Kasab̄ua weki ela Ruma ro cua lai raka bareka
4:1-16
4
B̄ara ndedena nahu -- dou ra bui, rabui b̄ara karawi d̄i ru'u b̄a Ruma -- ma raho poda-poda d̄i nggomi^doho: moripu mancihi ncao lab̄o morimu kai dou ra wa'u kad̄ale b̄a Allah Ta'ala. 2 Pab̄uapu nggomid̄oho ka'awa weki ncau, mapu nggahi ro eli ro lembo ade. Katadapu meci ro ca'umu kai cua-cua bantu angi. 3 Usaha kapodapu mori kai dame loakud̄u kasab̄ua weki ra kandad̄i b̄a Roh Allah ngge'e mpa tahona. 4 Wara sab̄ua mpa sarumbu, ro sab̄ua mpa Roh. Ndede rau nggomid̄oho ra kad̄ale ru'u sab̄ua rakane'e ma sama. 5 Wara sab̄ua mpa Ruma, sab̄ua mpa imbi, sab̄ua mpa kandeu sarani, 6 ro sab̄ua mpa Allah Ta'ala ma ndad̄i Ama b̄a samenana dou. Sia edeku Ruma b̄a sara'a dunia lab̄o isina, ma karawi d̄i samenana, ro ma ntau kuasa d̄i ade samenana.<<Wakatu Sia ne'ena d̄i hid̄i ma d̄ese poda,
Sia wa'ana mboto dou ra bui;
ro Sia mbeina hadia d̄i ru'u b̄a manusia.>>
9 Nggara nggahisi <<Sia teka>> ede aona Sia saramba-rambana wa'ura londo sampe awa hid̄i ma awa poda d̄i dunia ake.e 10 Ro Sia ma wa'ura londo ede, Sia rauku ma teka sampe d̄i hid̄i ma d̄o'o ncewi d̄ese ra d̄i sara'a langi ndad̄ina sara'a dunia lab̄o isina kab̄ini b̄a maikai-Na. 11 Siaku ma <<mbei hadia d̄i manusia>>; sarundena hanta-Na ndad̄i rasul, ma kalai ndad̄i nabi, ma kalai wali ndad̄i dou mangoa ro kahaba Injil ede, ro ma kalai rau hanta-Na ndad̄i guru-guru ro dou mangoa ro tei ela Ruma. 12 Ake, kalampa b̄a Sia loakud̄u ela Allah Ta'ala d̄imbei kancihi loakud̄u loana karawi wea Ruma ro tu'una sarumbu Al Masih eded̄u ela Ruma. 13 Kai ndedena, ndai sara'a ndad̄i sab̄ua b̄a imbi ma sama ro loa ka'ao ma sama mab̄oha Ana Allah.1 Ro ndaita ndad̄i dou-dou ma wa'ura loa ka'ao ma naha ntoi nanaha ndad̄i mpuruna b̄une Al Masih. 14 Ndad̄i ndaita watid̄u ndad̄i b̄une d̄ambe-d̄ambe to'i wali ma mbali mbua ade ro nab̄atu mboto pahu ngoa ro tei b̄a dou-dou ma dab̄ae aka. Siad̄oho kasantudana dou kai kukukeko siad̄oho. 15 Wati! Pala ndaita pab̄uaku katadata lampa rawi ma poda ro ma ncihi kai ade ma b̄ini b̄a meci ro ca'u, ndad̄ina d̄ei samenana lampa rawi, ndai nanaha ntoi nanaha ndad̄i mpuruna b̄une Al Masih, ma ndad̄i tuta d̄i ru'u b̄a sarumbu ndai. 16 Ra d̄i Sia, sara'a anggota sarumbu wa'ura sadundu kantika, ro cua ndapo angina b̄a cua-cua peke ro puruna. Ro nggara sanikina anggota ede karawi b̄une ma pab̄ua ^dikarawina, ndad̄i sara'a anggota sarumbu ede ^dimanaha na'e ro tenggo kai ncai meci ro ca'u.
Manusia b̄ou d̄i ade Al Masih
4:17-32
17 B̄ara ndedena kai ngara Ruma, akeku ^dinggahi ro d̄ingoa kapoda b̄a nahu: ai walina mori b̄une dou-dou ma wati pata Allah Ta'ala, ro kananu ma lao ncau. 18 Fiki ro kananu siad̄oho wa'ura rindi. Siad̄oho wati patana mori ro woko rambei b̄a Allah Ta'ala, b̄a one siad̄oho wati poda ntauna loa ro b̄ade au-au mab̄oha Allah Ta'ala. Ndedekai siad̄oho, b̄ara tera tutana. 19 Siad̄oho watid̄u ntauna maja wali, ndad̄ina siad̄oho b̄atu sara'ana nawasu, ro mori ma sampu ro nggele b̄e raca'u ndaina.
20 Pala Isa Al Masih ra pata b̄a nggomid̄oho laina b̄une ede! 21 Nggomid̄oho wa'ura ringamu mab̄oha Sia! Ro kai anamori^doho-Na, nggomid̄oho wa'ura tei rau mab̄oha tabe'a Allah Ta'ala ma wara d̄i Sia! 22 B̄ara ndedena wi'i pakipu cara manusia mantoi ma wunga ka'iha b̄a nawasu-nawasu ma kasantudana. 23 Pab̄uapu ade ro fiki ro kananumu ^dikab̄ou sara'a. 24 Pab̄uapu nggomid̄oho morimu kai manusia b̄ou rakandad̄i b̄atu rakane'ekai b̄a Allah Ta'ala; eded̄u tabe'a ma taho, rombo ro raso.
25 B̄ara ndedena samenana cina ro angi, ai walina nuntu cowa. Karawipu marombo sab̄ua lab̄o ma kalaina, b̄ara ndai sara'a eded̄u sama-sama anggota sarumbu Al Masih. 26 Nggara nggomid̄oho mambanisi, aina co'omu mbanimu ede ma kamaina nggomid̄oho ndad̄i dosa. Aina mbanimu sanci'i liro, 27 loakud̄u Iblis wati rakana ncai. 28 Dou ma rangina mpanga, pab̄uaku denggana mpanga. Pala sia pab̄uaku karawina loakud̄u rakana ngaha ro nono kai marombo ro ntiri ro naloa bantu dou ma dawara. 29 Nggara nggomid̄oho manuntusi, aina kanimu nggahi ro eli ma sampu ro nggele. Kanipu nggahi ro eli ^dimakamaina ma taho d̄i ru'u b̄a dou makalai. Nggahi ro eli b̄une ede ^dimakamaina taho d̄i ru'u b̄a dou-dou ma ringana. 30 Aina kancokimu ade Roh Allah. Nggomid̄oho wa'ura katanda kai Roh, ndad̄ina nggomid̄oho ndad̄i ntau Allah Ta'ala. Roh ede rau mandad̄i ^dinenti, b̄a one Ainaina Horikai Weki d̄imamai d̄i ru'u b̄a nggomid̄oho. 31 Kambora sara'apu iu pili ade, wi'i d̄i ade rarawi dou, ro mbani. Ai walina kanggica-kanggica ro i'a ro ^ba'a. Ai walina wara iu daca'u atao iu ade makalai b̄une ede. 32 Pala, pab̄uapu nggomid̄oho taho ademu ro cua-cua kasi ade d̄i sab̄ua lab̄o ma kalaina, ro cua kangampu angi sama b̄une Allah Ta'ala rau makangampu wea nggomid̄oho kai ncai Al Masih.