To'a ro meci ro ca'u
6:1-9
6
Oe, Ana^doho! Kai dou-dou ma imbi d̄i Al Masihh To'apu d̄i dou matuamu kai ngara Ruma, b̄ara edeku ma patu ^dikarawi. 2 <<Lia ro horomapu ina ro amamu>> edeku parenta ma penti ra d̄i Allah Ta'ala kai rasake, 3 eded̄u: Loakud̄u nggomid̄oho taho ro sana ro ndende umumu d̄i dunia.>>4 Cina ro angi ma ndad̄i ama! Aina kamaimu mbani d̄i ade anamu, pala ngoa ro tei katahopu siad̄oho d̄i ade ngoa ro tei b̄a Ruma.
5 Cina ro angi ma ndad̄i ada dou! ^Batupu parenta rumamu d̄i dunia ake. Karawipu ede kai lia ro horoma ro to'a ro kai kapoda ade b̄une-b̄une nggomid̄oho karawimu d̄i ru'u b̄a ndai Al Masih. 6 Aina karawimu ede d̄i wakatu nggomid̄oho wunga tonggu b̄a dou mpa, ^dirakakaimu roi b̄a manusia mpa. Pala pab̄uapu nggomid̄oho karawimu kai ada Al Masih ma wunga b̄atu au ra kane'ekai b̄a Allah Ta'ala kai poda ade. 7 Au ra karawi b̄a nggomid̄oho kai ada ede, pab̄uapu nggomid̄oho karawimu kai sana ade, b̄une-b̄une nggomid̄oho makarawi d̄i ru'u b̄a Ruma, ro laina d̄i ru'u b̄a manusia. 8 Kawarapu b̄a one sanikina dou, nataho ada dou atao dou mardeka, d̄imaraka cola mbali b̄a Ruma lampa rawi-lampa rawi ma taho.
9 Cina ro angi ma ndad̄i ruma! Pab̄uapu nggomid̄oho ruku ro rawimu b̄une ede rau d̄i ada-adamu. Ai walina kadahu-dahumu. Kawarapu b̄a one nggomid̄oho ro ada-adamu ede, sama-sama ntau sab̄ua ruma eded̄u Ruma ma wara d̄i saroga. Sia wati ntanda kalaina dou.
^Daha ro ^dano Allah Ta'ala
6:10-20
10 Cumpukaina, pab̄uapu nggomid̄oho ndad̄i tenggo kai tenggo ro wale raraka b̄a nggomid̄oho ra d̄i kuasa Ruma, b̄ara nggomid̄oho sa^buamu lab̄o Sia. 11 Kanipu samenana ^daha ro ^dano lewakai ra mbei b̄a Allah Ta'ala d̄i nggomid̄oho, loakud̄u nggomid̄oho wa'umu ao cara-cara tipu Iblis. 12 B̄ara ndaita lewa laina ao manusia, malaisi ao tenggo ro wale sara'a setan-setan ma kuasakai jaman ma dab̄ae ake. Ndaita ao tenggo ro wale roh-roh dab̄ae ma kuasakai ese woha ai. 13 B̄ara ndedena, ake, kanipu samenana ^daha ro ^dano lewakai ra mbei b̄a Allah Ta'ala, loakud̄u d̄i ainaina ma dab̄ae nggomid̄oho mawa'uku ao ade deikai b̄a musu. Ro loakud̄u sawa'u b̄a nggomid̄oho lewamu sampe cumpukaina, nggomid̄oho mbuipu tenggo ro kante'emu. 14 Pab̄uapu nggomid̄oho sadia ncau weki. Kanipu to'amu d̄i Allah Ta'ala, d̄imandad̄i salepemu, ro nira ademu d̄imandad̄i ^baju ^besimu. 15 Pab̄uapu rela ademu ^dimangoa ro kahaba Injil ma wa'a taho ro ntai d̄imandad̄i sapatumu. 16 Sanikina wakatu kanipu imbimu d̄i Ruma d̄imandad̄i ^daha ^diteta aokaimu; kai imbimu ede nggomid̄oho ^dimaloa hade ao sara'a ana fana afi ra d̄i Iblis. 17 Wehapu salamakai d̄imandad̄i songko waja, ro nggahi ro eli Allah Ta'ala d̄imandad̄i peda ra d̄i Roh Allah. 18 Kalampa sara'apu ede ro do'a salahopu ^dirahokaimu bantu d̄i Allah Ta'ala. D̄i sanikina wakatu, do'a ncaupu b̄une Roh Allah mad̄anda ro wa'a nggomid̄oho.Pab̄uapu nggomid̄oho sadia ncau weki ro aina ngawa suru. Do'a ncaupu d̄i ru'u b̄a samenana ela Allah Ta'ala. 19 Ro do'a raupu d̄i ru'u b̄a nahu, loakud̄u wakatu nahu nuntu ro nggahiku, Allah Ta'ala nambeiku d̄i nahu nggahi ro eli ma ncihi ncao. Ro loakud̄u nahu kai disa ngoaku rahasia Injil ede. 20 B̄ara Injil edeku, nahu nda^dikaiku sab̄ua dou ranggadu, ro ake wara d̄i ade uma bui. Do'apu loakud̄u nahu disaku nuntu mab̄oha Injil ede, b̄une nahu pab̄uaku nuntu ro nggahi.
Salam cumpukaina
6:21-24
21 La Tikhikus, cina ndaita ro dou makarawi wea ma to'a d̄i ade karawi Ruma, ^dimangoa d̄i nggomid̄oho samenana au-au mab̄oha nahu, loakud̄u nggomid̄oho b̄ademu ka'ada'an nahu ro karawi nahu. 22 B̄ara ndedena, nahu nggaduku sia d̄i nggomid̄oho ^dimangoana ka'ada'an nami d̄i sara'a nggomid̄oho, ^dikatenggokai ade nggomid̄oho.
23 Raho-raho to'i mpa Allah Ta'ala, Ama ndaita, ro Ruma Isa Al Masih kandad̄i sara'ana ela-Na kasab̄ua weki ro cua-cua meci ro ca'u angi ro ngge'e mpa imbi d̄i Al Masih. 24 Raho-raho to'i mpa Allah Ta'ala barekana nggomid̄oho sara'a ma meci ro ca'u Isa Al Masih, Ruma ndaita kai meci ro ca'u-Na ma wati ntau cumpu.
Salam do'a nami, Paulus