Tabe'a la Paulus
10:1-11
10
Ake nahu, la Paulus, wara d̄i ne'eku nggahi d̄i nggomid̄oho.Nahu ake, ranggahi b̄a dou, mapu nggahi ro eliku nggara kancao tandosi lab̄o nggomid̄oho, pala kadisa nggara kad̄o'osi lab̄o nggomid̄oho.Kai ngara Al Masih ma ncera ro mbura ro ma taho ade, 2 nahu maraho poda-poda d̄i nggomid̄oho aina pakasamu nahu toku d̄i nggomid̄oho nggara maisi nahu peade. B̄a one nahu wa'ura niaku ^dimarojo kapoda d̄i dou-dou ma nggahi b̄a one nami makarawi kai mpoumu dunia. 3 Poda romo, nami mbuipu morimu d̄i dunia, pala nami wati karawi kapodamu ade ^dimpoukaimu dunia. 4 ^Daha ro ^dano ra kani b̄a nami d̄i ade karawikai nami laina ^daha ra d̄i dunia ake, pala ^daha ro ^dano ra d̄i Allah Ta'ala ma ntau kuasa. Kai ^daha ro ^dano-^daha ro ^dano ede nami kalelimu au ma tapa; nami teta aomu cence ncihi 5 ro ncoramu bente kasombo weki ratu'u ^dima'ao loa ro tingi mab̄oha Allah Ta'ala. Nami ma rungka fiki ro kananu dou-dou ro kandad̄imu siad̄oho to'a d̄i Al Masih. 6 Ro nggara nggomid̄oho mapoda-podasi wa'ura to'a, nami ma ngawa hukum sara'a dou ma wati to'a.7 Nggomid̄oho pab̄uapu kawaramu weki mab̄oha au ma sapodakaina. Nggara sab̄ua dou na'imbisi b̄a one sia eded̄u ntau Al Masih, pab̄uaku sia kawarana weki b̄a one nami rau ntau Al Masih b̄une sia. 8 Nahu wati majaku nggara nahu ncewi mboto ka'ese-eseku kuasa ra mbei b̄a Ruma d̄i nami, b̄ara kuasa ede rambei ^dikatenggokai nggomid̄oho, laina ^dikama^bukai nggomid̄oho. 9 Nahu wati ne'eku nggomid̄oho iumu b̄a one nahu makadahu-dahu nggomid̄oho kai sura-sura nahu. 10 Ra nggahi b̄a dou, <<Sura-sura la Paulus ede na'ipiku ngaha nggahina, pala nggara ndai sia nawarasi d̄i woha ndai, ruku ro rawina namapu ro au ra nggahina wati ntauna one!>> 11 Dou ma b̄une ede pab̄uaku kawarana weki b̄a one nggara nami mawarasi d̄i woha nggomid̄oho, au ra karawi b̄a nami ncihi poda b̄une au ra tunti b̄a nami ade sura-sura nami.
Nggahi b̄a la Paulus mab̄oha weki ndaina
10:12-18
12 Tantu nami wati disamu ntewikai atao wi'i weki nami sama b̄une dou-dou ma wi'i wekina ese. Nawancuku sampulana sia^doho! Siad̄oho ndawina taka ro uku d̄i ru'u b̄a ndaina ro kaco'ina weki ndaina kai taka ro uku ra ndawina ede. 13 Nami wati ndedena. Nggara nami maroisi weki, nami wati kalalomu hampa. Nami mangge'e d̄i dana ro rasa ra wa'u katantu b̄a Allah Ta'ala d̄i ru'u b̄a nami. Ro nggomid̄oho ma wara rau d̄i ade dana ro rasa ra kahampa ede. 14 Ndad̄i, wakatu nami lao lambamu nggomid̄oho ro wa'amu Injil Al Masih d̄i ru'u b̄a nggomid̄oho, nami sapodakaina wati losamu ari mai b̄a dana ro rasa ra kahampa hid̄i karawikai nami. 15 Nami wati roimu weki b̄ara au ra karawi b̄a dou makalai ma wara ari mai b̄a dana ro rasa ra katantu b̄a Allah Ta'ala d̄i ru'u b̄a nami. Pala nami ngge'e mpa d̄i dana ro rasa ra katantukai b̄a Allah Ta'ala d̄i ru'u b̄a nami ro ma pamao loakud̄u nggomid̄oho naha imbi d̄i Al Masih, loakud̄u nami loa kalampa rawi ma ncewi na'e wali d̄i woha nggomid̄oho. 16 Kai ndedena nami maloaku ngoa ro kahaba rau Injil ede d̄i dana ro rasa makalai kai wati loa kasombo weki d̄ikarawi rawa'u karawi d̄i dana ro rasa hid̄i karawikai dou makalai.