SURA PAULUS
D̄I RU'U B̄A ELA RUMA ^DI
EFESUS
Salam
1
D̄i ru'u b̄a ela Allah Ta'ala d̄i Efesus,a ma to'a d̄i Isa Al Masih!2 Nahu, la Paulus, rasul Isa Al Masih kai ra kane'ekai b̄a Allah Ta'ala, mapamao raho-raho to'i mpa Allah Ta'ala, Ama ndaita ro Ruma Isa Al Masih mbeina bareka ro taho ro ntai d̄i nggomid̄oho.
Bareka rohani kai ncai Al Masih
1:3-14
3 ^Dese ro ntasara Allah Ta'ala, Ama Isa Al Masih, Ruma ndaita!
Sia barekana ndai kai samenana bareka rohani ra d̄i saroga, b̄ara ndai sa^buata lab̄o Al Masih. 4 B̄a one d̄i ade Isa Al Masih, Allah Ta'ala wa'ura kad̄ale uluna ndai sawatipu kandad̄i dunia, loakud̄u ndai raso ro wati wara ma iha d̄i tando Allah Ta'ala. 5 B̄ara meci ro ca'u-Na, ndad̄i Allah Ta'alab wa'ura katantu uluna ndai ra aipu saramba wa'una b̄a one kai ncai Isa Al Masih, Allah Ta'ala ^dimakandad̄ina ndai ana-ana ndai-Na, ma ncihi ncao b̄une ra kane'ekai b̄a Sia. 6 ^Dese ro ntasara Allah Ta'ala ma na'e ro ntoru, b̄ara kai ncai ana ra'ipi meci-Na, Sia nawancuku meci ro ca'una ndaita.
7 B̄a one, b̄ara made Al Masih, ndai hori b̄a Allah Ta'ala, aona Sia wa'ura kangampuna ndai ra d̄i dosa-dosa ndai. 8 Sia karawikaina ede b̄ara Sia nawancuku meci ro ca'una ndaita, ro meci ro ca'una ede mbei-Na d̄i ru'u b̄a ndai kai b̄ini b̄a loa timba ro lemba ro loa ka'ao. 9 B̄atu ra kane'e ndai-Na, Allah Ta'ala ngoana d̄i ndaita rahasia au ra nia-Na; Sia wa'ura nggahina b̄a one nia-Na ede ^dikanggori kai ncai Al Masih. 10 Nia ede eded̄u loakud̄u samenana au-au, nataho d̄i saroga ro d̄i dunia, ndad̄i sab̄ua lab̄o Al Masih mandad̄i tuta d̄i ru'u b̄a sarumbu ndai. Ro lampa rawi ede ^dikanggori b̄a Allah Ta'ala nggara wa'usi raka wakatuna.
11 Allah Ta'ala karawina samenana au-au b̄atu b̄une ra kane'e-Na ro au ra wa'u nggahi b̄a ndai-Na. Ratampu'u aipu saramba wa'una Sia wa'ura kad̄alena ndaita b̄a one Sia nane'eku loakud̄u ndaita ndad̄i ela-Na b̄ara ndai sa^buata lab̄o Al Masih. 12 Co'opu ndaita, ma saramba-rambakaina mawi'i weki d̄i Al Masih, maroi ro wadi Allah Ta'ala b̄ara na'e ro ntoru-Na!
13 Nggomid̄oho rau wa'ura ndad̄i ela Allah Ta'ala wakatu ringa b̄a nggomid̄oho au ra nggahi b̄a Allah Ta'ala, eded̄u Injil ma mbei salama d̄i nggomid̄oho.Nggomid̄oho ma'imbiku d̄i Isa Al Masih, b̄ara ndedena Allah Ta'ala mbeina tanda ntaukai-Na d̄i nggomid̄oho, eded̄u Roh-Na ra sake-Na. 14 Roh edeku ^dinenti, b̄a one ndai d̄imatarima au ra wa'u sake b̄a Allah Ta'ala d̄i ela-Na. Ake ma kandad̄ina ndai imbi poda b̄a one Allah Ta'ala ^dimahori kalosa ela-Na. ^Dese ro ntasara Allah Ta'ala b̄ara na'e ro ntoru-Na!
Do'a la Paulus
1:15-23
15 B̄ara ndedena, ra'aipu tampu'u ringa b̄a nahu b̄a one nggomid̄oho imbi d̄i Ruma Isa, ro nggomid̄oho mameci ro ca'u sara'aku ela Allah Ta'ala, 16 nahu wati dengga-denggaku renta syuku d̄i Allah Ta'ala mab̄oha nggomid̄oho.Nahu pehe ncauku ngara nggomid̄oho wakatu nahu do'aku. 17 Nahu rahoku loakud̄u Allah Ta'ala, Isa Al Masih, Ruma ndaita, Ama ma d̄ese ro ntasa, mbeina Roh-Na d̄i nggomid̄oho.Roh ede ^dimakandad̄ina nggomid̄oho loa timba ro lemba, ro d̄imakatadana Allah Ta'ala d̄i nggomid̄oho ndad̄ina nggomid̄oho mapataku Sia. 18 Raho b̄a nahu loakud̄u Allah Ta'ala henggana fiki ro kananu nggomid̄oho loakud̄u ndad̄i taroa; loakud̄u nggomid̄oho loamu ka'ao au ra pamao b̄a nggomid̄oho ra d̄i Allah Ta'ala ma wa'ura kad̄ale nggomid̄oho.Ro loakud̄u nggomid̄oho b̄ademu b̄uneku rembana bareka-bareka ma ntika ra sadia b̄a Allah Ta'ala d̄i ru'u b̄a ela-Na. 19 Ro nawancuku hebana Allah Ta'ala karawina kai b̄ini b̄a kuasa d̄i ade weki ndai ma imbi. Kuasa Allah Ta'ala ede sama b̄une kuasa ma wancu na'e 20 rakani-Na wakatu kamori mbalina Al Masih ra d̄i madekaina lab̄o mbeina d̄i Sia hid̄i mawancu ese sama-sama lab̄o Allah Ta'ala d̄i saroga.
21 Hi^di Al Masih ede d̄o'o ncewi esena ntewikaisi lab̄o hid̄i samenana pamarenta, sara'a mantau kuasa, sara'a mana'ekaina, sara'a ruma-ruma ro cou-cou rau ra wa'u mbei hid̄i ma ese; nataho ma mori d̄i jaman ake ro ma mori d̄i jaman ma kento. 22 Allah Ta'ala kakoa sara'ana d̄i ade kuasa Al Masih, ro mbeina Al Masih d̄i ela-Na d̄imandad̄i tutana. 23 Ela Ruma eded̄u sarumbu Al Masih, Sia ma kampurunana samenana au-au ta b̄e-b̄e rau.c