Mori d̄i ru'u b̄a Allah Ta'ala
12:1-21
12
Cina ro angi! Allah Ta'ala nawancuku tahona d̄i ndaita. B̄ara ndedena, nahu ma raho poda-poda loakud̄u nggomid̄oho d̄onggo ro mbeipu wekimu kai koroba ma mori d̄i ru'u b̄a Allah Ta'ala mpoa mpa ro ^dimakasana wea ade-Na. Edeku sambea ro ibadamu ma sapodakaina. 2 Nggomid̄oho aina ndad̄i sama b̄une dunia ake, pala rungkapu tabe'amu kai ruku ro rawimu ma b̄ou, ndad̄ina nggomid̄oho maloaku pata cengga ma^beku ra kane'ekai b̄a Allah Ta'ala: au ma taho, ro ma kasana wea ade Allah Ta'ala ro ma mpuruna.3 Allah Ta'ala wa'ura mbeina bareka d̄i ru'u b̄a nahu. B̄ara ndedena nahu ngoa ro tei katahoku nggomid̄oho sara'ana: Aina iu wekimu ncewi ese ra d̄i ma sapodakaina. Pab̄uapu nggomid̄oho paresamu mori ro wokomu kai ka'awa weki; cua-cua dodo ro tio wekina kai tenggo ro wale rambei b̄a Allah Ta'ala d̄i ndai sia b̄ara imbina d̄i Al Masih. 4 Sarumbu ndai nantau mboto anggota. Sanikina anggota wara cua-cua taki ndaina. 5 Ndede rauku lab̄o ndai. Konena ndai mboto anggota, pala ndai eded̄u sab̄ua sarumbu b̄ara ndai sab̄ua lab̄o Al Masih. Ro ndai tacua-cua ntau hubungan sab̄ua lab̄o ma kalaina kai anggota-anggota d̄i sab̄ua sarumbu. 6 Ndai cua-cua ntau loa ro b̄ade ra mbei b̄a Ruma ma wati sama d̄ikarawikai d̄i ru'u Ruma. Sara'a loa ro b̄ade ede rambei b̄a Allah Ta'ala d̄i ru'u b̄a ndai kai rahmat-Na. B̄ara ndedena ndai pab̄uaku kani sara'a loa ro b̄ade ra mbei b̄a Ruma ede. Dou ma ntau loa ro b̄ade d̄ingoa ro kahabakaina haba ra d̄i Allah Ta'ala, pab̄uaku ngoa ro kahabana haba ra d̄i Allah Ta'ala ede b̄atu au ra loa ma wara d̄i weki ndaina. 7 Dou ma ntau loa ro b̄ade ^dibantukaina dou makalai, pab̄uaku poda-poda bantuna dou makalai. Dou ma ntau loa ro b̄ade ^diteikaina dou makalai, pab̄uaku poda-poda teina. 8 Dou ma ntau loa ro b̄ade ^dikatenggokaina ade dou makalai, pab̄uaku poda-poda katenggona d̄i ru'u b̄a dou makalai. Dou ma ntau loa ro b̄ade ^diloakaina mbei au-au ra ntauna d̄i ru'u b̄a dou makalai, pab̄uaku karawina ede kai ncera ro mbura adena. Dou ma ntau loa ro b̄ade d̄imandad̄i dou mana'ekaina, pab̄uaku poda-poda ndad̄i dou mana'ekaina. Dou ma ntau loa ro b̄ade ^dikasikaina ade d̄i dou makalai, pab̄uaku karawina kai sana adena.
9 Meci ro ca'upu kai ademu maraso. Ka^do'opu wekimu ra d̄i lampa rawi ma dab̄ae ro karawipu ma taho. 10 Pab̄uapu cina ro angi cua meci angi d̄i sab̄ua lab̄o ma kalaina ro cua-cua ka'ulu weki ade lia ro horoma angi. 11 Cahapu karawi, aina ^daju. Karawi kapodapu ademu d̄i ru'u b̄a Ruma. 12 Pab̄uapu nggomid̄oho rahomu d̄i Ruma kai neo ademu, lembo ademu d̄i ade susa ro ncoki ro do'a ncaupu. 13 Bantu kancihipu au ra paralu b̄a cinamu ma sama imbi ma kalaina ro weha aopu cina ro angimu ma sama imbi lab̄o nggomid̄oho kone wati pata b̄a nggomid̄oho, tarima aopu siad̄oho d̄i umamu kai sana ade.
14 Rahopu d̄i Allah Ta'ala loakud̄u Sia barekana dou-dou ma toku ro kasa d̄i nggomid̄oho.Ro rahopu d̄i Allah Ta'ala loakud̄u barekana siad̄oho ro aina pamaomu ma iha d̄i ru'u b̄a siad̄oho. 15 Ka^dihipu ademu lab̄o dou-dou ma kad̄ihi ade ro nangipu lab̄o dou ma nangi. 16 Mori taho-tahopu sab̄ua lab̄o ma kalaina. Aina sombo, pala kancihi ncaopu wekimu lab̄o dou-dou ma awa ru'una.p Aina wi'i wekimu ncewi loa ra d̄i ma sapodakaina.
17 Nggara dou nakarawisi madab̄ae d̄i nggomid̄oho, aina cola cepemu kai rawi ma da^bae. Karawipu au ma taho d̄i ru'u b̄a samenana dou. 18 Usahapu sawa'u-wa'umu mori taho lab̄o samenana dou. 19 Cina ro angiku! Aina sakali-kali cola cepemu kai rawi ma dab̄ae, co'opu Allah Ta'ala mpa ma hukumna. B̄a one d̄i ade Kitab Suci wara ratunti ndake, <<Nahuku ma cola cepena, Nahu ^dimahukumna, nggahi Ruma.>> 20 Pala nahi^dosi musumu, mbeipu ngaha; ro namangosi wo'ona, mbeipu oi nono. B̄a one kai karawimu b̄une ede, nggomid̄oho makamajaku sia. 21 Nggomid̄oho aina kakoa kai b̄a rawi dab̄ae, pala pab̄uapu nggomid̄oho kakoamu rawi ma dab̄ae kai rawi ma taho.