Ka^boro piti d̄i ru'u b̄a ela Ruma d̄i Yerusalem
16:1-4
16
Ake mab̄oha piti ra kab̄oro b̄a nggomid̄oho d̄i ru'u b̄a ela Al Masih, nggomid̄oho pab̄uapu karawi b̄une ra karawi b̄a nahu d̄i ru'u b̄a ela Ruma d̄i Galatia. 2 D̄i ainaina sarambakaina, d̄i sanikina minggu, pab̄uapu nggomid̄oho wi'i kalaimu piti, cua-cua ma ncihi ncao lab̄o au ra rakana. Wi'ipu piti ede sampe maikai nahu, loakud̄u wakatu ede wati paralu walina kab̄oro piti. 3 Pea nggara wa'usira rongga nahu, nahu d̄imanggadu dou-dou rawi'ikai b̄a nggomid̄oho taho. Nahu ^dimakau siad̄oho wa'a sura nahu, loakud̄u siad̄oho wa'ana piti rakab̄oro ede aka Yerusalem, 4 ro nggara napentisi b̄a one nahu d̄imalao rau lab̄o siad̄oho, ndad̄i nahu d̄imalao sama lab̄o siad̄oho.D̄i ne'e b̄a la Paulus
16:5-12
5 Nahu d̄imalao lamba nggomid̄oho sawa'u b̄a lampa kaliliku dana ro rasa Makedonia, b̄a one nahu kane'e lampa sai dana ro rasa Makedonia. 6 Loa ndad̄i nahu ngge'e sama lab̄o nggomid̄oho samporo, kombi santoi oru b̄usi ai. Sawa'u b̄a ede nggomid̄oho maloa bantu nahu lampa ro lao wali aka hid̄i makalai. 7 Nahu wati ne'eku lao lamba nggomid̄oho kai sai mpoa. Nggara kane'esi b̄a Ruma, nahu kane'e ngge'e ntoi nari lab̄o nggomid̄oho.
8 Nahu kane'e ngge'e d̄i kota Efesus ake, sampe ainaina Pentakosta. 9 Mboto wakatu ta ake d̄ikarawikai ma wara one, konena mboto rau dou ma wati ca'u.
10 Nggara namaisi la Timotius, weha ao katahopu sia loakud̄u sia nginana d̄i woha nggomid̄oho, b̄ara sia b̄une nahu rau ma karawi d̄i ru'u b̄a Ruma. 11 Ai to'ina warakai ma dakaco'i sia. Bantu to'ipu sia loakud̄u sia lampa ro lao walina mai mbali d̄i nahu kai salama, b̄ara nahu mangena maikai sia sama-sama lab̄o cina ro angi makalai.
12 Mab̄oha cina ndai la Apolos, nahu wa'ura pila-pila kali kauku sia loakud̄u sia lampa samana lab̄o lenga ndai ma kalaina lao lamba nggomid̄oho.Pala sia mbuipu mbali mbua adenaq b̄a one sia pab̄uaku laona ake. Pala nggara warasi wakatu, tantu sia ^dimamai.
^Bontokai sura
16:13-24
13 Pab̄uapu nggomid̄oho aina kabare ro tenggo ade morimu kai dou ela Al Masih. Nggomid̄oho ngge'e mpa tenggo imbimu. 14 Samenana au ra karawi b̄a nggomid̄oho, karawipu kai meci ro ca'u.
15 Nggomid̄oho tantu mapataku la Stefanus lab̄o iwa ro wekina; siad̄oho masaramba-rambakaina ma ndad̄i ela Al Masih d̄i Akhaya. Siad̄oho karawi kapodana ade d̄i ru'u b̄a ela Allah Ta'ala mpoa mpa. 16 Nahu maraho poda-poda loakud̄u nggomid̄oho ^batumu au ra kaukai b̄a dou-dou ma b̄une ede, ro dou-dou ma kalai makarawi sama ro ma sama karawi lab̄o siad̄oho.
17 Nahu neo adeku mai la Stefanas, Fortunatus, ro la Akhaikus. Siad̄oho eded̄u macepena nggomid̄oho d̄i ru'u b̄a nahu. 18 Siad̄oho wa'ura kaneo weana ade nahu, b̄une siad̄oho kad̄ihi weana ade nggomid̄oho.Dou-dou b̄une ede pab̄uaku ^dikaco'i.
19 Ela Ruma d̄i Asia karonggana salam do'a siad̄oho d̄i ru'u b̄a nggomid̄oho.La Akwila ro la Priskila ro ela Ruma ma kab̄oro weki d̄i uma siad̄oho nggadu rauna salam kai ngara Ruma d̄i ru'u b̄a nggomid̄oho. 20 Sara'a cina ro angi ndai ta ake karonggana salam d̄i ru'u b̄a nggomid̄oho.
Cua wa'apu salam d̄i sab̄ua lab̄o ma kalaina kai meci ro ca'u angi. 21 Nahu ma ratuntina sura ake: Salam nahu, la Paulus.
22 Dou ma wati meci ro ca'u Ruma, co'opu sia b̄oha b̄a ^ba'a b̄a Ruma!
23 Raho-raho to'i mpa Ruma Isa barekana nggomid̄oho.
24 Meci ro ca'u nahu malab̄ona nggomid̄oho.
Salam do'a nami, Paulus