Aina kancaramu cina ro angimu
14:1-12
14
Weha aopu dou ma watipu tenggo imbina. Ro aina cence ncihimu lab̄o dou ede mab̄oha fiki ro kananuna. 2 Wara dou ma ne'e b̄a ndaina b̄a one sia naloa ngaha sara'a au-au, pala dou ma kura imbi nangaha utambeca mpoa mpa. 3 Dou ma ngaha hi'i, aina kab̄awa ro katunana dou ma ngaha utambeca mpoa, ro dou ma ngaha utambeca mpoa, ai rauna kancara dou ma ngaha hi'i, b̄a one dou ede wa'ura tarima b̄a Allah Ta'ala. 4 Cousi nggomid̄oho, ndad̄ina nggomid̄oho pa^buamu paresa ncihi ro ncara ada dou makalai? Nataho ada dou ede tu'u ro mbo'ona, ede mantau urusan eded̄u rumana. Pala sia ^dimangge'e mpa ki^dina, b̄ara Ruma ma ntau kuasa jaga dou ede.5 Wara dou ma iu weki b̄a one sab̄ua ainaina nancewi penti ntewikaisi lab̄o ainaina-ainaina ma kalai, dou makalai rau manggahi b̄a one sara'a ainaina ede sama mpa. Co'opu cua-cua ndaina dou ede katantuna au ra imbi b̄a ndaina. 6 Dou ma kapenti d̄i sab̄ua ainaina, dou ede nakarawiku d̄i ru'u b̄a Ruma. Ro dou-dou ma ngaha sara'a au-au, dou-dou ede nakarawiku d̄i ru'u b̄a Ruma ro narentaku syuku d̄i Allah Ta'ala ndede rau dou-dou ma ngaha b̄e ra katantu b̄a ndaina, sia nakarawiku d̄i ru'u b̄a Ruma, ro sia rau narentaku syuku d̄i Allah Ta'ala. 7 Wati wara kone sab̄ua dou rau d̄i weki ndai ake ma mori d̄i ru'u b̄a weki ndai kesena; ro wati kone sab̄ua dou rau d̄i weki ndai ma made d̄i ru'u b̄a ndai kesena. 8 Nggara ndai tamorisi, ndai tamori d̄i ru'u b̄a Ruma. Ro nggara ndai tamadesi, ndai rau tamade d̄i ru'u b̄a Ruma. Ndad̄i nataho mori atao made, ndai eded̄u ntau Ruma. 9 Al Masih wa'ura made ro mori mbali. B̄ara ndedena Sia ndad̄ikaina Ruma d̄i ru'u b̄a dou-dou ma mori, ro d̄i ru'u b̄a dou-dou ma wa'ura made rau. 10 Ndad̄i, cina ro angi! ^Ba^bauku nggomid̄oho kancarakaimu cina ro angimu ma sama imbi lab̄o nggomid̄oho? Ro b̄ab̄auku nggomid̄oho kab̄awa ro katunakaimu cina ro angimu? Ndai sara'ana ^dimasatando angi lab̄o Allah Ta'ala mataki paresa ncihi ro ncara ndaita. 11 D̄i ade Kitab Suci wara ratunti,
<<Sapodakaina>> nggahi Ruma,
<<Sanikina dou ^dimasuju ro nemba d̄i tando Nahu;
ro sanikina dou ^dimamangaku b̄a one Nahuku Allah Ta'ala.>>
12 Ndad̄i, ndai pab̄uaku cua-cua su'u ro tundu sara'a ruku ro rawi ndai d̄i Allah Ta'ala.
Aina kasantudamu cina ro angimu
14:13-23
13 B̄ara ndedena ndai aina cua kancara angi wali. Pala usahapu loakud̄u nggomid̄oho wati karawimu au-au ma kandad̄ina cina ro angimu masama-sama imbi b̄oha b̄a coba'an ro ndad̄i dosa. 14 B̄ara nahu masab̄ua lab̄o Ruma Isa, ndad̄i nahu ka'imbi poda b̄a one wati wara kone au-au rau ra aipu saramba wa'una najis; pala lampa rawi ede nanajis d̄i ru'u b̄a sab̄ua dou, nggara dou ede nawi'ikaisi najis. 15 B̄a one nggara nggomid̄oho ma kapilisi ade cinamu b̄ara ngaha ro nonomu, ndad̄i nggomid̄oho wati mori b̄atu walimu kai dasa meci ro ca'u. Nggomid̄oho aina kalelimu cina ro angimu b̄ara ngaha ro nonomu, b̄a one Al Masih wa'ura made d̄i ru'u b̄a sia. 16 Au ma taho ra wi'ikai b̄a nggomid̄oho, pala wi'ikai b̄a dou ma kalai wati tahona. 17 B̄ara Karaja'an Allah laina mab̄oha ngaha ro nono, pala mab̄oha lampa rawi mancihi ro mapoda, taho ro ntai ro neo ade b̄ara Roh Allah. 18 B̄a one cou-cou ma karawi wea d̄i ru'u b̄a Al Masih kai cara b̄une ede, dou ede naca'uku b̄a Allah Ta'ala ro ^dihoroma b̄a manusia.
19 B̄ara ndedena mai ndai tampouku d̄i ru'u ^baq au ^dimaikai b̄a taho ro ntai ro ma wara onena d̄i cua-cua kawarakai angi. 20 Aina, b̄ara masa'ala ngaha ro nono, nggomid̄oho ka'ihamu au ra wa'u karawi b̄a Allah Ta'ala. Samenana ngaha ro nono poda halal ^dingaha; pala nggara au ra ngaha b̄a nggomid̄oho makamaikai dosa dou makalai, ndad̄i nggomid̄oho ma ncara. 21 Nancewi tahopu aina ngaha hi'i atao nono anggo atao karawi au-au nggara lampa rawi ede nakamaisi cina ro angi masama-sama imbi ndad̄i dosa. 22 Co'opu au ra imbi b̄a nggomid̄oho ede, nggomid̄oho ma karawina d̄i tando Allah Ta'ala mpoa mpa d̄i ru'u b̄a ndai nggomid̄oho.Pala dou ma wati ntau alasan ^di'iukaina ncara d̄i au ra wi'ikaina ncihi, dou ede sana poda adena. 23 Pala dou ma iu ncara ncua ade b̄ara ngahana au-au, sawa'u b̄a ede ngaha rauna ngaha ro nono ede, dou ede nakancaraku b̄a Allah Ta'ala; b̄ara dou ede wati karawina b̄une ra'imbikai b̄a ade ndaina mab̄oha au ma ncihi ro au ma ncara. Ro au-au ra karawi b̄a dou kai wati imbina eded̄u dosa.