Dou-dou ma karawi wea Ruma
3:1-18
3
Sab̄ua wara nami ma roi weki ndai nami? Atao loa ndad̄i nami maparalu sura mab̄oha roikai weki ndai nami d̄i ru'u b̄a nggomid̄oho, atao ra d̄i nggomid̄oho, b̄une dou-dou makalaina maparalu sura ^diroikaina weki ndaina? 2 Ndai nggomid̄oho eded̄u sura ede, ratunti d̄ei ade nami ro loa ^dipata ro ^dibaca b̄a sanikina dou. 3 Ndai siad̄oho naloaku eda b̄a one nggomid̄oho eded̄u sura ra tunti b̄a Al Masih, ranggaduna kai ncai nami. Sura ede ratunti laina kai dawa, pala kai Roh Allah ma mori, lai rauna d̄i wawo lompe wadu, pala d̄ei ade manusia.4 Nami nggahi ndedekaimu b̄ara imbi nami d̄i Allah Ta'ala kai ncai Al Masih. 5 Nami wati ntaumu alasan au-au d̄ikatadakai b̄a one nami mawa'u kalampa rawi ake, pala Allah Ta'ala ma mbei tenggo ro wale ede d̄i nami. 6 Sia edeku ma kandad̄ina nami wa'u ^bonggu ndad̄i ada ru'u sab̄ua rasake ma ^bou; rasake ma wi'i weki d̄i Roh Allah, laina d̄i hukum ratunti. B̄a one ratunti ede nawa'aku d̄i madekai, pala Roh Allah ede nambeiku mori.
7 D̄i wakatu sake ma wa'a d̄i madekai ede randawi ro pa'a d̄i wadu, cahaya Allah Ta'ala nakalea sambura d̄i pahu la Musa. Cahaya-Na nawancuku taroana, ndad̄ina bangsa Israel wati wa'una ntanda pahu la Musa, konena cahaya d̄i pahu la Musa ede natampu'ura mbora wakatu ede. Nggara sake ra ndawi ma wa'a ^dimadekai ede d̄i kasaha kai d̄ese ro ntasa ma ndede na'e, 8 tantu sake ra mbei b̄a Roh Allah, ^dikasaha kai ma ncewi d̄ese ro ntasa wali. 9 Nggara sake ma hukum manusia ede ndede d̄ese ro ntasana, tantu nancewi d̄ese ro ntasa wali sake ma kandad̄ina manusia taho mbali lab̄o Allah Ta'ala. 10 Loa ^dinggahi b̄a one au ma ntoina ma d̄ese ro ntasa, watid̄u d̄ese ro ntasa walina b̄ara ipipu d̄ese ro ntasana ma wara wakatu ake. 11 Nggara au-au ma wara samporo mpa, ndede d̄ese ro ntasana, tantu au-au ma ede ro hid̄i nancewi d̄ese ro ntasa wali.
12 B̄ara nami mantau kane'e b̄une ede, ndad̄i nami madisaku nggahi ndede. 13 Nami laina b̄une la Musa ma ^bonto pahuna kai to^du loakud̄u bangsa Israel wati loana eda cahaya Ruma ma wunga tampu'ura mbora d̄i pahu la Musa. 14 Fiki ro kananu siad̄oho nawa'ura mpula. Ro sampe wakatu ake rau fiki ro kananu siad̄oho mbuipu mpulana kai kanina to^du d̄i wakatu siad̄oho bacana buku-buku mab̄oha sake ma ntoi ede. To^du ede loa ^dihengga, nggara dou nakasa^buasi wekina lab̄o Al Masih. 15 Saraka ake rau, nabacasi b̄a siad̄oho buku-buku la Musa, to^du ede mbuipu pulana fiki ro kananu siad̄oho. 16 Pala nggara sab̄ua dou nalao mbalisi aka Ruma, ndad̄i to^du ede loa ^dihengga d̄i pahu dou ede.c 17 Ruma ranggahi ta ake eded̄u Roh. Ro ta b̄e rawarakai Roh Ruma, ta ede rau wara horikai weki. 18 Ake pahu ndai sara'a watid̄u ^bonto b̄a to^du, ro pahu ndai ^bonto b̄a d̄ese ro ntasa Isa Al Masih. B̄ara ndedena ndai d̄i rungka ncau-ncau, ndad̄i b̄une Sia; nanaha ntoina ndaita nanaha ndad̄i d̄ese ro ntasa. ^Dese ro ntasana ede ra d̄i Roh, ro Roh ede eded̄u Ruma.