Karawi kai meci ro ca'u
8:1-15
8
Cina ro angi, d̄i ne'e b̄a nami loakud̄u nggomid̄oho b̄ade raumu mab̄oha nawancuku tahona Allah Ta'ala d̄i ela Ruma ma wara d̄i dana ro rasa Makedonia. 2 Siad̄oho wa'ura uji kai susa ro ncoki ma tani-tani. Pala d̄i ade susa ro ncoki ede, siad̄oho neo adena ro nawancuku ncera ro mbura adena mbeina bantu d̄i ru'u b̄a dou makalai, konena siad̄oho nancoki poda morina. 3 Nahu kab̄adepoda b̄a one siad̄oho nambeiku sawa'ukai b̄a siad̄oho, konede nancewi. Kone wati wara dou ma rakauna, 4 siad̄oho raho poda-podana d̄i nami nggara loasi siad̄oho bantu mbei piti d̄i ru'u b̄a ela Ruma d̄i dana ro rasa Yudea. 5 Siad̄oho mbeina ma'ipi ncewi ra d̄i au ra kane'ekai b̄a nami. Saramba-rambana siad̄oho d̄onggona weki d̄i Ruma, sawa'u b̄a ede d̄i nami rau, ncihi ncao b̄une ra kane'ekai b̄a Allah Ta'ala. 6 B̄ara ndedena nami makau kapoda d̄i la Titus – ma ratampu'una rawi ake – loakud̄u sia matuwu kantuwuna rawi ma taho ake d̄i ade weki nggomid̄oho rau. 7 Nggomid̄oho mangau ade samenana lampa rawi: Nggomid̄oho mangau d̄i ade imbi, d̄i ade katadakaimu nggahi ro eli, d̄i ade loa ro tingi, d̄i ade sara'a pahu usaha, ro d̄i ade meci ro ca'umu d̄i nami. B̄ara ndedena, tahora nggomid̄oho rau mangau d̄i ade usaha ma taho ake.8 Nahu wati kauku ede kai sab̄ua parenta. Pala kai tei katadaku b̄a one nawancuku cahana dou ma kalai bantu sasamana, nahu rau kane'e b̄ade hampa b̄e meci ro ca'u nggomid̄oho. 9 B̄ara nggomid̄oho mab̄adepodaku b̄a one ndai nawancuku meci ro ca'u b̄a Ruma Isa Al Masih, Ruma ndaita. Sia nantau ro wara, pala Sia kandad̄ina weki-Na ndad̄i ncoki mori d̄i ru'u kapentikai nggomid̄oho, loakud̄u kai ncoki mori-Na ede, nggomid̄oho ndad̄i ntau ro wara.
10 Nggahi b̄a nahu, patu romo nggomid̄oho d̄imakanggorina au ra wa'u tampu'u b̄a nggomid̄oho d̄i mba'ana ma ulu. B̄ara nggomi^dohoku ma saramba-rambakaina mantau kananu ^dimatampu'una usaha ake. 11 Ake nggomid̄oho pab̄uapu tuwu kantuwumu karawi ede b̄e ra wa'ukaimu. Pab̄uapu nggomid̄oho kapoda ade d̄i makanggorina usaha ede, b̄une nggomid̄oho ntoi rauna makapoda ade wakatu ne'emu tampu'u rawi ede. 12 Nggara nggomid̄oho manirasi ade mbei, ndad̄i Allah Ta'ala natarimaku au ra mbeimu ede kai dasa au ma wara d̄i ndaimu, laina kai dasa au ma wati wara d̄i nggomid̄oho.
13-14 Nahu wati poda wara niaku ^dimahori dou makalai ra d̄i su'u ro tunduna, ro kataniku nggomid̄oho.Pala b̄ara nggomid̄oho wakatu ake ade ka'ada'an ncihi mena, ndad̄i patura nggomid̄oho d̄i makancihi au ma wati wara d̄i siad̄oho.Pea nggara nggomid̄oho warasi ma dancihimu, ro siad̄oho ade ka'ada'an ncihi mena, ndad̄i siad̄oho ^dimabantuna nggomid̄oho.Kai ndedena ^dua-d̄uana sama-sama d̄ikarawi wea. 15 Ade Kitab Suci wara ratunti,
<<Dou ma mboto raka arujiki,
wati ncewina
ro dou ma sato'i arujiki
wati ^dimakura.>>
La Titus ro lenga^dohona ra nggadu sama-sama
8:16-24
16 Nami mawancuku syuku d̄i Allah Ta'ala b̄ara Sia wa'ura kandad̄ina la Titus kapoda ade b̄une nami mabantu nggomi^doho! 17 B̄ara la Titus laina nira mpoa adena mbei au ra raho b̄a nami, pala sia rau nawancuku kapodana ade bantu nggomid̄oho sampe kai ra kane'ekai b̄a ndaina sia lao rakana nggomid̄oho. 18 Sama-sama lab̄o sia, nami nggadu raumu cina ndaita ma ipi ^dilia ro ^dihoroma b̄a sara'a ela Ruma b̄ara to'ana ngoa ro kahaba Injil. 19 Ari mai b̄a ede, dou ede wa'ura kad̄ale rau ro wa'ura katantu b̄a ela Ruma ^dimalab̄ona nami ade lampa ro laokai nami. B̄ara nami d̄imalao karongga au-au ra wa'u kab̄oro ede, loakud̄u Ruma d̄ikad̄ese ro kantasa ro loakud̄u ^di'eda b̄a nggomid̄oho b̄a one nami nira ademu bantu.
20 Nami majaga kapodaku loakud̄u aina wara dou ma kancara nami d̄i ade karonggakai b̄a nami au ra bantukai ake. 21 Nami mane'e karawi rombo laina d̄i tando Ruma mpoa, pala d̄i tando manusia rau.
22 Sama-sama lab̄o la Titus ro cina ndai ede, nami nggadu raumu sab̄ua cina ndai ma kalai. Sia wa'ura uji b̄a nami pila-pila kali ro poda sia naca'u bantu. Ro ake, sia na'ipiku ne'ena bantu nggomid̄oho b̄ara sia na'imbi podaku d̄i nggomid̄oho. 23 Mab̄oha la Titus, sia eded̄u lenga nahu ma karawi lab̄o nahu ^dimabantu nggomid̄oho.Ro mab̄oha cina ndaita d̄uana ede, ma lao lab̄o la Titus, siad̄oho eded̄u dou-dou ra nggadu b̄a ela Ruma ro siad̄oho kad̄ese ro kantasana Al Masih. 24 D̄i raho b̄a nami d̄i nggomid̄oho katadapu meci ro ca'umu d̄i siad̄oho, loakud̄u sara'a ela Ruma nab̄adeku b̄a one nggomid̄oho mameci ro ca'u siad̄oho ro b̄a one au ra roi-roi b̄a nami mab̄oha nggomid̄oho ede napodaku.