Dou-dou ma karawi wea d̄i ru'u b̄a Allah Ta'ala
3:1-23
3
Cina ro angi, ntoina nahu wati loaku nuntu ro nggahi lab̄o nggomid̄oho b̄une dou mantau Roh Allah. Nahu kaloa nuntu ro nggahi lab̄o nggomid̄oho b̄une dou ma mbuipu mori b̄atu au ra kane'ekai b̄a dunia sama mpa b̄une dou ma watipu ipi tenggo imbina d̄i Al Masih. 2 Ntoina nahu mbeiku ngaha ro nono d̄i nggomid̄oho b̄une ngaha ro nono d̄i ru'u b̄a ana dou kea mpa, laina ngaha ro nono b̄une ^dingaha b̄a dou ma wa'ura na'e; b̄ara nggomid̄oho watipu ipi tenggomu d̄i ru'u b̄a ede. Pala kone wakatu ake rau nggomid̄oho mbuipu wati tenggomu d̄i ru'u b̄a ede. 3 B̄a one nggomid̄oho mbuipu mori ^batumu tabe'a manusiakai. Nggara warasi d̄i ade weki nggomid̄oho ma hiana ade ro ma cence ncihi, sab̄ua ede laina matei katadana b̄a one nggomid̄oho mbuipu mori ^batumu tabe'a manusiakai b̄une dou-dou ma wati pata Allah Ta'ala? 4 Nggara warasi ma nggahi, <<Nahu kalompo la Paulus,>> ro ma kalai manggahi, <<Nahu kalompo la Apolos,>> sab̄ua laina ede nggomid̄oho katadamu b̄a one nggomid̄oho d̄i ade ruku ro rawimu b̄une dou-dou dunia?5 Sapodakaina cousi la Apolos ede? Ro cousi la Paulus? Nami eded̄u dou-dou ma karawi wea d̄i ru'u b̄a Allah Ta'ala mpa. Nami ma wa'ura ngoa ro tei nggomid̄oho ndad̄i imbi d̄i Al Masih. Nami makalampa mpa au ra kaukai b̄a Ruma d̄i cua-cua ndai nami. 6 Nahu manggud̄a, la Apolos mab̄uina, pala ndai Allah Ta'alaku ma kawokona au ra nggud̄a ede. 7 Ndad̄i ma penti eded̄u Allah Ta'ala, b̄a one Siaku ma rakawokona. Ma ranggud̄a ro ma b̄uina wati pentina. 8 Nataho ma ranggud̄ana ro ma b̄uina eded̄u sama mpa. Cua-cua d̄imatarima ufa ma ncihi ncao lab̄o au ra karawina. 9 Nami eded̄u dou-dou ma sama-sama karawi d̄i ru'u b̄a Allah Ta'ala; ro nggomid̄oho eded̄u b̄une oma Allah Ta'ala.
Nggomid̄oho eded̄u b̄une uma Allah Ta'ala rau. 10 Kai loa ro b̄ade ra mbei b̄a Allah Ta'ala, nahu eded̄u dou ma loa poda tu'u uma, nahu wa'ura tohoku dasa d̄i ru'u b̄a uma ede, ro dou makalai matu'u uma ese wawo dasa ede. Sanikina dou pab̄uaku tio kab̄aena b̄uneku sia tu'una uma ese wawo dasa ede. 11 B̄a one ndai Allah Ta'ala wa'ura tohona sab̄ua dasa mpa eded̄u Isa Al Masih d̄i ru'u b̄a uma ede; wati wara dasa ma kalaina. 12 Wara ma tu'u ese wawo dasa ede kai masa, salaka, wadu mata, haju, mpori mango atao rapa. 13 Au ra karawi b̄a sanikina dou d̄imatada wakatu Al Masih mai mbalina. B̄a one ainaina ede afi d̄imakatadana hasi au ra karawi b̄a cua-cua dou. Afi d̄ima'ugi ro makatantuna taho ro ihana hasi ra karawina ede. 14 Nggara uma ra tu'u b̄a dou ese wawo dasa ede watisi ngga'a b̄a afi, dou ede d̄imatarima hadiana. 15 Pala nangga'asi au ra karawi b̄a dou ede, sia d̄imarugi; ndai sia d̄imasalama, pala b̄une dou ma losa d̄i ade afi.
16 Sab̄ua wati b̄ade b̄a nggomid̄oho b̄a one nggomid̄oho eded̄u Bait Allah? Ro b̄a one Roh Allah mangge'e d̄ei ade nggomid̄oho? 17 Nggara nawarasi dou ma ka'iha Bait Allah, Allah Ta'ala rau d̄imaka'ihana dou ede. B̄a one Bait Allah eded̄u d̄i ru'u b̄a Allah Ta'ala mpa, ro nggomi^dohoku Bait Allah ede.
18 Aina wara kone sab̄ua dou rau matipu weki ndaina. Nggara nawarasi dou d̄i ade weki nggomid̄oho ma'iu wekina loa timba ro lemba b̄atu ukuran dunia ake, dou ede pab̄uaku ndad̄ina sampula, loakud̄u sia ndad̄i poda-poda naloa timba ro lemba. 19 B̄a one au ra wi'ikai b̄a dunia loa timba ro lemba eded̄u sampula d̄i ntanda b̄a Allah Ta'ala. Ade Kitab Suci wara ratunti, <<Allah Ta'ala mawa'u ro leto dou-dou maloa timba ro lemba ade loa ro b̄ade ndai siad̄oho.>> 20 Wara ratunti ndake rau, <<Ruma nab̄adeku b̄a one fiki ro kananu dou-dou maloa timba ro lemba eded̄u fiki ro kananu ma wati wara onena.>> 21 B̄ara ndedena, aina wara kone sab̄ua dou rau maroi ro ma ka'ese-ese manusia, b̄ara samenana wa'ura mbei ndad̄i ntau nggomi^doho: 22 la Paulus, Apolos, la Petrus, dunia ake, mori ro woko ro made, jaman ake atao jaman ma kento, samenana eded̄u ntaumu. 23 Ro nggomid̄oho eded̄u ntau Al Masih, ro Al Masih eded̄u ntau Allah Ta'ala.