Haba ra wa'a b̄a la Timotius
3:1-13
3
Cumpukaina, nami watid̄u wa'umu pi'i ade, b̄ara ndedena kananu b̄a nami natahopu ngge'e kesemu d̄i Atena. 2 Edempara nami kaumu la Timotius lenga sama karawi lab̄o nami d̄i ru'u b̄a Allah Ta'ala d̄i ade ngoa ro kahabakai Injil Al Masih, ^dimakatenggona nggomid̄oho ro ^dima^dunduna loakud̄u nggomid̄oho naha tenggo imbimu. 3 Kai ndedena wati kone sab̄ua dou rau d̄i ade weki nggomid̄oho ma suru b̄ara susa ro ncoki-susa ro ncoki ndai ake. Ndai nggomid̄oho mab̄adeku b̄a one samenana susa ro ncoki ede ra kane'ekai b̄a Allah Ta'ala rau d̄i ru'u b̄a ndai. 4 Aipu wakatu nami mbuipu lab̄o nggomid̄oho, nami wa'ura ngoa ulumu d̄i nggomid̄oho b̄a one ndai d̄ima'iu susa ro ncoki. Ro lampa rawi ede poda-poda nda^dina; ndai nggomid̄oho ma^badeku. 5 B̄ara ndedena nahu nggaduku la Timotius, b̄a one nahu kane'e poda b̄ade sab̄ua nggomid̄oho mbuipu imbi podamu d̄i Al Masih. Nahu darura adeku nggara nggomid̄oho ^bohasi b̄a coba'an Iblis ndad̄ina au ra karawi b̄a nami nalao ncau.6 Ake la Timotius wa'ura dula mbali ro wa'ura karonggana d̄i nami haba d̄i neokai ade mab̄oha b̄uneku nggomid̄oho imbimu d̄i Al Masih ro cua-cua meci ro ca'u angi. Sia ngoana d̄i nami b̄a one nggomid̄oho makawara ncau lampa rawi ma taho mab̄oha nami. Ro nggomid̄oho mane'eku eda angi lab̄o nami, sama b̄une nami rau mane'e eda angi lab̄o nggomid̄oho. 7 B̄ara ndedena, cina ro angi, d̄i ade samenana susa ro ncoki nami, nami neo ademu b̄ara haba mab̄oha nggomid̄oho.Imbimu d̄i Al Masih makad̄ihina ade nami, 8 ndad̄ina ake nami ma'iuku poda-poda mori, sura nggomid̄oho ngge'e mpa katenggo ademu, kasab̄ua weki lab̄o Ruma. 9 B̄a one renta syuku auku mancihi ncao d̄i loa d̄onggo ro mbei b̄a nami d̄i Allah Ta'ala b̄ara sara'a neo ade ra raka b̄a nami b̄ara rawi nggomid̄oho d̄i tando Allah Ta'ala. 10 Aimarai aimangad̄i nami do'amu, loakud̄u ndai loa eda angi ro d̄i sala'ikai au ma mbuipu kura mab̄oha imbi nggomid̄oho.
11 Raho-raho to'i mpa Allah Ta'ala, Ama ndaita, ro Isa Al Masih ma hengga ncai d̄i ru'u b̄a nami d̄i ne'ekai eda angi lab̄o nggomi^doho! 12 Raho-raho to'i mpa Ruma kandad̄ina nggomid̄oho naha meci ro ca'u sab̄ua lab̄o ma kalaina ro naha meci ro ca'u d̄i sara'a dou, ndad̄ina meci ro ca'umu ede nanaha-naha mboto, sama b̄une nami rau ma meci ro ca'u nggomid̄oho. 13 Kai ndedena Ruma ^dimakatenggona ademu, ndad̄ina nggomid̄oho raso ro wati wara ncaramu d̄i tando Allah Ta'ala, Ama ndaita, wakatu Isa Al Masih, Ruma ndai mai samana lab̄o sara'a dou ma ndad̄i ntau-Na.b