Wati^du wara walina ada dou
4:1-7
4
1-2 Aona nggahi nahu ake eded̄u santoi dou d̄imatarima pasaka watipu raka umuna, wara dou d̄imajaga ro maka^buana au ra d̄iparalu b̄a sia sampe raka taho umuna b̄une ra katantukai b̄a amana. Sia ^dikau karawi sama mpa b̄une ada dou, kone sapodakaina sia mantau samenana ntau ro wara ede. 3 Ndede rau lab̄o ndaita: Santoi ndai watipu tenggo imbita, ndai ka'ada rau b̄a roh-roh ma kuasakai dunia ake. 4 Pala d̄i wakatu ma ncihi ncao, Allah Ta'ala nggaduna Ana-Na d̄i dunia. Ana-Na ede ranggana b̄a sab̄ua dou siwe ro mori d̄i ade kuasakai b̄a hukum Taurat. 5 Kai ndedena Sia nahori kalosaku dou-dou ma mori d̄i ade kuasakai b̄a hukum Taurat; loakud̄u ndai rau loa ndad̄i ana-ana Allah.6 B̄ara nggomid̄oho ede^duf ana-ana Allah, ndad̄i Allah Ta'ala kauna Roh Ana-Na lu'u d̄ei ade ndaita, eded̄u Roh ma nggahi, <<Ama, io Amaku.>> 7 Ndad̄i, nggomid̄oho lai walina ada dou, malaisi ana. Ro b̄ara nggomid̄oho Ana Allah,3 ndad̄i Allah Ta'ala d̄imambei d̄i nggomi samenana au-au ra sadia-Na d̄i ru'u b̄a ana^doho-Na.
La Paulus darura adena d̄i dou-dou Galatia
4:8-20
8 Ntoina nggomid̄oho wati patamu Allah Ta'ala, b̄ara ndedena nggomid̄oho ka'ada b̄a kuasa-kuasa ra wi'ikai b̄a nggomid̄oho ruma, pala ede sapodakaina laina Allah Ta'ala. 9 Pala ake nggomid̄oho mapataku Allah Ta'ala, atao mancihi poda wali, Allah Ta'ala napataku nggomid̄oho.Ndad̄i, b̄ab̄auku nggomid̄oho ne'ekaimu mbali wali d̄i roh-roh dunia ake, ma mapu ro mancoki mori? ^Ba^bauku nggomid̄oho ne'ekaimu ka'ada wali b̄a roh-roh ede? 10 Nggomid̄oho katu'umu ndiha ainaina-ainaina ra wa'u katantu, wura-wura ra wa'u katantu, ro mba'a-mba'ana ra wa'u katantu. 11 Nahu darura adeku, nggara au ra wa'u makikai b̄a nahu d̄i ru'u b̄a nggomid̄oho ndad̄i lao ncau.
12 Cina ro angi! Nahu maraho poda-poda loakud̄u nggomid̄oho ndad̄imu b̄une nahu. B̄ara nahu wa'ura ndad̄i b̄une nggomid̄oho rau. Nggomid̄oho wati karawimu au-au ma ncara d̄i nahu. 13 Nggomid̄oho tantu mbuipu kawaramu au ma kamaina nahu saramba-rambakaina ngoa ro kahabaku Injil ede d̄i nggomid̄oho b̄ara nahu b̄oha b̄a supu. 14 D̄i wakatu ede nggomid̄oho wati ni'imu d̄i nahu, konena ka'ada'an sarumbu nahu eded̄u coba'an ma na'e d̄i ru'u b̄a nggomid̄oho.Nggomid̄oho matarimaku nahu b̄une tarima aomu mala'eka Allah atao b̄une tarima aomu ndai Isa Al Masih. 15 Nggomid̄oho neo poda ademu d̄i wakatu ede. Pala ake, ta b̄eku neo ademu ede? Nahu kab̄adeb̄a one wakatu ede nggomid̄oho nira ademu cingga isi mada ndaimu ^dimbeimu d̄i nahu, nggara loasi karawi ndede. 16 Sab̄ua nggomid̄oho ake wa'ura wi'ikaimu nahu musumu, b̄ara katada b̄a nahu ma ncihi d̄i nggomid̄oho?
17 Doud̄oho ma kalai ede kai kapoda adena ngupana nggomid̄oho, pala nia siad̄oho wati tahona. Siad̄oho nane'eku kakompo hubungan nggomid̄oho lab̄o nami, loakud̄u nggomid̄oho b̄atu poda-podamu siad̄oho. 18 Nataho romo kapoda ade d̄i lampa rawi-lampa rawi ma taho, sura ndede ncau ro aina wakatu wara nahu sama-sama lab̄o nggomid̄oho mpoa mpa. 19 Oe ana-ana meciku, b̄ara nggomid̄oho nahu susa ro ncoki wali. Nahu susa ro ncokiku b̄une ina mancoki iu wakatu ngganana ana. Nahu ^dimasusa ro ncoki ncau, nggara tabe'a Al Masih watipu nconggena d̄i weki nggomi^doho! 20 Ake nahu kane'e poda adeku wara d̄i woha nggomid̄oho, loakud̄u nahu raka nuntu lab̄o nggomid̄oho kai cara ma kalaina, b̄ara nahu watid̄u ^badeku ne'e karawi au wali d̄i nggomi^doho!
La Hajar lab̄o la Sara
4:21-31
21 Cina ro angi ma ne'e mori d̄i ade kuasakai b̄a hukum-hukum Taurat, kade'epu au ra nggahi b̄a nahu! Nahu ^dimangoa d̄i nggomid̄oho auku ma sapodakaina ra tunti ade Hukum Taurat. 22 Ta ede wara ratunti b̄a one la Ibrahim nantau d̄ua dou ana: Ina b̄a anana ma sab̄ua eded̄u adana, ro ina b̄a anana ma sab̄ua wali eded̄u dou ma laina ada dou? 23 Ana b̄a dou siwe ma ndad̄i ada dou ede ranggana b̄ara rakane'ekai b̄a manusia. Pala ana b̄a dou siwe ma laina ada dou, ranggana b̄ara rasake b̄a Allah Ta'ala. 24 Ake loa ^dikani d̄imandad̄i conto ro ibara. Dou siwe d̄uana ede eded̄u ibara d̄ua mbua rasake: ma sa^buana ra maina ra d̄i Doro Sinai – eded̄u la Hajar; ana-ana rangganana ede ndad̄i ada dou. 25 Ndad̄i, la Hajar eded̄u Doro Sinai, d̄i dana Arab. Sia ma ndad̄i tandag kota Yerusalem ro sara'a ela ro douna ma wakatu ake ndad̄i ada dou. 26 Pala Yerusalem ma wara d̄i saroga ede eded̄u Yerusalem ma mardeka, ro siaku ina b̄a ndaita. 27 B̄a one ade Kitab Suci wara ratunti,
<<Ka^dihira ademu oe dou siwe mbonggi, ma watipu ra iu nggana ana!
Ka^dihi ro kaneora ademu oe nggomi ma watipu iu pili nggana!
B̄a one dou siwe rawi'i b̄a rahina d̄imaraka ncewi mboto ana
ntewikaisi lab̄o dou siwe ma mori lab̄o rahina.>>
28 Cina ro angi! Ndai nggomid̄oho eded̄u ana-ana Allah4 ra nggana b̄ara rasake b̄a Allah Ta'ala; nggomid̄oho sama b̄une la Ishak. 29 Aipu wakatu ede ana ranggana b̄atu rakane'ekai b̄a manusia, kancokina ana ranggana b̄ara rakane'ekai b̄a Roh Allah. Ndede rau ake. 30 Pala auku ra tunti ade Kitab Suci? Ta ede wara ratunti ndake: <<Katesapu ada siwe ede lab̄o anana, b̄a one ana ra d̄i ada siwe ede wati d̄imatarima pasaka ntau ro wara sama-sama lab̄o ana ra d̄i dou siwe mardeka ede.>> 31 Ndad̄i, cina ro angi, ndai ake laina ana-ana ra d̄i ada siwe; ndai eded̄u ana-ana ra d̄i dou siwe ma wa'ura mardeka.