Mori d̄i ade taroakaina
5:1-21
5
Nggomid̄oho eded̄u ana-ana Allah2 ra meci ro ca'u-Na, b̄ara ndedena nggomid̄oho pab̄uapu mori ^batumu au ra kane'ekai-Na. 2 Morimu pab̄uapu b̄ini b̄a meci ro ca'u, b̄une Al Masih rau mameci ro ca'u ndai. Sia korobana weki ndai-Na d̄i ru'u b̄a ndai d̄imandad̄i d̄onggo ro mbei ma mengi ro makasana wea ade Allah Ta'ala.3 Nggomid̄oho eded̄u ela Allah Ta'ala. B̄ara ndedena, ruku ro rawi-ruku ro rawi ma sampu ro nggele ro ma wati patu, atao na'e ade, wati patuna wara d̄i woha nggomid̄oho.Ai to'ina wara dou makalai ^dimanggahi b̄a one nggomid̄oho karawimu lampa rawi b̄une ede. 4 Wati patu rauna nggomid̄oho rentamu nggahi ro eli ma sampu ro nggele, ro ma wati patu. Pala nggomid̄oho pab̄uapu renta syuku d̄i Allah Ta'ala. 5 Kawarapu: dou ma karawi ma sampu ro nggele, atao mawati taho, atao na'e ade, rawi b̄une ede sama mpa b̄une dou manemba berhala, dou ede wati loana ndad̄i anggota Karaja'an Al Masih ro Karaja'an Allah.
6 Nggomid̄oho aina b̄ohakai b̄a tipu eded̄u nuntu ro nggahi ma lao ncau. B̄a one lampa rawi akeku ma kamaikaina mbani Allah Ta'ala d̄i dou-dou ma wati to'a d̄i Sia. 7 Ndad̄i, nggomid̄oho aina ^denimu d̄i dou-dou b̄une ede. 8 Ndai nggomid̄oho ntoina wara d̄i ade rindikaina. Ake nggomid̄oho wa'ura ndad̄i ela Ruma, ndad̄i nggomid̄oho wa'ura wara d̄i ade taroakai. B̄ara ndedena nggomid̄oho pab̄uapu mori d̄i ade taroakai, 9 b̄ara taroaf nantau sara'a wua d̄itahokai ro lampa rawi ma adil ro lampa rawi ma poda ro ma ncihi, 10 ro kananu kataho-tahopu au ra ca'u b̄a Ruma. 11 Aina kalampamu lampa rawi-lampa rawi ma wati wara onena ra karawi b̄a dou-dou ma mori d̄i ade ma rindi. Pala, pab̄uapu nggomid̄oho pakimu lampa rawi-lampa rawi b̄une ede. 12 B̄a one lampa rawi-lampa rawi ra karawi b̄a siad̄oho d̄i hid̄i-hid̄i ma cili weki, kone ^dipehe rau wa'ura majakai. 13 Samenana au-au ra katada d̄i ade taroakaina, d̄imatada poda. 14 B̄a one samenana ma loa ^di'eda kab̄ae eded̄u taroa.g B̄ara ndedena wara nggahi,
<<Tu'ura, oe nggomi ma maru,
ro mori mbalira ra d̄i madekaimu!
Al Masih ^dimakataroana nggomi.>>
15 B̄ara ndedena, tio kab̄ae katahopu, cara morimu. Aina mori b̄une dou-dou ma sampula; moripu b̄une dou-dou maloa timba ro lemba. 16 Kani katahopu wakatu ma wara d̄i nggomid̄oho, b̄a one wakatu ake, eded̄u wakatu mada^bae. 17 Aina sampula, pala kananu ka^bae-^baepu au ra kane'ekai b̄a Ruma.
18 Nggomid̄oho aina mawu b̄a anggo, b̄ara karawi b̄une ede naka'ihaku nggomid̄oho.Pala, pab̄uapu nggomid̄oho kuasakai b̄a Roh Allah. 19 Kanipu nggahi ro eli ra d̄i zabur, rawa roi ro wadi, ro rawa rohani, d̄i ade nuntu ro nggahimu. Pab̄uapu nggomid̄oho kai kad̄ihi ade roi ro wadi d̄i ru'u b̄a Ruma. 20 D̄i ade samenana lampa rawi ro d̄i sanikina wakatu renta ncaupu syuku d̄i Allah Ta'ala, Ama ndaita kai ngara Isa Al Masih, Ruma ndaita.
Meci ro ca'u Al Masih eded̄u dasa mori rahi lab̄o wei
5:21-33
21 Ka'awapu wekimu d̄i sab̄ua lab̄o ma kalaina ^dihoromakaimu Al Masih.
22 Wei pab̄uaku to'ana d̄i rahina, b̄une to'ana d̄i Ruma. 23 B̄ara rahi eded̄u tuta d̄i ru'u b̄a weina, sama b̄une Al Masih rau mandad̄i tuta d̄i ru'u b̄a ela-Na ro ndai Sia rau Sangaji Makasalama d̄i ru'u b̄a ela ma ndad̄i sarumbu-Na. 24 Sama b̄une ela Ruma rau ma to'a d̄i Al Masih, ndede rauku ade samenana lampa rawi, wei pab̄uaku to'ana d̄i rahina.
25 Rahi, meci ro ca'upu weimu, sama b̄une Al Masih mameci ro ca'u ela-Na ro makoroba sarumbu-Na d̄i ru'u b̄a ela-Na ede. 26 Al Masih karawikaina ede loakud̄u Sia karasona ela Ruma ede kai ngoa ro tei-Na ro kai ncai ndeu sarani, loakud̄u peade Sia naloa d̄onggo elana ede d̄i Allah Ta'ala. 27 Kai ndedena Al Masih nakandad̄iku ela Ruma ki^di kai na'e ro ntoru ro raso d̄i tando-Na, kai wati wara ma'iha kone sato'i rau. 28 Ndede rauku rahi pab̄uaku meci ro ca'una weina b̄une sia meci ro ca'una sarumbu ndaina. Dou mameci ro ca'u weina ede aona sia nameci ro ca'uku sarumbu ndaina. 29 Wati parana wara dou ma wati ca'u sarumbu ndaina. Pala, sia nakab̄ua kataho ro nasandakaku b̄une Al Masih rau makab̄ua kataho ela-Na. 30 Ndai ta^badeku ede, b̄ara ndaita eded̄u anggota-anggota sarumbu Al Masih. 31 Ade Kitab Suci wara ratunti, <<B̄ara ndedena dou mone d̄imatu'u wi'i ina ro amana ^disa^buakaina lab̄o weina, ro d̄uana ede d̄imandad̄i sa^bua.>> 32 Nggahi ro eli ake nantau ao ro ma'ana ma ^dei. Nggahi ro eli ede ka'ao b̄a nahu wara hubungana Al Masih lab̄o ela-Na. 33 Pala nggahi ro eli ede wara hubungan rauna lab̄o nggomi^doho: sanikina rahi pab̄uaku meci ro ca'u weina b̄une meci ro ca'una weki ndaina ro wei pa^buku lia ro horomana rahina.