Sara'ana eded̄u meci ro ca'u Allah Ta'ala
2:1-10
2
Ntoina nggomid̄oho made sacara rohani b̄ara nggomid̄oho wa'ura karawimu dosa ro sapamu parenta-parenta Allah Ta'ala. 2 Wakatu ede nggomid̄oho ^batumu au-au ra nginakai b̄a dunia ake; ede aona nggomid̄oho mato'akaiku d̄i makuasakai riru, eded̄u roh ma wakatu ake makuasakai d̄ei ade dou-dou ma wati to'a d̄i Allah Ta'ala. 3 Ntoina ndai sara'ana sama rau b̄une sia^doho; ndai mori b̄atu tabe'a manusiakaita ro kalampata au ma kasana wea sarumbu ro fiki ro kananu ndai. D̄i wakatu ede ndai eded̄u dou-dou mab̄oha b̄a mbani Allah Ta'ala, sama b̄une dou-dou makalai.4 Pala nawancuku na'ena ncera ro mbura ade Allah Ta'ala! Sia nawancuku meci ro ca'una ndaita, 5 ndad̄ina d̄i wakatu ndai mbuipu madeta sacara rohani b̄ara ncara ro kancaru ndaita, Sia kamori mbalina ndaita sama-sama lab̄o Al Masih. Ndad̄i, b̄ara taho ade Allah Ta'ala mpa, nggomid̄oho kasalama b̄a Sia. 6 B̄ara ndaita sab̄ua lab̄o Isa Al Masih, Allah Ta'ala kamori mbalina ndaita sama-sama lab̄o Sia, loakud̄u ndai parenta sama-sama lab̄o Sia d̄i ade saroga. 7 Allah Ta'ala karawi ndedekaina loakud̄u d̄i jaman ma mai kento, manusia naloaku eda b̄a one meci ro ca'u Allah Ta'ala ede nawancuku na'ena. Meci ro ca'u ede katada b̄a Allah Ta'ala kai ncai taho ade-Na d̄i ndai ade Isa Al Masih. 8-9 Allah Ta'ala meci ro ca'una nggomid̄oho, b̄ara ndedena Sia kasalamana nggomid̄oho, b̄ara imbimu d̄i Isa. Nggomid̄oho rakakaimu salama ede laina b̄ara hasi usaha ndaimu. Ede ra mbei b̄a Allah Ta'ala. Ndad̄i wati kone sab̄ua dou rau ma loa kasombo weki mab̄oha lampa rawi ede. 10 Ndaita eded̄u rakandad̄i b̄a Allah Ta'ala, ro kai ncai Isa Al Masih, Allah Ta'ala kandad̄ina ndai loakud̄u kalampa b̄a ndai lampa rawi-lampa rawi ma taho ra wa'u ka'ambi ulu b̄a Sia d̄i ru'u b̄a ndai.
Kasab̄ua weki d̄i ade Al Masih
2:11-22
11 Cina ro angi ma laina dou Yahudi! Kawarapu ka'ada'an nggomid̄oho ntoina. Nggomid̄oho rapehe kai <<dou wati rasuna>>, b̄a dou Yahudi ma kanahu weki dou rasuna, eded̄u siad̄oho ma wa'ura raka tanda ra ndawi b̄a manusia d̄i sarumbu siad̄oho. 12 B̄a one wakatu ede nggomid̄oho wati sa^buamu lab̄o Al Masih, wati lu'u d̄i anggota ela ra kad̄ale b̄a Allah Ta'ala ro wati rakamu ru'u d̄i ade au ra sake. Nggomid̄oho morimu d̄i dunia ake wati wara ^dingenamu ro pamaomu ro wati wara Allah Ta'ala. 13 Pala ake, b̄ara nggomid̄oho wa'ura sa^buamu lab̄o Isa Al Masih, nggomid̄oho ma ntoina ^do'o, wa'ura ka^deni b̄a madena Al Masih. 14 B̄a one ndai Al Masih eded̄u makataho mbalina ndai lab̄o Allah Ta'ala. Sia kasab̄uana dou-dou Yahudi ro dou-dou ma laina Yahudi ndad̄i sab̄ua bangsa. Tembo makahampa siad̄oho, eded̄u cua musu angi, wa'ura kaleli b̄a Al Masih kai korobana sarumbu ndai-Na. 15 Hukum Taurat lab̄o parenta-parenta ro atoran-atoran wa'ura kambora b̄a Al Masih loakud̄u d̄ua mbua bangsa ede ndad̄i sab̄ua bangsa manusia b̄ou, ma sab̄ua lab̄o Sia. Kai cara edeku Al Masih kandad̄ina dame. 16 Kai made-Na d̄i salib, Al Masih kasab̄uana d̄ua mbua bangsa ede, ro kataho mbalina siad̄oho lab̄o Allah Ta'ala, ndad̄ina mborara musu angi ede. 17 B̄ara ndedena Al Masih maina ^dimangoa ro kahaba Injil mab̄oha damekai ede d̄i nggomi^doho; nataho d̄i nggomid̄oho ma laina dou Yahudi ma ntoina d̄o'o lab̄o Allah Ta'ala, ro d̄i dou Yahudi ma ^deni lab̄o Allah Ta'ala. 18 Kai ncai Al Masih, ndai sara'a -- nataho dou Yahudi ro laina dou Yahudi -- b̄a Roh Allah ma sa^bua, loa mai ^deni d̄i Ama.
19 B̄ara ndedena, nggomid̄oho lai walina dou lai rasa atao dou ma wara ta ari lua. Nggomid̄oho ake eded̄u sama-sama dou ela Allah Ta'ala. Nggomid̄oho eded̄u anggota-anggota kaluarga Allah Ta'ala. 20 Nggomid̄oho rau ratu'u ese wawo dasa ra toho b̄a rasul-rasul ro nabi-nabi,d lab̄o Isa Al Masih mandad̄i wadu ma ipi penti. 21 Al Masih edeku ma sadunduna sara'a ratu'u ede ndad̄i Bait Allah rakalai ru'u Ruma. 22 B̄ara mori sab̄ua lab̄o Al Masih, nggomid̄oho rau wunga katu'u sama-sama lab̄o dou-dou makalai ndad̄i sab̄ua Uma d̄i ru'u b̄a Allah Ta'ala; ta ede Allah Ta'ala ngge'e lab̄o Roh-Na.