku ma rakandad̄ina nahu b̄une ede. Sapodakaina nggomi^dohoku ma pab̄ua roi nahu. B̄ara nahu kone wati ntauku one au-au, nahu wati ko^daku d̄i <<rasul-rasul>> ma heba ede! 12 ^Bisa ro guna-^bisa ro guna ro lampa rawi maheba ro karawi ma na'e-na'e wa'ura katada b̄a nahu kai lembo ade d̄i nggomid̄oho ^dibukutikai b̄a one nahu eded̄u rasul. 13 D̄i ade lampa rawi auku nahu wati kandad̄i aukaiku nggomid̄oho, ntewikaisi lab̄o ela Ruma ma kalaina? Selasi ade lampa rawi ake mpa: b̄a one nahu wati kasusaku nggomid̄oho d̄imacola wea au ra d̄iparalu b̄a nahu. Kangampu weapu nahu b̄ara rawi ncara nahu ede!
14 Ake wa'ura katolu kalikaina nahu wa'ura sadia lao lamba nggomid̄oho.Ro nahu wati ne'eku kasusa nggomid̄oho, b̄ara d̄i ne'e b̄a nahu laina au ra kantau b̄a nggomid̄oho, malaisi wekimu. B̄ara laina ana ma pab̄ua ngupa ngaha ro nono d̄i ru'u b̄a dou matuana, pala dou matuaku ma pab̄ua ngupa ngaha ro nono d̄i ru'u b̄a ana^dohona. 15 B̄ara ndedena, kai sana adeku nahu rela koroba samenana au-au d̄i ru'u b̄a nggomid̄oho, kone weki ndai nahu rau. Nggara nahu ndede meci ro ca'uku nggomid̄oho, sab̄ua patu nggomid̄oho wati ipi meci ro ca'umu nahu?
16 Nggomid̄oho manggahi b̄a one nahu wati paranaku kasusa nggomid̄oho.Pala wara ma nggahi b̄a one nahu ake kukukeko; b̄a one nahu maraka laba d̄i nggomid̄oho b̄ara tipu b̄a nahu. 17 Wati lu'u b̄a aka! Sab̄ua kai ncai dou-dou ra nggadu b̄a nahu d̄i nggomid̄oho ede nahu weha ro ^baroku kanaha d̄i nggomid̄oho? 18 Nahu wa'ura kauku la Titus lao lamba nggomid̄oho, ro nahu kauku cina ndai ma sama imbi lab̄o ndai ma kalaina ede lao sama lab̄o sia. Sab̄ua la Titus wehana kanaha d̄i nggomid̄oho? Pala nami d̄ua makarawi kai sab̄ua mpa d̄ine'e ma sama ro kalampa kai cara-cara ma sama!
19 Loa ndad̄i nggomid̄oho kacaimu nami sandakera'ai wunga usahamu ^dihorukai weki d̄i tando nggomid̄oho? Nggomid̄oho ncara na'e! Allah Ta'ala nab̄adeku b̄a one samenana ra nggahi b̄a nami ede eded̄u ncihi ncao b̄une ra kane'ekai b̄a Al Masih. Ro samenana ra karawi b̄a nami eded̄u ^dimakatu'una mori ro woko rohani nggomid̄oho. 20 Nahu darura adeku b̄a one d̄i wakatu nahu lao lambaku nggomid̄oho peade, nahu rakaku nggomid̄oho wati b̄une au ra kane'ekai b̄a nahu, ro nggomid̄oho rau rakamu nahu wati b̄une au ra kane'ekai b̄a nggomid̄oho peade. Ai to'ina peade wara ma ncao, hiana ade, mbani, makapenti ru'u ndaina, mafitina, sa^du'u angi, sombo ro ma kakaco weki. 21 Nahu kadahu nggara wakatu maisi nahu peade, Allah Ta'ala kab̄awa ro katunana nahu d̄i tando nggomid̄oho ro nahu ^dimanangi b̄ara mboto d̄i ade weki nggomid̄oho ma karawi dosa ntoina, wati rungkana weki ro wati denggana kalampa ruku ro rawi-ruku ro rawi siad̄oho ma sampu ro nggele, sampu ro wati patuna.