Meci ro ca'u
13:1-13
13
Nahu, kone kaloa nuntu kai mboto pahu bahasa manusia, kone kai bahasa mala'eka rau, pala nggara nahu watisi meci ro ca'uku dou makalai, ndad̄i au ra nggahi b̄a nahu ede eli ma kancere mpa kai wati wara onena. 2 Nahu, kone kaloa karongga haba ra d̄i Allah Ta'ala, ro kaloa ka'ao sara'a lampa rawi ma ipi ^dei, ro kab̄ademenaku ro kawancu imbi d̄i Allah Ta'ala sampe loaku hanta peso doro, pala nggara nahu watisi meci ro ca'uku dou makalai, ndad̄i nahu wati wara one podana. 3 Kone sara'a au-au ra ntau nahu, nahu mbeiku d̄i ru'u b̄a dou mancoki mori, ro nahu ^donggoku weki ^dika'a d̄i afi,m pala nggara nahu watisi meci ro ca'uku dou makalai, ndad̄i sara'ana ede wati wara poda onena.4 Dou ma meci ro ca'u dou makalai, nalembo adena. Sia wati ipi wu'u adena, wati ka'esena weki ro wati sombona. 5 Sia wati kasa ruku ro rawina, sia wati pakasana dou makalai b̄atu au ra kane'ekai b̄a sia, wati roci iha adena, ro wati wi'ina d̄ei adena au ra rawi dou. 6 Dou ma meci ro ca'u dou makalai, wati ca'una karawi madab̄ae, sia naca'u d̄i rawi ma taho mpa. 7 Sia nawa'uku satando lab̄o samenana au-au ro na'imbi ^dimataho mpa d̄i sanikina dou; ade ka'ada'an ma b̄une b̄e rau dou ma meci ro ca'u ede wati kompo kananuna ro nalembo ade ngena d̄i samenana au-au.
8 Meci ro ca'u wati ^dimanggori; dou ma karongga au ra kane'ekai b̄a Ruma ^dimanggori; bahasa roh ^dimadengga; loa ro tingi d̄imambora. 9 B̄a one loa ro tingi ndai ro tenggo ndai karongga au ra kane'ekai b̄a Allah Ta'ala, ndai watipu mpurunana. 10 Pala nggara ma mpuruna ede nawa'usi ramai, ndad̄i ma wati mpuruna ede d̄imambora.
11 Aipu nahu mbuipu to'iku, nahu kanuntu b̄une ana dou to'i, nahu ka'iu b̄une ana dou to'i, ro nahu kananuku b̄une ana dou to'i. Ake nahu wa'ura na'e, ruku ro rawi nahu ma b̄une ana dou to'i wa'ura pakiku. 12 Au ra eda b̄a ndaita wakatu ake eded̄u b̄une ninu ma gawu d̄i saninu. Pala pea ndai d̄ima'eda kab̄ae lalo. Ake nahu watipu b̄ade sara'aku, pala pea nahu ^dimab̄adesara'a sama b̄une Allah Ta'ala mab̄adesara'a mab̄oha weki nahu.
13 Ndad̄i, d̄i wakatu ake wara tolu mbua lampa rawi d̄ipab̄ua karawi b̄a ndaita: imbi, pamao d̄i Ruma, ro cua meci ro ca'u angi. Ma ipi penti poda d̄i ade tolu mbua lampa rawi ede eded̄u meci ro ca'u dou-dou makalai.