Tahona Allah Ta'ala d̄i bangsa Israel
11:1-12
11
Nahu so^diku: Sab̄ua Allah Ta'ala nawa'ura tu'u wi'i ela ndai-Na? Tantu wati! Ndai nahu dou Israel londo ro mai la Ibrahim ro nahu suku Benyamin. 2 Allah Ta'ala wati tula aona ela-Na ra wa'u ka^dale-Na ra aipu saramba wa'una. Cina ro angi mab̄adeku au ra wa'u tunti ade Kitab Suci mab̄oha la Elia, wakatu sia da'awana masa'ala Israel d̄i Allah Ta'ala. La Elia nggahina, 3 <<Ruma, dou-dou nawa'ura hade nabi-nabi Ita ro kalelina hid̄i-hid̄i ^di^donggo ro mbeikai koroba d̄i ru'u b̄a Ita. D̄i mada kese mpa ro siad̄oho nane'eku hade mada.>> 4 Au ra cambe b̄a Allah Ta'ala d̄i la Elia? Cambe b̄a Allah Ta'ala, <<Nahu wi'i kalaiku 7.000 dou d̄i ru'u b̄a ndai Nahu. Siad̄oho wati paranana nemba Dewa Ba'al.>> 5 Ndede rau wakatu ake: Wara sato'i dou-dou ra wa'u kad̄ale b̄a Allah Ta'ala b̄ara rahmat Allah. 6 Sia kad̄alena siad̄oho kai dasa rahmat-Na ro laina b̄ara dasa ruku ro rawi siad̄oho.B̄ara Allah Ta'ala nggara naka^dalesi kai dasa ruku ro rawi manusia, ndad̄i rahmat Allah lai walina rahmat masapodakaina.7 Ndad̄i, ^buneku? Dou Israel wati rakana au ra ngupa b̄a siad̄oho, pala dou-dou ra kad̄ale b̄a Allah wa'ura rakana. Ro dou-dou ma kalai wa'ura tera tutana. 8 B̄a one d̄i ade Kitab Suci wara ratunti, <<Allah Ta'ala kandad̄ina fiki ro kananu siad̄oho ndad̄i sampula; ro sampe ainaina ake mada siad̄oho wati loana eda ro fiko siad̄oho wati loana ringa.>> 9 La Daud manggahi rau,
<<Co'opu ngaha ro nono ndiha siad̄oho mandad̄i sarente d̄i ru'u b̄a ndai siad̄oho,
ro mandad̄i kancoa hid̄i mab̄u ro lelikai sia^doho!
10 Co'opu ntanda siad̄oho ndad̄i rindi loakud̄u siad̄oho wati loana eda;
ro co'opu siad̄oho ndad̄i mbuku santoi-ntoina.>>
11 Nahu sod̄i waliku: Wakatu dou Yahudi ma^buna, sab̄ua ndad̄i ndedekaina loakud̄u siad̄oho lelina? Sakali-kali wati! Pala b̄ara siad̄oho dosana, ndad̄i bangsa makalai ^dikasalama, ndad̄ina nakamaiku dou Yahudi hiana ade d̄i bangsa makalai ede. 12 B̄a one bangsa Yahudi mancara ro wati b̄atuna au ra kane'ekai b̄a Allah Ta'ala, ndad̄i bangsa-bangsa makalai bareka b̄a Allah Ta'ala. Au walipu nggara hubungan bangsa Yahudi lab̄o Allah Ta'ala ndad̄i taho mbali; tantu nancewi na'e wali bareka d̄imbei b̄a Allah Ta'ala!
Bangsa-bangsa ma kalaina ma laina Yahudi rakana salama
11:13-24
13 Pala ake nahu manggahi d̄i nggomid̄oho, oe bangsa-bangsa ma laina Yahudi. B̄a one nahu kai rasulkaiku d̄i ru'u b̄a bangsa-bangsa ma laina Yahudi, wi'ikai b̄a nahu ipi ntau co'i. 14 D̄i ne'e poda b̄a nahu loakud̄u nahu makamaina hiana ade d̄i bangsa ndai nahu, loakud̄u kai ncai ede, nahu kaloa kasalama sarundena d̄i ade weki siad̄oho. 15 B̄ara siad̄oho tula ao b̄a Allah Ta'ala, ndad̄i hubungan dunia lab̄o Allah Ta'ala ndad̄i taho mbali; au walipu nggara siad̄oho natarimasi b̄a Allah Ta'ala! Tantu ede sama mpa b̄une dou ma made ma mori mbali!
16 Nggara sato^be roti ma sarambakaina wa'ura mbei d̄i ru'u b̄a Allah Ta'ala, ede aona sara'a roti mbei d̄i ru'u b̄a Allah Ta'ala rau. Ro nggara amu haju ede eded̄u ntau Allah Ta'ala, ndad̄i sanga-sangana ntau Sia rau. 17 Sarundena d̄i sanga-sanga haju zaitun -- eded̄u dou-dou Yahudi -- wa'ura caca paki. Ro hid̄i racacakai ede tempe kai sanga haju zaitun talu, eded̄u nggomid̄oho ma laina Yahudi. Nggomid̄oho ^ditempe ta ede loakud̄u nggomid̄oho iumu samenana ma taho d̄i mori ro woko rohani dou-dou Yahudi. 18 B̄ara ndedena nggomid̄oho aina wi'ikaimu mod̄ana d̄i siad̄oho ra wa'u caca b̄une sanga haju ede. Nggomid̄oho pab̄uapu kawaramu b̄ara nggomid̄oho sanga mpoana. Ro laina sangana ma mbei ngaha d̄i amuna, malaisi amuna ma mbei ngaha d̄i sangana.
19 Pala nggomid̄oho ^dimanggahi, <<Io, pala sanga-sangana ede ^didompo loakud̄u nahu loa tempe d̄i fu'una!>> 20 Ede ncihi romo. Pala siad̄oho ^dipaki b̄ara siad̄oho wati imbina, sapodakaina nggomid̄oho ratarima b̄ara nggomid̄oho imbimu. Ndad̄i, nggomid̄oho aina ndad̄i sombo b̄ara ede; pala nggomid̄oho pab̄uapu iumu dahu. 21 B̄a one nggara Allah Ta'ala watisi kancajana paki dou Yahudi ma b̄une sanga-sanga asalina ede, aina kacaimu Sia ^dimakancajana paki nggomi^doho! 22 Ndad̄i, ta ake ndai ta'edaku ndedeku tahona Allah Ta'ala ro ndede rauku tokuna Sia. Sia nawancuku tokuna d̄i siad̄oho ma karawi dosa, pala Sia nataho ade d̄i nggomid̄oho -- sura nggomid̄oho ngge'e mpa morimu ra d̄i tahona Allah Ta'ala. Nggara watisi, ndad̄i nggomid̄oho rau ^dipaki. 23 Ro mab̄oha dou-dou Yahudi ede, nggara siad̄oho na'imbi mbalisi d̄i Ruma, ndad̄i siad̄oho ^ditarima mbali; b̄ara Allah Ta'ala Mantau Kuasa d̄imatarima mbali siad̄oho. 24 Nggomi ma laina bangsa Yahudi eded̄u b̄une sanga haju zaitun talu. Io romo nggara nggomid̄oho watisi ncihi ncaomu lab̄o tabe'a ndaimu, loa ^ditempe kai fu'u zaitun ma asali, au walipu dou-dou Yahudi ra conto ro ibara kai sanga-sanga zaitun ma asali ede. Tantu nancewi mod̄a wali d̄i ru'u b̄a Allah Ta'ala ^dimakambalina siad̄oho d̄i fu'u zaitun ndai siad̄oho.
Allah Ta'ala kasi ade-Na d̄i sara'a manusia
11:25-36
25 Cina ro angi! D̄i ne'e b̄a nahu, nggomid̄oho aina iu weki wa'ura b̄ade sara'amu. B̄a one wara sab̄ua lampa rawi d̄i ne'e b̄a Allah Ta'ala, pala watipu wara dou ma ^badena. Ro d̄i ne'e b̄a nahu nggomid̄oho ^dimab̄adena ake eded̄u: Sarunde weki d̄i dou Yahudi natera adena, pala ruku ro rawi siad̄oho ede d̄imandad̄i sampe mbotona dou-dou laina Yahudi ma mai d̄i Allah Ta'ala nawa'ura ncihi. 26 Ndedeku sara'a dou Yahudi ^dimasalama. B̄a one d̄i ade Kitab Suci wara ratunti ndake,
<<Sangaji Makasalama d̄imamai ra d̄i Sion;
Sia ^dimafura samenana rawi dab̄ae ra d̄i londo ro mai la Yakub.
27 Nahu ^dimanenti au ra sake ake lab̄o siad̄oho,
wakatu Nahu kangampu weaku dosa-dosa siad̄oho.>>
28 B̄a one dou Yahudi wati ne'ena tarima Injil ma ramai ra d̄i Allah Ta'ala, ndad̄i siad̄oho ndad̄i musu Allah Ta'ala; ro ede aona nggomid̄oho ma laina Yahudi malabaku. Pala b̄ara rakad̄ale b̄a Allah Ta'ala, ndad̄i dou-dou Yahudi ede ngge'e mpa meci ro ca'u b̄a Allah Ta'ala b̄ara wa'i ro waro siad̄oho. 29 B̄a one nggara Allah Ta'ala naka^dalesi ro barekana dou ede, Allah Ta'ala wati parana hinti mbalina au ra wa'u karawi-Na. 30 Ntoina nggomid̄oho wati to'amu d̄i Allah Ta'ala. Pala ake Allah Ta'ala wa'ura nggahina b̄a one nggomid̄oho watid̄u wara ncaramu, b̄ara dou-dou Yahudi wati to'ana. 31 Ndede rau lab̄o dou-dou Yahudi ede. Ake siad̄oho wati to'ana d̄i Allah Ta'ala, loakud̄u nggomid̄oho watid̄u wara ncaramu. Pala peasi siad̄oho rauo watid̄u wara ncarana. 32 B̄a one Allah Ta'ala wa'ura co'ona samenana manusia ^dikuasakai b̄a rawi ma wati to'a, loakud̄u Sia katadana kasi ade-Na d̄i ru'u b̄a siad̄oho sara'ana.
33 Nawancuku hebana ntau ro wara Allah Ta'ala! Nawancuku na'ena hikima ro loa timba ro lemba-Na! Couku maloana paresa au ra wa'u katantu b̄a Allah Ta'ala? Couku ^dimaloana ka'ao cara-cara karawi-Na? 34 Ade Kitab Suci wara ratunti ndake,
<<Couku ma loana ka'ao fiki ro kananu Ruma?
Couku ma loana ngoa ro tei Sia?
35 Cou ma wa'ura mbei au-au d̄i Ruma
ndad̄i loakaina raho cola cepe d̄i Sia?>>
36 Allah Ta'ala ma rakandad̄ina samenana ma wara. Sara'ana ramaina ra d̄i Allah Ta'ala ro ede d̄i ru'u b̄a Allah Ta'ala. ^Dese ro ntasara Allah Ta'ala d̄i ru'u santoi-ntoina! Amin.