Mab̄oha mori mbali Al Masih
15:1-11
15
Ro ake, cina ro angi, nahu kane'e ngoa ro kawara nggomid̄oho mab̄oha Injil ra ngoa ro kahaba b̄a nahu d̄i nggomid̄oho ro nggomid̄oho tarimamu. B̄ara Injil ede nggomid̄oho poda-poda imbimu. 2 Nggara nggomid̄oho ma nenti kapodasi d̄i au ra ngoa ro kahaba b̄a nahu ede, ndad̄i Injil ede ^dimakasalama nggomi^doho; selasi nggomid̄oho imbi kai wati loamu ka'ao.3 Au ra karongga b̄a nahu d̄i nggomid̄oho eded̄u ra wa'u tarima rau b̄a ndai nahu. Ma ipi penti, b̄une ra tunti ade Kitab Suci, nahu ma karongga d̄i nggomid̄oho b̄a one Al Masih madena b̄ara dosa-dosa ndaita. 4 Sia wa'ura umbu, pala sawa'u b̄a ede Sia kamori mbali d̄i ainaina katolukaina. Ede rau ra tunti ade Kitab Suci. 5 Nahu ngoa rauku d̄i nggomid̄oho b̄a one Al Masih ra kamori mbali ede katada rauna weki-Na d̄i la Petrus, ro sawa'u b̄a ede d̄i sampuru d̄ua rasul. 6 Sawa'u b̄a ede Sia katada rauna weki-Na d̄i ncewi 500 dou anamori-Na sakali lalo. Mboto d̄i ade weki doud̄oho ede ma mbuipu mori saraka ake, pila-pila dou mpa ma wa'ura made. 7 Sawa'u b̄a ede Al Masih katada rauna weki d̄i la Yakub ro sawa'u b̄a ede d̄i sara'a rasul.
8 Macumpukai podana Sia katadana weki d̄i nahu rau – nahu b̄une ana dou to'i ra nggana watipu raka wakatuna!n 9 Nahu eded̄u rasul Ruma ma ipi b̄awa ro tuna ntewikaisi lab̄o rasul-rasul ma kalaina. Nahu wati patuna ^dipehekai rasul, b̄ara nahu wa'ura kancokiku ela Allah Ta'ala. 10 Pala b̄ara meci ro ca'u b̄a Allah Ta'ala, nahu nda^diku b̄une ka'ada'anku ake. Ro meci ro ca'u Allah Ta'ala d̄i nahu ede wati lao ncauna. Pala, nahu wa'ura karawi kapodaku ade ntewikaisi sara'a rasul ma kalai. Pala ede sapodakaina laina b̄ara nahu, malaisi meci ro ca'u Allah Ta'ala ma lab̄o ncauna nahu. 11 B̄ara ndedena, nataho nahu ro siad̄oho, ndedeku nami ngoa ro teimu nggomid̄oho ndad̄i nggomid̄oho imbimu.
Mab̄oha mori mbalina manusia
15:12-34
12 Nggara au ra ngoa ro kahaba b̄a nami ede eded̄u b̄a one Al Masih wa'ura kamori mbali ra d̄i madekaina, b̄ab̄auku d̄i ade weki nggomid̄oho wara ma nggahi b̄a one dou mamade wati ^dikamori mbali? 13 Nggara podasi dou mamade wati ^dikamori mbali, ede aona Al Masih rau wati rakamori mbali ra d̄i madekaina. 14 Ro nggara Al Masih watisi rakamori mbali ra d̄i madekaina, ndad̄i wati wara onena nami ngoa ro kahabamu au-au ro wati wara one rauna nggomid̄oho imbimu. 15 Ari mai b̄a ede nami wa'ura cowamu mab̄oha Allah Ta'ala, b̄ara au ra ngoa ro kahaba b̄a nami ede eded̄u mab̄oha Allah Ta'ala b̄a one Sia wa'ura kamori mbalina Al Masih ra d̄i madekaina – sapodakaina Allah Ta'ala wati kamori mbalina Al Masih, nggara napodasi b̄a one dou ma made wati ^dikamori mbali. 16 B̄a one nggara napodasi dou ma made watisi ^dikamori mbali, ndad̄i Al Masih rau wati ^dikamori mbali. 17 Ro nggara Al Masih watisi rakamori mbali ndad̄i imbi nggomid̄oho ede wati wara onena ro nggomid̄oho mori ade dosa-dosamu. 18 Ede aona dou-dou ma made ma imbi d̄i Al Masih ^dimaleli rau. 19 Nggara ndai d̄i ade morikai ake mpa ma wi'i weki d̄i Al Masih,o ndad̄i ndai eded̄u dou-dou ma ipi darere ntewikaisi lab̄o manusia ma kalaina.
20 Pala ma poda Al Masih wa'ura kamori mbali ra d̄i madekaina. Edeku d̄i nenti b̄a one Isa Al Masih d̄imakamori mbali rau dou-dou ma wa'ura made. 21 B̄a one made, lu'una d̄ei dunia kai ncai sab̄ua dou, ndede rau mori mbali ra d̄i made ra mbei d̄i manusia kai ncai sab̄ua dou rau. 22 B̄a one sama b̄une sara'a dou ma made b̄ara lu'u d̄i ade kalompo la Adam, ndede rauku sara'a dou ^dikamori mbali b̄ara lu'u ade kalompo lab̄o Al Masih. 23 Pala sanikina dou ^dikamori mbali b̄une ra wa'u katantukai: Ma saramba-rambakaina eded̄u Al Masih; sawa'u b̄a ede siad̄oho ma ndad̄i ntau Al Masih wakatu Sia mai mbalina d̄i dunia ake. 24 Sawa'u b̄a ede rakara wakatu cumpukaina, eded̄u na^donggosi b̄a Sia Karaja'an d̄i Allah Ta'ala, Ama-Na, sawa'u b̄a Sia kalelina sara'a pamarenta, sara'a kuasa ro sara'a tenggo ro wale; edempara Sia d̄onggona kuasana d̄i Allah Ta'ala, Ama-Na. 25 Al Masih pab̄uaku parenta kai sangajikai-Na sampe Allah Ta'ala kandad̄ina sara'a musu Al Masih suju d̄i Al Masih. 26 Musu ma cumpukai ^dikakoa eded̄u made. 27 Ade Kitab Suci wara ratunti b̄une ake, <<Allah Ta'ala wa'ura kakoana samenana au-au.>> Tadara b̄a one au ra nggahi <<samenana au-au>> ede wati lu'u ndai Allah Ta'ala, ma rakandad̄i sara'ana ede oko d̄i Al Masih. 28 Pala sawa'u b̄a samenana kakoa b̄a Al Masih, ndad̄i ndai Sia, eded̄u Ana Allah,1 ^dima'oko d̄i Allah Ta'ala ma rawa'u kandad̄i samenana au-au ^dima'oko d̄i Al Masih. Ndad̄i ndai Allah Ta'ala rau ^dimaparenta sara'ana.
29 Nggara dou mamade watisi ^dikamori mbali, b̄ab̄auku warakaina dou d̄ikandeu sarani d̄i ru'u dou ma made? D̄i aukaina siad̄oho karawikaina lampa rawi ede? Nggara napodasi dou mamade watisi ^dikamori mbali, ^di'aukaina siad̄oho karawikaina lampa rawi ede? 30 Ro d̄i aukai raumu, nami satando angi lab̄o bahaya sanikina wakatu? 31 Cina ro angi! Sanikina ainaina nahu kawa'u sia susa ro ncoki b̄ara nahu sana adeku d̄i mori ro wokomu b̄ara nggomid̄oho wa'ura imbimu d̄i Isa Al Masih, Ruma ndaita. 32 Nggara ede tatiosi kai manusiakaita, auku ncewina d̄i ru'u b̄a nahu karawi kapodaku ade satando angi lab̄o dou-dou ma dab̄ae b̄une binata nggange d̄i kota Efesus ake? Nggara napodasi dou mamade wati ^dikamori mbali, nancewi tahopu ndai ^batuta peribahasa ake: <<Mai ndai tangaha ro nono ro taka^dihi-^dihiku ade, b̄ara naisi ndai ^dimamade.>>
33 Ai to'ina b̄ohakai b̄a tipu! Dou ma taho narewosi lab̄o dou-dou ma dab̄ae, nandad̄i da^bae. 34 Kawarapu wekimu ake, ro aina karawi walimu dosa. Nggomid̄oho pab̄uapu maja, b̄a one ade weki nggomid̄oho wara ma watipu pata Allah Ta'ala.
Sarumbu manusia ^dikamori mbali
15:35-58
35 Kombisi wara ma so^di, <<^Buneku dou mamade ^dikamori mbali? Sarumbu ma b̄uneku d̄iraka b̄a siad̄oho, sawa'u b̄a siad̄oho ^dikamori mbali?>> 36 Sampula poda nggomi^doho! Nggara nggomid̄oho manggu^dasi d̄ei d̄i ade dana, d̄ei ede wati ^dimawoko, nggara d̄ei ede watipusi made wa'una. 37 Ro d̄ei ranggud̄a b̄a nggomid̄oho d̄i ade dana ede – kombisi d̄ei gandum atao d̄ei makalai – eded̄u isi d̄ei ede mpoa, laina sara'a au ra nggud̄a ro congge ^dimawoko peade. 38 Ndai Allah Ta'ala d̄imambei d̄i d̄ei ede pahu ma b̄une ra ntanda-Na ede taho. D̄i ru'u saniki pahu ^dei, Allah Ta'ala mbeina pahu nggud̄a ro congge-Na cua-cua pahu ndaina.
39 Sarumbu samenana mahluk ma ntau nawa wati sara'ana sama. Manusia nantau sab̄ua pahu sarumbu, binata-binata nantau pahu sarumbu ma kalai; nasi-nasi nalai wali pahu sarumbuna, ro uta-uta nalai wali pahu sarumbuna.
40 Ndede rau lab̄o sara'a ma wara ese langi ro sara'a ma wara d̄i dana. Sara'a ma wara ese langi cua-cua ntika ndaina, ro sara'a ma wara d̄i dana ndede rau. 41 Ntika liro wati samana lab̄o ntika wura. Ntara-ntara rau nantau ntika ndaina, ntara-ntara ede cua-cua lai rau ntikana.
42 Ndedeku lampa rawi peade lab̄o dou-dou ma made ^dikamori mbali. Sarumbu ra'umbu ede eded̄u sarumbu ma loa mbai, pala sarumbu rakamori mbali eded̄u sarumbu ma wati ^dimaloa leli. 43 D̄i wakatu umbukai sarumbu ede, sarumbu ede wati ntikana ro namapu ro rome; pala wakatu sarumbu ^dikamori mbali, sarumbu nantika ro tenggo. 44 D̄i wakatu umbukai sarumbu, sarumbu ede sarumbu ra d̄i dunia; pala sawa'u b̄a kamori mbali, ndad̄i sarumbu ede sarumbu rambei b̄a Roh Allah. Wara sarumbu ra d̄i dunia, wara rau sarumbu ra d̄i Allah Ta'ala. 45 Ade Kitab Suci wara ratunti b̄une ake, <<Manusia ma sarambakaina, eded̄u la Adam, ma ndad̄i mahluk ma mori,>> pala la Adam ma cumpukaina eded̄u Roh ma mbei mori. 46 Ma mai ulu eded̄u sarumbu kasa, laina ma rohani. Sarumbu rohani ma mai kento. 47 La Adam ma sarambakaina rakandad̄i kai dana, pala la Adam ma ka^duakaina ra maina ra d̄i saroga. 48 Dou-dou dunia ake eded̄u b̄une la Adam ma sarambakaina, ra kandad̄i kai dana, pala dou-dou saroga eded̄u b̄une Sia ma ramai ra d̄i saroga. 49 Sama b̄une ndai wakatu ake eded̄u b̄une la Adam ra kandad̄i kai dana, ndad̄i peade ndai ^dimanda^dip b̄une Sia ma ramai ra d̄i saroga ede.
50 Aona nggahi nahu, cina ro angi eded̄u: sarumbu rakandad̄i kai ra'a ro hi'i, wati loana lu'u ade Karaja'an Allah; ro sarumbu ma loa made wati loana ndad̄i ma ede ro hi^di.
51 Tio kab̄aepu rahasia ake: Ndai wati d̄imamade sara'a, pala ndai sara'ana ^dirungka. 52 Lampa rawi ede d̄imandad̄i sadeka ade sape^da mada mpa, d̄i wakatu eli tarompe ma cumpukaina ro dou-dou mamade ^dikamori mbali kai sarumbu ma ede ro hi^di. Ro ndai sara'a ma mbuipu mori ^dirungka. 53 Sarumbu ndai ma loa made ake pab̄uaku ^dicepe kai sarumbu ma wati loa made, ro sarumbu ra d̄i dunia pab̄uaku ^dicepe kai sarumbu ra d̄i saroga. 54 Nggara sarumbu ma loa made wa'ura cepe kai sarumbu ma wati loa made, ro sarumbu ra d̄i dunia wa'ura cepe kai sarumbu ra d̄i saroga, d̄i wakatu edeku ampona ndad̄i au ra wa'u tunti ade Kitab Suci, <<Made wa'ura kambora; ngolu wa'ura raka!>>
55 <<Oe made, ta b̄eku ngolumu?
Oe made, ta b̄eku warimu?>>
56 Wari made eded̄u dosa, ro kuasa dosa kai ncai hukum Taurat. 57 Pala syuku d̄i Allah Ta'ala; Sia ma wa'ura mbei d̄i ndaita ngolu kai ncai Ruma Isa Al Masih, Ruma ndaita!
58 B̄ara ndedena, cina ro angi ra meciku, pab̄uapu nggomid̄oho tenggo ro kante'e. Karawi ncaupu d̄i ru'u b̄a Ruma kai kapoda ade, b̄ara nggomid̄oho mab̄adeku b̄a one sara'a ra karawi b̄a nggomid̄oho d̄i ru'u b̄a Ruma, wati d̄imalao ncau.