3
Nggomid̄oho wa'ura kamori mbali sama-sama lab̄o Al Masih. B̄ara ndedena ngupapu parakara d̄i saroga, aka hid̄i Al Masih ma wunga sama-sama lab̄o Allah Ta'ala. 2 Kananupu mab̄oha lampa rawi ma wara d̄i saroga, laina ma wara d̄i dunia. 3 B̄a one nggomid̄oho wa'ura made, ro morimu ma sapodakaina watipu tadana saraka ake, b̄une Al Masih rau d̄i ade Allah Ta'ala. 4 Fu'u morimu ma sapodakaina eded̄u Al Masih ro nggara namai mbalisi Sia peade, nggomid̄oho rau ^dimawontu sama-sama lab̄o Sia ro nggomid̄oho rau d̄imaraka na'e ro ntoru b̄une Sia.Mori Ma Ntoi Ro Mori Ma ^Bou
3:5-17
5 B̄ara ndedena, hadepu au-au ra kane'ekai b̄a dunia ma hako ncau nggomid̄oho, b̄une rawi ma sampu ro nggele, lampa rawi ma wati patu, nawasu, au-au ra kane'e ma dab̄ae ro na'e ade, b̄ara na'e ade eded̄u sama mpa lab̄o nemba berhala. 6 Lampa rawi b̄une ede makandad̄ina mbani Allah Ta'ala d̄i dou-dou ma wati to'a d̄i Sia.f 7 Ntoina ndai nggomid̄oho makarawiku lampa rawi-lampa rawi madab̄ae b̄une ede, wakatu nggomid̄oho kuasakai b̄a au ra ne'emu ma dab̄ae ede.
8 Pala ake pab̄uapu nggomid̄oho pakimu lampa rawi ma dab̄ae d̄i sarumbumu: ai walina mbani atao fa'a ade d̄i dou makalai. Ai to'ina wara losa d̄i asamu i'a ro ^ba'a atao nggahi ro eli ma sampu. 9 Aina nuntu cowa d̄i sab̄ua lab̄o ma kalaina, b̄a one mori ma ntoina lab̄o samenana tabe'ana wa'ura hori b̄a nggomid̄oho. 10 Nggomid̄oho ake wa'ura mbei mori ma ^bou. Nggomid̄oho eded̄u manusia b̄ou, ma wunga ^dikab̄ou ncau-ncau b̄a Allah Ta'ala ma rakanda^dimu, b̄atu pahu ndai-Na. Aona eded̄u loakud̄u nggomid̄oho patamu Allah Ta'ala kai mpuruna. 11 Kai ra kandad̄i b̄a Allah Ta'ala ma b̄ou, watid̄u masa'ala walina sab̄ua dou ede, sia dou Yunani atao dou Yahudi; dou ma rasuna atao wati, dou Barbar atao dou Skit, ada dou atao laina ada dou, sara'ana ndad̄i sama b̄a one Al Masih mpa ma ipi penti ro Sia ndad̄i sab̄ua lab̄o siad̄oho sara'ana ede.
12 Nggomid̄oho eded̄u ela Allah Ta'ala. Allah Ta'ala nameci ro ca'uku nggomid̄oho ro kad̄alena nggomid̄oho ndad̄i ntau ndai-Na rakalaina. B̄ara ndedena, nggomid̄oho pab̄uaku katadamu kasi ade, taho ade, ka'awa weki, mapu nggahi ro eli, ro wa'umu sia iu ade susa ro ncoki. 13 Nggomid̄oho pab̄uapu lembo ade d̄i sab̄ua lab̄o ma kalaina, ro cua kangampu angi nggara nawarasi ma wi'i d̄ei ade ^dimakalaina. Ruma kai sana adena kangampu wea nggomid̄oho, ndad̄i nggomid̄oho rau pab̄uapu cua kangampu angi sab̄ua lab̄o ma kalaina. 14 Ro ma ipi penti, eded̄u: Nggomid̄oho pab̄uapu cua meci ro ca'u angi b̄ara meci ro ca'u angi edeku makasab̄uana nggomid̄oho sara'ana ndad̄ina nggomid̄oho ndad̄i mpuruna. 15 Pab̄uapu au-au ra wa'u kasamakai b̄a nggomid̄oho ^dimakatantuna taho ro sana ra mbei b̄a Al Masih d̄ei ademu. B̄a one Allah Ta'ala kad̄alena nggomid̄oho d̄imandad̄i anggota sab̄ua sarumbu, loakud̄u nggomid̄oho morimu ade taho ro sana d̄i Al Masih ede. Pab̄uapu nggomid̄oho renta syuku. 16 Pab̄uapu au-au ra ngoa ro tei b̄a Al Masih ma b̄ini kai b̄a bareka lu'una d̄ei ademu. Pab̄uapu nggomid̄oho cua tei kali cempe angi ro cua ngoa ro tei kataho kai timba ro lemba. Rawapu zabur ro roi ro wadi ro rawa-rawa rohani; rawapu d̄i ru'u b̄a Allah Ta'ala kai renta syuku d̄ei ademu. 17 Samenana au-au ra karawi b̄a nggomid̄oho atao ra nggahimu, pab̄uapu sara'ana ede karawimu ro nggahimu ade ngara Ruma Isa. Rentapu syuku d̄i Allah Ta'ala, Ama ndaita d̄i au ra karawi b̄a Ruma Isa d̄i ru'u b̄a nggomid̄oho.
Hubungan-hubungan Ade Iwa Ro Weki
3:18 -- 4:6
18 Oe dou-dou siwe ma wa'ura nika! To'apu d̄i rahimu, b̄ara ndedeku ma sapodakaina d̄i pab̄ua karawi b̄a nggomid̄oho kai dou ma imbi d̄i Al Masih.
19 Oe dou-dou mone ma wa'ura nika. Meci ro ca'upu weimu. Aina karawimu kai kasa d̄i weimu.
20 Oe ana-ana! To'apu d̄i dou ma tuamu d̄i ade sara'a lampa rawi, b̄ara edeku ra kane'ekai b̄a Allah Ta'ala.
21 Oe cina ro angi ma ndad̄i ama! Aina kapilimu ade anad̄ohomu ndad̄ina siad̄oho kompo kananuna.
22 Oe cina ro angi ma ndad̄i ada dou! D̄i ade samenana lampa rawi nggomid̄oho pab̄uapu to'amu d̄i dou mandad̄i rumamu d̄i dunia ake. Aina to'amu d̄i siad̄oho wakatu jaga b̄a siad̄oho mpa, b̄a ne'emu ^diroi. To'apu d̄i siad̄oho kai nira ademu, b̄ara nggomid̄oho horomamu Ruma. 23 Karawipu au-au rau ra kaukai d̄i nggomid̄oho, pab̄uapu nggomid̄oho karawi kai kapoda ade, b̄une-b̄une nggomid̄oho karawimu ede d̄i ru'u b̄a Ruma, ro laina d̄i ru'u b̄a manusia mpoa. 24 Kawarapu b̄a one nggomid̄oho d̄imatarima ufa d̄i Ruma. Au ra sadia b̄a Ruma d̄i ru'u b̄a ela-Na, edeku d̄imbeina d̄i nggomid̄oho.B̄a one ruma ma sapodakaina ma wunga karawi wea b̄a nggomid̄oho eded̄u ndai Al Masih. 25 Ro cou-cou rau ma karawi ncara, ^dimasu'u ro tunduna au-au ra rawi ncarana ede; b̄ara Ruma wati ntanda kalaina dou.