10
Cina ro angi! Nawancu ne'e poda b̄a adeku loakud̄u bangsa nahu ^dikasalama. Ro nahu kado'a poda-poda d̄i Allah Ta'ala d̄i ru'u b̄a siad̄oho. 2 Nahu kadisa nggahi b̄a one siad̄oho ma kapoda ade karawi d̄i ru'u b̄a Allah Ta'ala. Pala kapoda ade siad̄oho ede wati kai dasa loa ro b̄ade ma ramai ra d̄i Allah Ta'ala. 3 Siad̄oho wati b̄adena b̄uneku Allah Ta'ala kandad̄ina hubungan manusia lab̄o Sia ndad̄i taho mbali. Ro b̄ara siad̄oho nane'eku b̄atu b̄e rane'e b̄a ndai siad̄oho, ndad̄i siad̄oho wati b̄atuna b̄une ra tei b̄a Allah Ta'ala. 4 Hukum Taurat wa'ura kanggori b̄a Al Masih. Ndad̄i, sanikina dou ma imbi d̄i Al Masih, hubungana lab̄o Allah Ta'ala ndad̄i taho mbali.Salamakai eded̄u ra mbei b̄a Allah Ta'ala d̄i ru'u b̄a samenana dou
10:5-21
5 La Musa tuntina b̄a one dou loa taho mbali lab̄o Allah Ta'ala kai dasa hukum Taurat, dou ede ^dimamori b̄ara to'ana d̄i hukum Taurat ede. 6 Pala mab̄oha cara dou taho mbali lab̄o Allah Ta'ala kai dasa imbi d̄i Allah Ta'ala, d̄i ade Kitab Suci wara ratunti ndake, <<Nggomi aina nggahi d̄ei ademu, <Couku ^dimane'e ese saroga?> Aona d̄imawa'a kalondo Al Masih, 7 atao, <Couku ^dimalondo aka dunia dou mamade?> Aona mahanta kane'e Al Masih ra d̄i madekaina.>> 8 Aona eded̄u ndake, <<Haba ma ramai ra d̄i Allah Ta'ala ede ^deni poda lab̄o nggomi^doho; d̄i asamu ro d̄ei ademu.>> Edeku haba rangoa ro kahaba b̄a nami; b̄a one dou pab̄uaku imbina. 9 B̄a one nggara nggomid̄oho mamangakusi kai asamu b̄a one <<Isa eded̄u Ruma>> ro nggomid̄oho ma'imbiku d̄ei ademu b̄a one Allah Ta'ala nawa'ura kamori mbali Isa ra d̄i madekaina, ndad̄i nggomid̄oho ^dimasalama. 10 B̄ara kai adena, dou na'imbiku, ndad̄ina Allah Ta'ala tarimana sia kai dou mataho mbali lab̄o Allah Ta'ala. Ro kai asana dou mangakuna, ndad̄ina sia ^dikasalama. 11 D̄i ade Kitab Suci wara ratunti, <<Dou ma imbi wati ^dikato'i wea adena.>> 12 Ede nab̄oha d̄i ru'u b̄a samenana dou, b̄ara wati wara cua laina d̄i ade weki dou Yahudi lab̄o dou-dou bangsa makalai. Allah Ta'ala ma sab̄ua ede mpa eded̄u Ruma d̄i ru'u b̄a samenana dou. Sia nambeiku bareka ma mboto poda d̄i samenana dou ma raho bantu d̄i Sia. 13 Ade Kitab Suci wara ratunti, <<Cou-cou ma ou Ruma, ^dimasalama.>>
14 Pala b̄uneku loana dou ou Ruma nggara siad̄oho watipusi imbina? Ro b̄uneku siad̄oho loakaina imbi d̄i Ruma nggara siad̄oho watipusi ringana mab̄oha Sia? Ro b̄uneku siad̄oho loana ringa mab̄oha Ruma, nggara watisi wara dou mangoa ro makahabana? 15 Ro b̄uneku dou loana wa'a haba ede nggara siad̄oho watipusi rakau? D̄i ade Kitab Suci wara ratunti ndake, <<Nawancuku ntikana nggara dou namai wa'asi haba mataho ma ramai ra d̄i Allah Ta'ala!>> 16 Pala wati sara'a dou matarimana haba mataho ede. B̄a one nggahi la Yesaya, <<Ruma, couku ma imbina d̄i haba ra wa'a b̄a mada^doho?>> 17 B̄ara ndedena dou-dou ndad̄i imbi b̄ara siad̄oho ringana haba, ro haba ra ringana ede b̄ara wara dou ma rangoa ro kahabana haba mab̄oha Al Masih.
18 So^di wali b̄a nahu: Sab̄ua poda siad̄oho watipu ringana haba ede? Tantu wa'ura! B̄a one ade Kitab Suci wara ratunti ndake,
<<Eli siad̄oho wa'ura mbou d̄i sara'a dunia,
nggahi ro eli siad̄oho wa'ura rongga sampe aka sumpu dunia.>>
19 So^di wali b̄a nahu: Sab̄ua bangsa Israel watipu ^badena? Co'opu au ra sod̄i ede masaramba-rambakaina cambe b̄a la Musa. Nggahi la Musa, <<Ndakeku nggahi b̄a Allah Ta'ala,
Nahu ^dimakandad̄ina nggomi hiana ade d̄i bangsa ma laina ela Nahu
ro Nahu ^dimakandad̄ina nggomi mbani d̄i bangsa ma sampula.> >>
20 La Yesaya nancewi disa wali. Nggahi sia, <<Ndakeku nggahi b̄a Allah Ta'ala,
<Dou-dou ma wati ngupa Nahu, nawa'ura eda Nahu;
ro Nahu makatada weki-Ku d̄i siad̄oho ma wati sod̄i mab̄oha Nahu.> >>
21 Pala mab̄oha bangsa Israel nggahi la Yesaya, <<Ndakeku nggahi b̄a Allah Ta'ala, <Sanai mantuki Nahu ^dalaku rima ^ditarima aokai-Ku sab̄ua bangsa ma tera tuta ro mawati to'a.> >>