2
D̄i ne'e b̄a nahu, nggomid̄oho b̄ademu b̄a one nahu makarawi kapoda ade d̄i ru'u b̄a nggomid̄oho ro d̄i ru'u b̄a siad̄oho d̄i Laodikia ro d̄i ru'u b̄a sara'a dou-dou ma watipu pata taho nahu. 2 Nahu karawiku lampa rawi ede loakud̄u ade nggomid̄oho ro ade siad̄oho sara'ana ndad̄i tenggo; siad̄oho sara'ana ^dimacua meci angi ndad̄ina nggomid̄oho mandad̄i tenggo. Kai ndedena nggomid̄oho ro siad̄oho sara'a ^dima'imbi poda b̄ara poda-poda loamu ka'ao ro pata ndai Isa Al Masih, ntoina watipu rakatada b̄a Allah Ta'ala.c 3 Ndad̄i d̄i ade Al Masih sara'a timba ro lemba ro loa ro b̄ade mab̄oha Allah Ta'ala ^dikatada sara'a.4 Nahu ngoakaiku ake loakud̄u nggomid̄oho aina tipu b̄a cou-cou rau, ma kantika nggahi ro eli d̄i nggomid̄oho. 5 Kone nahu d̄o'o lab̄o nggomid̄oho, wi'ikaipu nahu wara d̄i woha nggomid̄oho.Ro nahu neo adeku eda nggomid̄oho makasab̄ua ade ro tenggo imbimu d̄i Al Masih.
Mori Ro Woko Ma Mpuruna
2:6-19
6 Cina ro angi wa'ura tarimamu Isa Al Masih ma ndad̄i Rumamu. B̄ara ndedena pab̄uapu nggomid̄oho mori kasab̄ua weki lab̄o Sia, 7 ma ndad̄i fu'u mori ndai. Nggomid̄oho pab̄uapu katu'u morimu d̄i Al Masih ma ndad̄i dasana. Pab̄uapu nggomid̄oho naha imbi d̄i Al Masih, b̄une au ra wa'u tei d̄i nggomid̄oho.Ro nggomid̄oho pab̄uapu kapoda ade renta syuku.
8 Pab̄uapu nggomid̄oho aina kabare, ai to'ina wara ma goda nggomid̄oho kai ngoa ro tei ra d̄i manusia ma wati wara onena, malaisi nakasantuda mpa. Ngoa ro tei ede laina ra d̄i Al Masih, malaisi ranggahi b̄a manusia mpa ro ra d̄i roh-roh makuasakai dunia. 9 B̄ara samenana tabe'a Allah Ta'ala nangge'e d̄i Al Masih, eded̄u d̄i ade ka'ada'an manusiakai-Na. 10 Ro b̄ara mori sab̄ua lab̄o Al Masih, nggomid̄oho rau d̄imbei mori masapodakaina. B̄ara Al Masih eded̄u mana'ekaina d̄i sanikina roh ma ntau kuasa ro maparenta.
11 B̄ara kasab̄ua weki lab̄o Al Masih, loa ^dinggahi nggomid̄oho wa'ura suna kai sacara rohani kai kuasa Al Masih, laina suna ra karawi b̄a manusia. Ede aona b̄a one Al Masih wa'ura hori kalosana nggomid̄oho ra d̄i kuasa tabe'a dosa. 12 B̄a one wakatu nggomid̄oho rakandeu raso, nggomid̄oho ra'umbu sama-sama lab̄o Al Masih; ro kai rakandeu raso ede rau, nggomid̄oho b̄atu kamori mbali sama-sama lab̄o Al Masih b̄ara nggomid̄oho imbimu d̄i kuasa Allah Ta'ala ma wa'ura kamori mbali Al Masih ra d̄i madekaina. 13 Ntoina, nggomid̄oho wa'ura made sacara rohani b̄ara dosa nggomid̄oho, ro b̄ara nggomid̄oho watira suna kai sacara sarumbu kasa. Pala ake Allah Ta'ala kamori mbalina nggomid̄oho sama-sama lab̄o Al Masih. Allah Ta'ala wa'ura kangampu weana samenana dosa ndaita, 14 ro furana sura nconggo ndaita, ma kadahuna ndaita kai sara ro rawi ma tani. Kai salibna sura ede d̄i haju salib, Allah Ta'ala kambora sara'ana da'awa ra ^ba^bukai d̄i ru'u b̄a ndaita. 15 D̄i salib ede Al Masih wa'ura kakoa sara'ana roh-roh dab̄ae ma parenta ro ma ntau kuasa.d Al Masih b̄une-b̄une ma wa'a roh-roh ede ade ka'ada'an rad̄iki ro kandad̄ina roh-roh ede lampa ta ari kontu Sia loakud̄u dou-dou d̄i dunia na^badeku.
16 B̄ara ndedena, aina co'omu dou kancarana nggomid̄oho mab̄oha ngaha atao nono atao mab̄oha ainaina-ainaina aruraja agama, atao kandiha-ndiha wura b̄ou, atao mab̄oha ainaina Sabat. 17 Samenana ede ninu mpoa mpa ra d̄i lampa rawi ^dimamai, pala ma tada ra d̄i lampa rawi ede eded̄u Al Masih! 18 Nggomid̄oho aina co'omu wekimu ^dikarugi b̄a dou ma coro-coro ka'awa weki ro ma nemba mala'eka-mala'eka. Dou ede nasombo kai fiki ro kananuna ma b̄atu dunia ro naka'ese-eseku wekina b̄ara loana karongga au ra nggahi b̄a Ruma. 19 Guru-guru palasu ede watid̄u to'a walina d̄i Al Masih ma ndad̄i tuta. Kai d̄anda ro wa'a b̄a Al Masih sara'a sarumbu eded̄u ela Allah Ta'ala ma mbeina tenggo ro wale kai ncai puru ro peke ma kasab̄uana sarumbu ede kai mpuruna. Kai ndedena, sarumbu ede morina b̄une ra kane'ekai b̄a Allah Ta'ala.
Made Ro Mori Sama-sama La^bo Al Masih
2:20--3:4
20 Nggomid̄oho wa'ura made sama-sama lab̄o Al Masih, ro wa'ura hori kalosa ra d̄i roh-roh ma kuasakai isi dunia ake. ^Ba^bauku nggomid̄oho morikaimu b̄une dou ma mbuipu kuasakai b̄a dunia ake? ^Ba^bauku nggomid̄oho ^batukaimu d̄i atoran-atoran b̄une ake. 21 <<Aina ^damamu ake>>, <<Aina ta^baimu ede>>, <<Aina tudumu ake>>? 22 Samenana atoran ede eded̄u mab̄oha lampa rawi-lampa rawi, ndede ^dikani watid̄u wara onena. Ede atoran-atoran mpa ro ngoa ro tei ra ndawi b̄a manusia. 23 Ncihi romo ^di'edamu lampa rawi ede naloa timba ro lemba, kai parentana loakud̄u dou nembana mala'eka, ka'awa weki lab̄o kancoki weki; pala samenana ede wati wara onena ^dimatapana nawasu manusia.e