Mori ma kasana wea ade Allah Ta'ala
4:1-12
4
Cumpukaina cina ro angi, nami wa'ura mbeimu conto rawi mataho d̄i nggomid̄oho mab̄oha b̄uneku nggomid̄oho pab̄ua mori ^dikasanakai ade Allah Ta'ala. Poda nggomid̄oho wa'ura morimu b̄une ede. Pala ake kai kuasa Ruma Isa, nami maraho poda-poda d̄i nggomid̄oho ro makau pab̄ua nggomid̄oho loakud̄u nggomid̄oho ma'usaha kapoda wali d̄i ade lampa rawi ede! 2 B̄a one nggomid̄oho wa'ura b̄ademu au ra ngoa ro tei b̄a nami d̄i nggomid̄oho kai kuasa Ruma Isa. 3 B̄a one akeku ra kane'ekai b̄a Allah Ta'ala eded̄u nggomid̄oho pab̄uapu mori d̄i ru'u b̄a Sia mpa, ro ka^do'opu wekimu ra d̄i ruku ro rawi ma sampu ro nggele, 4 sanikina dou mone d̄i ade weki nggomid̄oho pab̄uaku b̄adena b̄uneku mori sama lab̄o weinac kai cara kasana wea ade Allah Ta'ala. 5 Aina mori ^batumu au ra kane'ekai b̄a hawa nawasu d̄i weimu, b̄une ra karawi b̄a dou-dou ma wati pata Allah Ta'ala. 6 D̄i ade lampa rawi b̄une ede, ai to'ina kone sab̄ua dou rau makarawi mancara d̄i cina ro angina, atao tipuna. Ntoina nami wa'ura ngoa ro kawara kapodamu d̄i nggomid̄oho, b̄a one Ruma ^dimahukumna dou-dou ma karawi mancara b̄une ede. 7 Allah Ta'ala kad̄alena ndaita, laina loakud̄u ndai mori kai ma sampu ro nggele, malaisi loakud̄u ndai mori kai cara ma kasana wea ade Allah Ta'ala. 8 Dou ma tula ao ngoa ro tei ake, laina tula aona manusia, malaisi natula aoku Allah Ta'ala ma mbei Roh-Na ma raso d̄i nggomid̄oho.9 Wati^du pori walina nami matunti sura d̄i ru'u b̄a nggomid̄oho mab̄oha b̄uneku nggomid̄oho pab̄uaku meci ro ca'u cina ro angimu ma sama-sama imbi. Ndai nggomid̄oho wa'ura tei katada b̄a Allah Ta'ala d̄i cua-cua mecikai angimu. 10 Lampa rawi b̄une ede wa'ura katada b̄a nggomid̄oho d̄i samenana cina ro angi masama-sama imbi lab̄o ndai d̄i sara'a dana ro rasa Makedonia. Pala cina ro angi, nami ma raho poda-poda, loakud̄u mori nggomid̄o ndad̄i ncewi taho wali. 11 Usahapu mori kai taho-taho ro aina kalu'u weki d̄i masa'ala dou makalai. Pab̄uapu nggomid̄oho ngupa ngaha ndaimu, b̄une ra kaukai b̄a nami ntoina d̄i nggomid̄oho. 12 Nggara nggomid̄oho mamorisi b̄une ede, nggomid̄oho wati wi'imu weki d̄i cou-cou rau, ro dou-dou ma wati imbi d̄i Al Masih, ^dimalia ro horoma nggomid̄oho.
Mab̄oha wakatu maikai Ruma
4:13-18
13 Cina ro angi, d̄i ne'e b̄a nami loakud̄u nggomid̄oho b̄ademu au ma sapodakaina mab̄oha dou-dou ma wa'ura made; loakud̄u nggomid̄oho aina ncoki ademu b̄une dou-dou makalai ma wati imbi wakatu maikai Al Masih. 14 Ndai ta'imbiku b̄a one Isa wa'ura made ro wa'ura mori mbali. B̄ara ndedena ndai ta'imbi rauku b̄a one Allah Ta'ala d̄imakamori mbali sara'a dou ma imbi d̄i Isa ma wa'ura made, loakud̄u siad̄oho mori samana lab̄o Sia.
15 Mab̄oha lampa rawi ede, akeku ra ngoa ro tei b̄a Ruma d̄i ne'e karongga b̄a nami d̄i nggomi^doho: D̄i wakatu Ruma Isa maina, ndai ma mbuipu mori wati ^dima'ulukai ntewikaisi dou-dou ma wa'ura made ulu. 16 Peade mala'eka mad̄ese ro ntasa ^dimanggahi kana'e ro tarompe Allah Ta'ala ^dika'eli tanda ^disadiakai weki. Edempara ndai Ruma Isa ^dimalondo ra d̄i saroga, ro dou-dou ela Al Masih ma wa'ura made ^dikamori mbali ulu. 17 Sawa'u b̄a ede, ndai ma mbuipu mori d̄i wakatu ede d̄i hanta sama-sama lab̄o siad̄oho d̄i ade apu d̄i edakai angi lab̄o Ruma. Edempara ndai ^dimangge'e lab̄o Ruma santoi-ntoina. 18 B̄ara ndedena, pab̄uapu nggomid̄oho cua-cua katenggo angi kai kanimu nggahi ro eli ede.