Haba mab̄oha made Al Masih d̄isalib
2:1-5
2
Cina ro angi! Aipu nahu maiku d̄i nggomid̄oho ro ngoa ro kahabaku d̄i nggomid̄oho mab̄oha nia Allah Ta'ala ma watipu rab̄adeb̄a dunia,b nahu wati kaniku timba ro lemba dunia ake atao kantika-ntikaku nuntu. 2 B̄ara nahu wa'ura nia poda b̄a adeku b̄a one santoi nahu wara sama-samaku lab̄o nggomid̄oho, nahu wati ^dimangoa au-au, selasi mab̄oha Isa Al Masih eded̄u ma wa'ura made d̄isalib. 3 Wakatu nahu waraku d̄i woha nggomid̄oho, sarumbu nahu nawancuku rome ro ^bi^bi b̄ara dahu. 4 Haba ra karongga b̄a nahu d̄i nggomid̄oho wati rakarongga b̄a nahu kai nggahi ro eli ma loa weha ade dou b̄atu timba ro lemba manusia, malaisi nahu karonggaku ede wara bukutina b̄a one Roh Allah mantau kuasa. 5 Nahu karawi ndedekaiku, loakud̄u imbi nggomid̄oho d̄i Al Masih wati kai dasa timba ro lemba manusia, malaisi kai dasa kuasa Allah Ta'ala.Timba ro lemba Allah Ta'ala
2:6-16
6 Kone ade ndedekaina, d̄i ade weki dou-dou ma wa'ura tenggo poda imbina, nahu manuntu mab̄oha timba ro lemba. Pala timba ro lemba ake laina timba ro lemba dunia, atao timba ro lemba dou-dou ma kuasa jaman ake, kuasakaina ede d̄imambora. 7 Timba ro lemba ra ngoa ro kahaba b̄a nahu ede eded̄u timba ro lemba ra d̄i Allah Ta'ala. Timba ro lemba ede wati b̄ade b̄a dunia, pala Allah Ta'ala wa'ura sadiana d̄ikad̄ese ro kantasakaina ndaita sawatipu rakandad̄i dunia ake. 8 Wati wara kone sab̄ua dou rau d̄i ade weki dou-dou mantau kuasa d̄i jaman ake ma b̄ade mab̄oha timba ro lemba ede. B̄a one nggara nawa'usi rab̄adeb̄a siad̄oho, tantu siad̄oho wati d̄imasalib Ruma ma wancu d̄ese ro ntasa ede. 9 Pala mab̄oha lampa rawi ede eded̄u b̄une ra tunti ade Kitab Suci,
<<Au ra wati parana eda ro ringa b̄a manusia,
ro wati parana wontu rauna d̄i ade fiki ro kananu manusia,
edeku d̄i sadia wea b̄a Allah Ta'ala
d̄i ru'u b̄a dou-dou ma meci ro ca'u Sia.>>
10 Palac Allah Ta'ala wa'ura katadana d̄i ndaita kai ncai Roh-Na. Roh Allah ede natio kab̄aeku samenana au-au, saraka au ra niakai b̄a Allah Ta'ala kone ma ipi cili weki rau. 11 B̄a one ma b̄ade isi ade sab̄ua dou eded̄u roh ndai dou ede. Ndede rau mab̄oha Allah Ta'ala. Ma b̄ade isi ade Allah Ta'ala eded̄u Roh ndai Allah Ta'ala! 12 Ro ndai wati rambei roh dunia ake, malaisi Roh ra d̄i Allah Ta'ala, loakud̄u b̄ade b̄a ndai sara'a au ra mbei b̄a Allah Ta'ala d̄i ru'u b̄a ndaita.
13 B̄ara ndedena, nggara ngoa kab̄aesi b̄a nami mab̄oha Allah Ta'ala d̄i dou-dou ma ntau Roh Allah,d nami wati ngoamu kai b̄atu timba ro lemba manusia, malaisi kai b̄atu b̄une ra ngoa ro tei b̄a Roh Allah. 14 Dou ma wati ntau Roh Allah, wati loana tarima au ra katada b̄a Roh ede. B̄a one d̄i ru'u b̄a dou ede lampa rawi-lampa rawi b̄une ede nuntu cowa mpa. Dou ede wati loana ka'ao, b̄a one lampa rawi-lampa rawi ede loa d̄ika'ao kai ade maraso. 15 Dou ma ntau Roh Allah naloa b̄ade samenana au-au, pala wati wara kone sab̄ua dou rau maloana ka'ao sia. 16 Ade Kitab Suci wara ratunti;
<<Couku ma b̄ade fiki ro kananu Ruma?
Ro couku maloa ngoa ro tei kataho Sia?>>
Ndai ake tantau fiki ro kananu ma sama lab̄o Al Masih!