SURA PAULUS
D̄I RU'U B̄A ELA RUMA ^DI
FILIPI
NGGAHI RO ELI D̄IKARONGGA
Ela Ruma d̄i Filipi eded̄u ela Ruma ma sarambana ra katu'u b̄a la Paulus d̄i Eropa. Filipi eded̄u dana ro rasa d̄i Makedonia, sab̄ua propinsi karaja'an Roma. Sura Paulus d̄i ru'u b̄a ela Ruma d̄i Filipi ake ratunti wakatu la Paulus ade bui. D̄i wakatu ede la Paulus nawancuku darura poda adena b̄ara wara dou-dou ela Al Masih ma karawi d̄i ru'u b̄a Ruma ma wati ca'u la Paulus. Ro d̄i ade woha ela Ruma d̄i Filipi ede wara rau dou-dou ma ngoa ro tei ma kasantuda ela Ruma. Konena ndede sura Paulus ake ^dihikai b̄a ade ro b̄ini b̄a ne'e ma taho. ^Ba^bau ndedekaina? Ede ndad̄ina b̄ara la Paulus na'imbi podaku d̄i Al Masih.
La Paulus tuntina sura ake b̄ara saramba-rambakaina sia nane'eku renta tarima kasi d̄i ela Ruma d̄i Filipi b̄ara bareka rawa'u tarima b̄a la Paulus ra d̄i siad̄oho wakatu sia wunga susa ro ncokina. Ro ade wakatu ake rau sia kauna kapoda ade siad̄oho loakud̄u siad̄oho disa ro lembo adena d̄i ade iukaina susa ro ncoki. La Paulus raho poda-podana loakud̄u siad̄oho ka'awa weki b̄une Ruma Isa, ro wati kuasakaina ade ma sombo lab̄o kapenti weki ndai. Sia ngoa ro kawarana siad̄oho b̄a one b̄ara rahmat Allah mpoa mpa, Allah Ta'ala kandad̄ina siad̄oho sab̄ua lab̄o Al Masih kai dasa imbi siad̄oho d̄i Al Masih, laina b̄ara to'a siad̄oho kalampana upacara-upacara agama rakatantu ade hukum Taurat. Sawa'u b̄a ede la Paulus tunti rauna mab̄oha ^dihikai ade ro taho ro ntai ra mbei b̄a Allah Ta'ala d̄i dou-dou ma mori sab̄ua lab̄o Al Masih.
Tanda sura ake ma lai lab̄o sura-sura makalaina eded̄u tei kapodana mab̄oha ^dihikai ade, tenggo ade, kasab̄ua weki, ro lembo ade kai dou ela Al Masih ade nenti kaciakaina imbi ma poda d̄i Al Masih ro d̄i kalampakaina mori kai dou ela Al Masihkaina. Sura ake tei katada rauna b̄a ndede pahu na'ena meci ro ca'u la Paulus d̄i ela Ruma d̄i Filipi ede.
Isi
Masarambakaina 1:1-11
Ka'ada'an ndai la Paulus 1:12-26
Mori ro woko ela Al Masih 1:27–2:18
Nia d̄i ru'u b̄a la Timotius ro la Epafroditus 2:19-30
Ngoa ro kawara d̄i musu-musu ra d̄i ari lua ro ra d̄i ade ela Ruma d̄i Filipi 3:1–4:9
La Paulus ro lenga^dohona d̄i Filipi 4:10-20
^Bontokai sura ake 4:21-23