La Paulus ro rasul-rasul palasu
11:1-15
11
Nawancuku tahona, nggara nggomid̄oho lembo ademu d̄i ade ruku ro rawi nahu ma sampula ake. Poda romo nggomid̄oho ma lembo ade d̄i nahu! 2 Nahu lingi adeku d̄i nggomid̄oho, b̄une ndai Allah Ta'ala malingi ade rau d̄i nggomid̄oho.Nggomid̄oho b̄une dou siwe sampela ma mbuipu raso ra wa'u sake b̄a nahu ^dikanika lab̄o sab̄ua dou mone, eded̄u Al Masih. 3 Pala nahu kadahu adeku, fiki ro kananu nggomid̄oho b̄oha b̄a goda'an eded̄u wati to'a walimu d̄i Al Masih, sama b̄une la Hawa ntoina b̄oha b̄a goda'an rau b̄ara keko b̄a sawa. 4 B̄a one nggomid̄oho sana mpa ademu tarima dou ma mai d̄i nggomid̄oho ro mangoa ro tei mab̄oha Isa ma kalai – laina Isa Al Masih rakapata b̄a nami d̄i nggomid̄oho.Ro nggomid̄oho rau mane'eku tarima ao roh ro Injil ma kalaina <<ma wati poda sama lab̄o Roh Allah ro Injil ra wa'u tarima b̄a nggomid̄oho d̄i nami.5 Nahu wati iuku weki b̄a one nahu ma ncewi awa ra d̄i <<rasul-rasul>> ma wati wara ^dintewikai ede! 6 Kombisi nahu wati ipi loaku nuntu ro nggahi, pala mab̄oha loa ro tingi, nahu laina dou ma sampula. Ede wa'ura mbei b̄a nami bukuti d̄i nggomid̄oho ade samenana lampa rawi.
7 D̄i wakatu nahu ngoa ro kahabaku Injil Allah d̄i nggomid̄oho, nahu wati rahoku d̄i nggomid̄oho d̄imacola kone sato'i rau; ro kai ndedena nahu ka'awaku weki ndaiku. Nahu karawiku ede ^dika^desekaiku nggomid̄oho.Sab̄ua ede ncara nahu d̄i nggomid̄oho? 8 D̄i wakatu nahu karawi weaku d̄i ru'u b̄a nggomid̄oho, nahu cola wea b̄a ela Ruma makalaina. Loa ^dinggahi, nahu makarugina ela Ruma ede ^diloakai bantu nggomid̄oho. 9 Nggara d̄i wakatu ede nahu mbuipu susa moriku, nahu watipu iuku kasusa kone sab̄ua dou rau d̄i ade weki nggomid̄oho.Sara'a au ra d̄i paralu b̄a nahu rasadia wea b̄a cina ro angi ma mai ra d̄i dana ro rasa Makedonia. Nahu masandaka kataho-taho loakud̄u nahu wati kasusaku nggomid̄oho ade samenana lampa rawi, ro nahu sandaka ncauku loakud̄u ede ngge'e mpa ndendena. 10 Au ra ka'ese b̄a nahu ede wati loa ^difura kone ta b̄e-b̄e rau d̄i sara'a dana ro rasa Akhaya, b̄ara ngoa ro tei Al Masih ma poda, wara d̄i nahu. 11 ^Ba^bauku nahu nggahi ndedekaiku? Sab̄ua b̄ara nahu wati meci ro ca'uku nggomid̄oho? Allah Ta'ala nab̄adeku b̄a one nahu mameci ro ca'u nggomi^doho!
12 Au ra karawi b̄a nahu ake d̄ikarawi ncau b̄a nahu loakud̄u <<rasul-rasul>> ma kalai ede wati ntauna alasan ^dikasombokaina weki ro nggahina b̄a one siad̄oho nakarawi b̄une nami. 13 Dou-dou b̄une ede eded̄u rasul-rasul palasu. Siad̄oho ede eded̄u dou-dou makarawi tipu dou mawa'a pahu kai rasul-rasul Al Masih. 14 Wati ^dimborakai aka siad̄oho karawi ndedena, b̄ara ndai Iblis wa'ana pahu kai mala'eka taroa! 15 Ndad̄i wati ^dimborakai aka rau nggara dou-dou makarawi wea Iblis mawa'a pahu kai dou-dou ma karawi wea au ra kane'ekai b̄a Allah Ta'ala. Cumpukaina siad̄oho rau d̄imatarima cola cepe ma ncihi ncao lab̄o samenana au ra karawi b̄a siad̄oho.
Susa ro ncoki la Paulus kai rasulkaina
11:16-33
16 Nahu manggahi mboda sakali wali: Ai to'ina wara ma wi'ikai nahu sampula. Pala nggara nggomid̄oho mawi'ikaisi nahu b̄une ede, mbeipu ijin d̄i nahu ma sampula ake roi weki sato'i. 17 Ta awa ake nahu ^dimapehena ka'esekaiku weki nahu, pala laina Ruma ma rakau nahu nggahi ndede. Ade lampa rawi ake nahu poda-poda nuntuku b̄une dou ma sampula. 18 Mboto romo dou ma ka'ese-ese weki d̄i lampa rawi dunia, nahu rau kane'e ka'ese weki mab̄oha dunia. 19 Nggomid̄oho lembo ademu d̄i dou ma sampula, b̄ara nggomid̄oho iumu weki ipi loa! 20 Nggomid̄oho maco'o mpa nggara ka'adasi b̄a dou, atao ma^baro kampoi ro maweha laba ra d̄i nggomid̄oho, atao ma'iu weki ncewi ese ntewikaisi nggomid̄oho ro nadisaku topa nggomid̄oho. 21 Nahu kamaja mangaku b̄a one nami mawancuku mapu ro rome d̄imakarawi b̄une ede.
Pala nggara dou makalai nadisasi ka'ese weki, nahu kadisa rau! Nahu kanuntu b̄une dou ma sampula. 22 Nggara siad̄oho ede dou Ibrani? Nahu rau dou Ibrani. Nggara siad̄oho ede dou Israel? Nahu rau dou Israel. Nggara siad̄oho ede londo ro mai la Ibrahim? Nahu rau londo ro mai la Ibrahim! 23 Nggara siad̄oho ede dou-dou ma karawi wea d̄i ru'u b̄a Al Masih, ake nahu kane'e nuntu b̄une dou ma ringu: nahu ake dou makarawi wea ma ncewi taho ntewikaisi lab̄o siad̄oho sara'ana! Nahu makarawi ncewi kapoda ade, nahu ntuwu podara rakalu'u ade uma bui, nahu ntuwu ipira kancoki b̄a dou ro ntuwura ne'era made. 24 Nahu wa'ura lima kali rakancoki b̄a dou Yahudi ro cambona tolu mpuru ciwi kali. 25 Tolu kali nahu racambo b̄a dou-dou Roma; nahu wa'ura iu rauku rato^ba kai wadu. Tolu kali nahu iuku mimi lopi d̄i moti, ro sakali nahu karente ntero d̄i moti santoi d̄ua mpuru upa jam. 26 Ntuwu podara nahu ade lampa ro laokaiku b̄oha b̄a bahaya: bahaya mbere, bahaya parampo, bahaya d̄i dou Yahudi ra d̄i dou ma laina Yahudi, bahaya ade kota, bahaya ari mai b̄a kota, bahaya d̄i moti ro bahaya-bahaya ra d̄i dou-dou ma kanahu weki kai cina ro angi ela Al Masih, sapodakaina laina. 27 Nahu karawi kapodaku ade sampe mboho howiku; nahu ntuwu poda wati maruku, wati ngaha, wati nono, ntuwu puasaku b̄ara wati wara ngaha ro nono, b̄usi b̄ara kura kani ro lombo ro wati ntauku hid̄i ngge'ekai. 28 Ari mai b̄a sara'ana ede, sanikina ainaina nahu darura ade rauku b̄a kananuku ka'ada'an sara'a ela Ruma. 29 Nggara nawarasi ma rome, nahu rau ka'iu rome. Nggara nawarasi ma mab̄u d̄i ade dosa, nahu leli adeku.
30 Nggara nahu kapab̄uasi ka'ese au-au, ndad̄i nahu ka'eseku lampa rawi ma katadana mapu ro rome nahu. 31 Allah Ta'ala, Ama b̄a Ruma Isa Al Masih nab̄adeku b̄a one nahu wati nuntu cowaku. ^Dese ro ntasara ngara-Na santoi-ntoina. 32 Wakatu nahu waraku d̄i Damsyik, gubernur ma kuasa d̄i dana ro rasa ede raparenta b̄a Sangaji Aretas, makauna tentara jaga ncai lawa kota ede ^diwa'u ro letokaina nahu. 33 Pala kai sab̄ua garanji nahu oro ca'awa b̄a dou kai ncai sab̄ua karombo d̄i tembo kota. Ndedeku nahu loaku hori weki ra d̄i rima gubernur ede.