7
Cina ro angi ra meciku! Sara'a au ra sake ede d̄i ru'u b̄a ndaita. B̄ara ndedena pab̄uaku ndai takaraso weki ra d̄i samenana ma kasampu nawa ro sarumbu ndaita. Pab̄uaku ndai dahu d̄i Allah Ta'ala, loakud̄u ndai mori mpa d̄i ru'u b̄a Sia kai mpuruna.Neo ade la Paulus
7:2-16
2 Weha aopu nami d̄ei ademu. Nami wati ncaramu kone d̄i sab̄ua dou rau, ro watipu parana wara dou ra karugi b̄a nami. Nami watipu iumu weha ^dilabakai kone d̄i cou-cou rau. 3 Nahu nggahi ndedekaiku, laina ^dikancarakaiku nggomid̄oho.^Bara, b̄une ra wa'u nggahi b̄a nahu ntoina, nami mawancuku meci ro ca'u nggomid̄oho, ro ndai eded̄u lenga sama mori sama madeta. 4 Nahu ka'imbi poda d̄i nggomid̄oho.Nahu karoi podaku nggomi^doho! Konena nahu mboto iuku susa ro ncoki, pala nahu sana poda adeku b̄ara nggomid̄oho.Nahu wancu poda neo adeku!
5 Wakatu nami rongga raumu d̄i Makedonia, nami wati kone loamu sanawa. Ro ta b̄e-b̄e rau, nami marakaku susa ro ncoki: ta ari lua nami rakamu cence ncihi, ta d̄ei ade, nami ma'iuku dahu. 6 Pala syuku, Allah Ta'ala marere ncau dou ma kompo kananu; Sia kasanana ade nami kai mai la Titus. 7 Nami sana ademu lai mpoana b̄ara la Titus wa'ura mai, pala b̄ara sia wa'ura ngoa rauna b̄uneku sia neo adena b̄ara nggomid̄oho.Sia ngoana d̄i nami b̄a one nggomid̄oho wancuku ne'emu eda angi lab̄o nahu; b̄a one nggomid̄oho sinci ademu d̄i ruku ro rawimu ntoina ro ake rela ademu horu nahu. Lampa rawi ede ma'ipi kaneo ade nahu wali.
8 Konena sura nahu ma rakandad̄ina nggomid̄oho ncoki ademu, nahu wati sinci adeku tunti sura ede. Ncihi romo wakatu eda b̄a nahu b̄a one sura nahu ede makandad̄ina ncoki ade nggomid̄oho – konena ncoki ademu, ede samporo mpa– nahu wara sinci ade rauku. 9 Pala ake nahu neo adeku – laina b̄ara ncoki ade nggomid̄oho, malaisi b̄ara ncoki ademu ede marungkana ruku ro rawimu. Poda romo ncoki ademu ede sab̄ua lampana lab̄o au ra kane'ekai b̄a Allah Ta'ala. Ndad̄i nami wati karugimu nggomid̄oho. 10 B̄ara ncoki ade b̄une ede makandad̄ina rungka ade ma kamaina salama. Ro dou wati ^dimasinci adena b̄ara lampa rawi ede. Pala ndakeku, ncoki ade sab̄ua mpa ncaina lab̄o au ra kane'ekai b̄a manusia nakamaiku made. 11 Tio kab̄aepu auku d̄i raka b̄a nggomid̄oho b̄ara ncoki ade ma sab̄ua lampana lab̄o au ra kane'ekai b̄a Allah Ta'ala! D̄i rakamu eded̄u nggomid̄oho poda-poda usahamu ^dikanoakaimu ma ko^bu! Nggomid̄oho wati ca'umu d̄i dosa, nggomid̄oho madahuku, nggomid̄oho lingi ademu, nggomid̄oho ndad̄i tenggo, nggomid̄oho ma hukumku dou ma ncara rawi! D̄i ade sara'ana masa'ala ake nggomid̄oho wa'ura katadamu b̄a one nggomid̄oho wati wara ncaramu.
12 Ndad̄i, kone wa'ura tunti b̄a nahu sura ede, nahu tuntiku laina b̄ara dou ma ncara ede. Lai rauna b̄ara dou ma susa ro ncoki b̄ara rawi ncara ede. Nahu tuntiku sura ede loakud̄u d̄i tando Allah Ta'ala, nggomid̄oho iu b̄a weki ndaimu, na'ipiku na'ena nggomid̄oho tio ro edamu nami. 13 Edeku ma rerena ade nami. Ari mai b̄a ede, nami ncewi neo ademu b̄ara edamu neo ade la Titus; sia sana adena b̄ara nggomid̄oho sara'ana. 14 Poda nahu wa'ura roi-roiku nggomid̄oho d̄i tando sia. Syuku, nggomid̄oho wati kamajamu nahu. Samenana au ra wa'u nggahi b̄a nami d̄i nggomid̄oho ede napodaku. Ndede rau au ra roi-roi b̄a nami mab̄oha nggomid̄oho d̄i la Titus ncihi rau. 15 Ake sia nanaha meci ro ca'uku nggomid̄oho, b̄ara sia kawarana b̄uneku nggomid̄oho sara'a to'amu d̄i sia ro b̄uneku nggomid̄oho tarimamu sia kai horoma ro to'a. 16 Nahu sana poda adeku, b̄ara nggomid̄oho loa d̄i'imbikai ade samenana lampa rawi.