La Paulus d̄i ade kalampakaina takina
6:1-13
6
B̄ara nami makarawi sama-sama lab̄o Allah Ta'ala, ndad̄i nami maraho poda-poda, aina dakaco'ikaimu tahona ade Allah Ta'ala. 2 Ade Kitab Suci, nggahi Allah Ta'ala,<<D̄i wakatu ra kane'ekai b̄a Nahu, Nahu wa'ura ringaku nggomi,
ro d̄i ainaina salamakai, Nahu wa'ura bantuku nggomi.>>
Kawara kataho-tahopu, akeku wakatuna ra kane'ekai ede. Akeku wakatuna ainaina ^disalamakai!
3 Nami wati ne'emu au ra karawi b̄a nami ^dikancara b̄a dou. B̄ara ndedena nami wati ne'emu mbei alasan kone d̄i sab̄ua dou rau loakud̄u au ra karawi b̄a nami ^dikancara. 4 Pala ndake, d̄i ade sara'a lampa rawi, nami makatadaku b̄a one nami eded̄u ada Allah Ta'ala. B̄a one ade samenana lampa rawi ma nggonggi wa'ura iu b̄a nami kai lembo ade: 5 nami rakancoki, rabui, ro rakalembi b̄a dou; nami karawi kapodamu ade, ntuwu poda wati marumu ro ntuwu rau nami wati ntaumu ^dingaha ro nono. 6 Kai nira ademu, loa timba ro lemba, lembo ade ro taho ade, nami makatada b̄a one nami eded̄u ada Allah Ta'ala. Ro kai wi'i weki d̄i bantu b̄a Roh Allah, ro kai meci ro ca'u, 7 ro kai ngoa ro kahaba haba ma ramai ra d̄i Allah Ta'ala ro kai kuasa Allah Ta'ala, nami matei katadaku b̄a one nami ake eded̄u ada-ada Allah Ta'ala. Nami makani au ra rakane'ekai b̄a Allah Ta'ala kai ^daha d̄i ru'u b̄a nami ^dideikai atao ^disandakakai weki. 8 Nami ^dilia ro horoma, pala ^dikatuna ro kab̄awa rau, ^diroi, ro ^difitina rau. Kone nami ma rombo ade, pala nawi'ikaiku dou ma cowa. 9 Nami wi'ikai b̄a sara'a dou wati mbou, pala nami pata b̄a sara'a dou. Nakacaiku nami wa'ura made, palasi nami mbuipu mori. Kone nami rakancoki, nami wati mademu. 10 Konena ade nami ^dikasusa wea, pala nami ngge'e mpa ^dihi ade ncau. Nami tada ncoki mori, pala nami wa'ura kandad̄imu mboto dou ndad̄i ntau ro wara. ^Di'edamu nami wati ntaumu au-au, pala sapodakaina nami mantau sara'ana.
11 Cina ro angi ra meci ro ca'u b̄a nami d̄i Korintus! Nami wa'ura ngoa ntirimu d̄i nggomid̄oho.Nami wa'ura ngoa sara'amu isi ade nami. 12 Nami wati ^bontomu ade d̄i ru'u b̄a nggomid̄oho, nggomi^dohoku ma ^bonto ade d̄i nami. 13 Ake, co'opu nahu manuntu ro nggahi b̄une nahu manuntu d̄i ana-ana ndai nahu. Hengga raupu ademu d̄i ru'u b̄a nami.
Ngoa ro tei loakud̄u aina mod̄a pangaru b̄a dou-dou ma wati imbi
6:14–7:1
14 Aina ngawa kasab̄ua weki lab̄o dou-dou ma wati imbi d̄i Isa; ede wati ncihi ncaona. Wati lu'u b̄a aka mataho campo lab̄o ma'iha! Wati lu'u b̄a aka taroa campo lab̄o marindi. 15 Wati lu'u b̄a aka Al Masih ako angina lab̄o Iblis. Auku samana dou ela Al Masih lab̄o dou ma laina ela Al Masih. 16 Auku hubungana Bait Allah lab̄o uma berhala? Ndai ake Bait Allah, eded̄u Allah Ta'ala ma mori. Ndai Allah Ta'ala manggahi,
<<Nahu ^dimangge'e d̄i woha siad̄oho,
ro mori sama lab̄o siad̄oho.
Nahu d̄imandad̄i Allah Ta'ala siad̄oho,
ro siad̄oho d̄imandad̄i ela Nahu.
17 B̄ara ndedena,
tu'u wi'ipu dou-dou ma wati pata Allah Ta'ala ede,
ro kalaipu wekimu ra d̄i siad̄oho.
Aina kacampomu weki lab̄o ma najis,
ndad̄i Nahu d̄imatarima nggomi.
18 Nahu d̄imandad̄i Amamu,
ro nggomid̄oho d̄imandad̄i ana-ana Nahu,
ndedeku nggahi b̄a Ruma Ma Wancu Na'e Kuasa.>>