Ka^boro piti d̄i ru'u b̄a sasama ela Al Masih
9:1-5
9
Sapodakaina nahu watid̄u pori walina tuntiku sura d̄i ru'u b̄a nggomid̄oho mab̄oha au-au ^dibantu ma wunga ^dinggadu d̄i ru'u b̄a ela Ruma d̄i dana ro rasa Yudea. 2 Nahu kab̄adeb̄a one nggomid̄oho maca'u bantu, ro nahu wa'ura roi-roiku nggomid̄oho d̄i tando dou-dou d̄i dana ro rasa Makedonia. Nahu nggahiku d̄i siad̄oho, b̄a one ra tampu'u mba'ana ma ulu cina ro angi d̄i dana ro rasa Akhaya wa'ura sadia ^dimbeikaina bantu. Ro au ra karawi b̄a nggomid̄oho wa'ura kandad̄ina nanaha kapoda ade sarunde dou d̄i weki siad̄oho. 3 Ake nahu manggadu la Titus ro cinata d̄ua douna ede d̄i nggomid̄oho loakud̄u au ra roi-roi b̄a nami mab̄oha nggomid̄oho laina nggahi mpoa. Ndad̄i, nggomid̄oho pab̄uapu wa'ura sadia weki, b̄ara nahu wa'ura nggahiku d̄i siad̄oho b̄a one nggomid̄oho wa'ura sadia weki d̄i ru'u b̄a ede. 4 Nahu dahu adeku kombisi wara dou-dou Makedonia ma b̄atu sama-sama lab̄o nahu peade wakatu nahu laoku d̄i nggomid̄oho.Ro nggara rakasi b̄a siad̄oho b̄a one nggomid̄oho watipu sadiamu, nawancuku majamu nami peade, b̄ara wa'ura nggahi b̄a nami b̄a one nami ma'imbi podaku d̄i nggomi^doho! Ro ndai nggomid̄oho rau ^dimamaja. 5 B̄ara ndedena iu b̄a nahu naparaluku nggadu ulu siad̄oho ede d̄i nggomid̄oho ^dimakab̄ua au-au ra bantukai ra sake b̄a nggomid̄oho ede. Nahu karawi ndedeku loakud̄u nggara maisi nahu peade, au-au ra mbei b̄a nggomid̄oho ede wa'ura sadia. Kai ndedena, natada b̄a one au-au ra mbeimu ede rambeimu kai sana ade, ro laina kai pakasa.Au ra mbei kai sana ade nakamaiku bareka
9:6-15
6 Kawarapu! Dou ma pari d̄ei sato'i ^dimaweha hasi sato'i rau. Pala dou ma pari d̄ei mamboto ^dimaweha hasi mamboto rau. 7 Sanikina dou pab̄uaku mbeina b̄e rasanakai b̄a adena. Aina sia mbeina kai mbali mbua ade atao kai pakasa, b̄ara Allah Ta'ala nameci ro ca'uku dou ma mbei kai sana ade. 8 Allah Ta'ala nantau kuasa d̄imambei bareka maremba poda d̄i ru'u b̄a nggomid̄oho, loakud̄u nggomid̄oho mantau ncau au ra d̄iparalu b̄a nggomi^doho; nggomid̄oho ^dimamori remba ^dikarawikaimu mataho ro bantumu dou makalai. 9 Ade Kitab Suci wara ratunti b̄une ake mab̄oha Allah Ta'ala,
<<Sia cengga-cenggana d̄i ru'u b̄a dou mancoki mori;
Taho ade-Na ma ede ro hid̄i santoi-ntoina.>>
10 Allah Ta'ala ma sadia weana d̄ei d̄i ru'u b̄a dou makanggihi ro ngaha ro nono d̄i ru'u b̄a ndai, Allah Ta'ala rau ^dimasadia weana ro nakambotoku au ra pari b̄a nggomid̄oho. 11 Kai ndedena nggomid̄oho ^dimancihi ade samenana lampa rawi ndad̄ina nggomid̄oho maloa mbei ncau kai ncera ro mbura ademu. Ro au ra mbei b̄a nggomid̄oho ede ra cengga-cengga b̄a nami, nakandad̄iku mboto dou marenta syuku d̄i Allah Ta'ala. 12 B̄a one rawi mataho ra karawi b̄a nggomid̄oho ake laina ^dikancihikai au ma kura d̄i ru'u b̄a ela Ruma mpoa, pala d̄imakandad̄i rau mboto dou marenta syuku d̄i Allah Ta'ala. 13 Ro ra d̄i taho ade ra katada b̄a nggomid̄oho ede, mboto dou ela Al Masih d̄i Yudea ^dimaroi ro wadi Allah Ta'ala b̄ara siad̄oho edana to'a nggomid̄oho d̄i Injil Al Masih ra b̄atu b̄a nggomid̄oho ede. Siad̄oho roi ro wadina Allah Ta'ala rau, b̄ara nggomid̄oho nawancuku ncera ro mbura ademu ^dicengga-cenggakaimu d̄i siad̄oho ro d̄i ru'u b̄a samenana dou makalai au ma wara d̄i ndai nggomid̄oho. 14 Ndad̄i siad̄oho ^dimado'a wea d̄i ru'u b̄a nggomid̄oho kai meci ro ca'u angi b̄ara Allah Ta'ala nawancuku taho adena d̄i nggomid̄oho. 15 Pab̄uaku ndai renta syuku d̄i Allah Ta'ala b̄ara au ra mbei-Na ma wancu na'e ede.