Hukum Taurat atao imbi d̄i Al Masih
3:1-14
3
Cina ro angi dou-dou Galatia! Nggomid̄oho nawancuku sampulamu! Cou ma rapangaru nggomid̄oho? Mab̄oha made Al Masih d̄isalib wa'ura ngoa kab̄ae poda b̄a nahu d̄i nggomi^doho! 2 Ngoapu d̄i nahu sab̄ua lampa rawi ake: Sab̄ua nggomid̄oho wa'ura tarimamu Roh Allah b̄ara kalampamu hukum Taurat atao b̄ara nggomid̄oho ringamu Injil ra d̄i Allah Ta'ala ro imbi d̄i Al Masih? 3 ^Ba^bauku nggomid̄oho ipikai sampulamu! Nggomid̄oho wa'ura tampu'umu mori mab̄ou kai Roh Allah, sab̄ua ake nggomid̄oho ma ne'e raka ma mpuruna kai tenggo ro wale ndaimu? 4 Sab̄ua wati wara onena sara'a au ra iu b̄a nggomid̄oho ede? Wati lu'u b̄a aka, wati wara onena! 5 Allah Ta'ala mbeina Roh-Na d̄i nggomid̄oho ro karawina lampa rawi-lampa rawi ma b̄isa ro guna d̄i woha nggomid̄oho.Sab̄ua au ra karawi b̄a Allah Ta'ala ede b̄ara nggomid̄oho kalampamu hukum Taurat atao b̄ara nggomid̄oho ringamu Injil ede ro imbimu d̄i Al Masih?6 Ede sama b̄une ra tunti ade Kitab Suci mab̄oha la Ibrahim b̄une ake, <<La Ibrahim na'imbi d̄i Allah Ta'ala, ro b̄ara imbina ede sia tarima b̄a Allah Ta'ala kai dou ma kasana wea ade Allah Ta'ala.>> 7 Ndad̄i nggomid̄oho pab̄uapu kawaramu weki b̄a one dou ma poda-poda londo ro mai la Ibrahim eded̄u dou-dou ma imbi d̄i Allah Ta'ala. 8 D̄i ade Kitab Suci wa'ura nggahi b̄a one Allah Ta'ala naloaku kandad̄i dou-dou ma laina Yahudi taho mbali lab̄o Allah Ta'ala, nggara siad̄oho na'imbisi d̄i Sia. Injil ede wa'ura ngoa ulu d̄i la Ibrahim d̄i ade sake ake, <<Kai ncai nggomi, Allah Ta'ala ma bareka sara'a manusia d̄i wawo dunia.>> 9 La Ibrahim na'imbiku, ndad̄i sia bareka b̄a Allah Ta'ala. Ndede rau sara'a dou ma imbi, ^dibareka rau sama b̄une la Ibrahim.
10 Dou-dou ma wi'i weki d̄i hukum Taurat, sara'a namori d̄i ade ^ba'a b̄a Ruma. B̄ara ade Kitab Suci wara ratunti, <<Dou ma wati to'a kalampa samenana au ra tunti ade Hukum Taurat ^di^ba'a b̄a Allah Ta'ala!>> 11 Wati wara kone sab̄ua dou rau ra kataho mbali lab̄o Allah Ta'ala b̄ara kalampana hukum Taurat. Lampa rawi ake wara ratunti ade Kitab Suci, <<Dou ma imbi d̄i Allah Ta'ala mpoa mpa ma kandad̄ina hubungan lab̄o Allah Ta'ala ndad̄i taho mbali, ^dimamori!>>d 12 Pala hukum Taurat wati kai dasa imbi. Ade Kitab Suci ratunti b̄a one dou ma kalampa hukum Taurat, ^dimamori b̄ara hukum ede.
13 Pala Al Masih hori kalosana ndaita ra d̄i ^ba'a b̄a hukum Taurat. Sia kalampana ede kai co'ona weki-Na hina b̄a ^ba'a, b̄ara ndaita. B̄a one d̄i ade Kitab Suci wara ratunti, <<Ihara dou ma made ratero d̄i tandi'i haju.>> 14 Al Masih karawi ndedekaina loakud̄u bareka ra sake b̄a Allah Ta'ala d̄i la Ibrahim d̄imbei rau d̄i ru'u b̄a dou-dou ma laina Yahudi. Kai ndedena ndai rau ma imbi d̄i Allah Ta'ala, d̄imatarima Roh ra sake b̄a Allah Ta'ala ede.
Hukum Taurat atao sake Allah Ta'ala
3:15-29
15 Cina ro angi! Taho, nahu makani conto ra d̄i mori sanai-nai. Nggara dou nandawisi sab̄ua sake ro sake ede wa'ura kasaha, ndad̄i wati kone sab̄ua dou rau maloana kambora au ra sake ede, atao masala'i au-au d̄i au ra sake ede. 16 Au ra sake b̄a Allah Ta'ala d̄i ru'u b̄a la Ibrahim ro d̄i ru'u b̄a londo ro mai la Ibrahim. Ade Kitab Suci wati wara ratunti <<ro d̄i ru'u b̄a dou-dou londo ro mai la Ibrahim>>, aona mboto dou. Ra tunti ta ede eded̄u <<ro d̄i ru'u b̄a dou londo ro maimu>>, aona sab̄ua dou mpa, eded̄u Al Masih. 17 D̄i ne'e nggahi b̄a nahu ta ake eded̄u ake: sake Allah Ta'ala wa'ura ndawi ro wa'ura kasaha ulu. Hukum Taurat ra mbei 430 mba'a sawa'u b̄a ede wati loana kambora ra kasaha ede ro kambora sake Allah Ta'ala ede. 18 B̄a one nggara au ra rambei b̄a Allah Ta'ala nawi'isi wekina d̄i hukum Taurat, ndad̄i ede lai walina ra mbei b̄une ra sake. Pala b̄ara Allah Ta'ala wa'ura sakena d̄i la Ibrahim, ndad̄i Allah Ta'ala mbeina ede d̄i sia.
19 Nggara ndedesi, d̄i aukai warana hukum Taurat? Ede^du b̄a one hukum ede ^disala'ikai ro d̄ikatadakai rawi ra sapa b̄a manusia. Hukum Taurat ede ^dikani sampe maina sab̄ua dou londo ro mai la Ibrahim, ra pehe ade sake b̄a Allah Ta'ala d̄i la Ibrahim. Hukum Taurat ede rakarongga b̄a mala'eka-mala'eka kai ncai sab̄ua dou manusia. 20 Pab̄uaku wara d̄ua dou, ede ampo naparalu sab̄ua dou mandad̄i ncai. Pala Allah Ta'ala wati paraluna dou makalai b̄ara ndai Sia ma karawina.e
21 Nggara ndedesi, sab̄ua wati ncihi ncaona Hukum Taurat lab̄o au ra sake b̄a Allah Ta'ala? Tantu wati! B̄a one nggara hukum Taurat rambei d̄i ru'u morikai manusia, ndad̄i manusia naloa taho mbali lab̄o Allah kai ncai hukum Taurat. 22 Pala ade Kitab Suci wara ratunti b̄a one samenana manusia wara ade kuasakai b̄a dosa. B̄ara ndedena, au ra mbei b̄une ra sake kai dasa imbi d̄i Isa Al Masih d̄imbei d̄i ru'u b̄a siad̄oho ma imbi.
23 Sawatipu raka wakatuna d̄i imbikai d̄i Al Masih, ndai rasandaka kapoda b̄a hukum Taurat; ndai b̄une rakuru sampe katadakai imbi ede. 24 Kai ndedena, hukum Taurat ^dimasandakana ndai sampe maikai Al Masih ^dimakandad̄ina ndai taho mbali lab̄o Allah Ta'ala b̄ara ndai imbi d̄i Al Masih. 25 Ake, b̄ara wa'ura raka wakatuna manusia loa imbi d̄i Al Masih, ndad̄i ndai watid̄u jaga wali b̄a hukum Taurat.
26 B̄ara nggomid̄oho imbimu d̄i Isa Al Masih, ndad̄i nggomid̄oho sab̄ua lab̄o Sia; ro b̄ara ndedena nggomid̄oho ndad̄i ana-ana Allah.2 27 Nggomid̄oho sara'ana wa'ura kandeu sarani kai ngara Al Masih, ndad̄i nggomid̄oho wa'ura tarimamu tabe'a-tabe'a ndai Al Masih ma ndad̄i kani ro lombomu. 28 Ade lampa rawi ake watid̄u wara wali cualaina dou Yahudi lab̄o dou ma laina Yahudi, ada dou atao dou mahori weki, mone atao siwe. Nggomid̄oho sara'ana ndad̄i sab̄ua b̄ara Isa Al Masih. 29 Nggara nggomid̄oho ntau Al Masih, ndad̄i nggomid̄oho eded̄u londo ro mai la Ibrahim. Ro nggomid̄oho d̄imatarima au ra sake b̄a Allah Ta'ala.