Pab̄uapu to'a d̄i pamarenta
13:1-7
13
Sanikina dou pab̄uaku to'ana d̄i pamarenta, b̄a one wati wara pamarenta ma wati rakuasakai b̄a Allah Ta'ala. Ro pamarenta ma wara ake, kalampana kuasa kai parenta ma ramai ra d̄i Allah Ta'ala. 2 B̄ara ndedena dou ma wati b̄atu nggahi pamarenta sama mpa lab̄o wati b̄atuna au ra katantukai b̄a Allah Ta'ala. Ro dou ma karawi ndede d̄imatarima hukuman. 3 B̄a one dou ma karawi mataho aina dahu d̄i pamarenta. Dou ma karawi madab̄ae mpa ma pab̄ua dahu d̄i pamarenta. Nggara nggomid̄oho mane'esi wati iu dahu d̄i pamarenta, nggomid̄oho pab̄uapu kalampamu rawi ma taho, ndad̄i nggomid̄oho ^diroi. 4 B̄a one pamarenta ede eded̄u ada Allah Ta'ala ma karawi d̄itahokai nggomid̄oho.Pala nggara nggomid̄oho makarawisi madab̄ae, ncihi romo nggomid̄oho pab̄uapu dahu d̄i pamarenta ede, b̄ara wati lao ncauna pamarenta ntauna kuasa ^dimahukumna dou. Pamarenta ede eded̄u ada Allah Ta'ala mab̄ab̄ukaina hukuman Allah d̄i dou-dou ma karawi mada^bae. 5 B̄ara ndedena nggomid̄oho pab̄uapu to'a d̄i pamarenta -- lai mpoana b̄ara nggomid̄oho wati ne'emu ^dihukum, pala b̄ara eli ade mpida raumu.6 B̄ara ndede rauku alasana b̄ab̄auku nggomid̄oho colakaimu bea, b̄ara pamarenta eded̄u pagawe Allah Ta'ala makalampana taki ma ipi penti ake. 7 Ndad̄i colapu d̄i pamarenta au ma pab̄ua ^dicola d̄i pamarenta. Colapu bea, nggara nggomid̄oho mapab̄uasi cola bea; ro colapu kalasi nggara nggomid̄oho mapab̄uasi cola kalasi. Kaco'ipu siad̄oho ma pab̄ua ^dikaco'i ro lia ro horomapu siad̄oho ma pab̄ua ^dilia ro horoma.
^Dipab̄ua karawi b̄a sasama ndaita
13:8-14
8 Aina nconggomu au-au d̄i cou-cou rau, selasi nconggo meci ro ca'u d̄i sab̄ua lab̄o ma kalaina. B̄a one dou ma meci ro ca'u d̄i sasamana manusia, aona wa'ura kalampa sara'ana hukum Taurat. 9 B̄a one ade hukum Taurat, wara ratunti: Aina jina, aina hade dou, aina mpanga, aina ne'emu kantau au ra ntau dou makalai; sara'ana ede masama-sama lab̄o hukum-hukum ma kalai, wa'ura kandad̄i sab̄ua hukum mpa, eded̄u, <<Meci ro ca'upu sasamamu manusia b̄une nggomid̄oho meci ro ca'umu weki ndaimu.>> 10 Dou ma meci ro ca'u dou makalai, wati d̄imakarawi madab̄ae d̄i dou ede. Ndad̄i dou ma meci ro ca'u sasamana manusia eded̄u dou ma wa'ura kalampa samenana au ra kaukai b̄a hukum Taurat.
11 Ari mai b̄a sara'ana ede nggomid̄oho mab̄adeku b̄a one wakatu ake eded̄u wakatu d̄i ru'u b̄a nggomid̄oho ^bola ra d̄i marukaimu. B̄a one ake wakatu ^dikasalamakai nawa'ura ipi ^deni d̄i ru'u b̄a ndai ntewikaisi lab̄o aipu wakatu ndai tampu'u imbita. 12 Aimanga^di ne'empara kalalo; ro samporo wali na^balara ai. B̄ara ndedena ndai tatu'u wi'ira ruku ro rawi-ruku ro rawi ma rindi ro takaniku ^daha ro ^dano taroa. 13 Ndai pab̄uaku karawi mataho b̄une ranginakai kalampa b̄a dou wakatu aimarai; aina ngaha ndiha makalalo hampa, atao nono ^dimawukai. Aina karawi masampu ro nggele, atao ruku ro rawi ma kalalo hampa, aina ncao atao hiana ade. 14 Co'opu Isa Al Masih, Ruma ndai ma katantuna auku d̄i pab̄ua karawi b̄a nggomid̄oho.Ro aina ^batumu tabe'a manusia ma dosa d̄ikancihikaina hawa nawasuna.