2
Nahu wa'ura katantuku b̄a one nahu wati d̄imalao lamba nggomid̄oho wali nggara b̄ara lampa rawi ede ^dincokikai ade nggomid̄oho. 2 B̄a one nggara kancoki weasi b̄a nahu ade nggomid̄oho, cou waliku ^dimaloa rere ro ^dimakad̄ihi wea ade nahu, nggara laisi doud̄oho ede rau ra wa'u kasusa wea b̄a nahu adena? 3 B̄ara ndedena nahu tuntiku sura ake d̄i ru'u b̄a nggomid̄oho.Nahu wati ne'eku lao lamba nggomid̄oho, edempara kasusa wea b̄a nggomid̄oho ade nahu ma sapodakaina nggomi^dohoku mapab̄ua kad̄ihi wea ade nahu. B̄a one nahu ka'imbi b̄a one nggara neosi ade nahu, ndad̄i nggomid̄oho sara'a neo ade rau. 4 Wakatu nahu tuntiku sura d̄i ru'u b̄a nggomid̄oho kai ncoki ro tani adeku ro kai mboto mboho oi madaku. Aona nggahi nahu ede laina b̄a ne'eku kancoki ade nggomid̄oho, pala loakud̄u nggomid̄oho kawaramu weki b̄a one nahu kawancu meci ro ca'u d̄i nggomid̄oho.Pab̄uaku ^dikangampu wea dou ma ncara rawi
2:5-11
5 Nggara warasi dou ma kamaina ncoki ade, ndad̄i lampa rawi ede karawi b̄a sia laina d̄i ru'u b̄a nahu, malaisi d̄i ru'u b̄a nggomid̄oho sara'ana atao sadawara-warana d̄i ru'u b̄a sarunde dou d̄i ade weki nggomid̄oho.Nahu wati ne'eku ipi toku d̄i sia. 6 D̄i ru'u b̄a dou b̄une ede, hukuman d̄ib̄ab̄ukai d̄i sia ncihi mpa rojo b̄a sarunde dou d̄i ade weki nggomid̄oho. 7 Ake nggomid̄oho pab̄uapu kangampu weamu sia ro katenggo weapu adena loakud̄u sia aina ipi ncoki adena sampe kompo kananuna. 8 B̄ara ndedena nahu maraho d̄i nggomid̄oho, loakud̄u nggomid̄oho katadamu d̄i sia b̄a one nggomid̄oho poda-poda mameci ro ca'uku sia. 9 Nahu tuntiku sura ede d̄i nggomid̄oho b̄a ne'eku uji nggomid̄oho, sab̄ua nggomid̄oho mab̄atu ncauku d̄i au ra ngoa ro tei b̄a nahu. 10 Nggara nggomid̄oho makangampu weasi dou ma wa'ura karawi ncara d̄i nggomid̄oho, ndad̄i nahu rau ^dimakangampu wea rau dou ede. B̄ara au ra wa'u kangampu wea b̄a nahu – nggara nawarasi ma paralu d̄i kangampu wea b̄a nahu– ede ^dikangampu wea b̄a nahu d̄i tando Al Masih d̄itahokai nggomid̄oho. 11 Nahu karawi ndedekaiku loakud̄u Iblis wati wara ncaina ^dikuasakaina ndai; b̄ara ndai ta^badeku au ^dine'ena.
La Paulus darura adena wakatu d̄i Troas
2:12-13
12 Wakatu nahu ronggaku aka kota Troas b̄a ne'eku ngoa ro kahaba Injil Al Masih. Ruma nawa'ura hengga ncai d̄i ru'u b̄a nahu d̄ikarawikai d̄i hid̄i ede. 13 Pala nahu darura adeku b̄ara watipu eda angiku lab̄o cina ndaita la Titus ta aka. Ndad̄i nahu rahoku weki d̄i dou-dou d̄i hid̄i ede edempara laoku aka dana ro rasa Makedonia.
Ndai ngolu b̄ara Al Masih
2:14-17
14 Pala syuku d̄i Allah Ta'ala! Sia ma^dende ro wa'a ncau nami ade lampa ro laokai nami wakatu nami ngoa ro kahabamu ngara Sia b̄ara nami makasab̄ua weki lab̄o Sia. Allah Ta'ala kanina nami loakud̄u haba mab̄oha Al Masih mbou rero b̄une mengi ma tambua rero. 15-16 B̄a one nami eded̄u b̄une ngolo kamaya ma mengi, ra ka'a b̄a Al Masih d̄i ru'u b̄a Allah Ta'ala. D̄i ru'u b̄a dou-dou ma wunga lao aka hid̄i lelikai, nami ake b̄une wou made ma hadena; pala d̄i ru'u b̄a dou-dou ma wunga ^dikasalama, nami b̄une mengi ma wa'a mori ro woko. Couku ma wa'una kalampa taki ro puta ake? 17 Nami laina b̄une mboto dou ma kalampa haba ra d̄i Allah Ta'ala b̄une barang-barang ra landa rero. D̄i ne'e b̄a nami eded̄u taho raso, b̄ara nami ra kaukai b̄a Allah Ta'ala. Ndai Allah Ta'ala ma'edana b̄a one nami ma karongga haba ede kai ada-ada Al Masih.