Ao ro onena Hukum Taurat
7:1-12
7
Cina ro angi! Nggomid̄oho sara'ana ma wa'ura b̄ade hukum. Ndad̄i, nggomid̄oho mab̄adeku b̄a one hukum nantau kuasa d̄i dou, santoi mori dou ede. 2 Contona sab̄ua dou siwe ma ntau rahi, dou ede nad̄ikiku b̄a hukum nika, santoi mori rahina. Nggara nawa'usira made rahina, sia ede watid̄u kuasakai b̄a hukum b̄ara rahina. 3 Nggara dou siwe ede namori samasi lab̄o mone ma kalai wakatu mbuipu mori rahina, ndad̄i dou siwe ede najinaku. Pala nggara nawa'usira made rahina, ndad̄i sacara hukum, dou siwe ede wa'ura hori wekina. Ro nggara sia nanika walisi lab̄o mone makalai, ndad̄i sia wati jinana. 4 Ndede rau lab̄o nggomid̄oho, cina ro angiku. Nggomid̄oho wa'ura made d̄i ade hukum Taurat, b̄ara nggomid̄oho wa'ura kasab̄ua lab̄o Al Masih ro wa'ura ndad̄i ntau Sia ra wa'u kamori mbali ra d̄i madekai-Na, loakud̄u ndai ndad̄i wara onena d̄i ru'u b̄a Allah Ta'ala d̄i ade mori ro woko ndaita. 5 B̄a one ntoina ndaita mori b̄atu tabe'a manusiakaita. D̄i wakatu ede au-au ra kane'ekai b̄a manusiakaita ma makamaina dosa, ma wontu b̄ara warana hukum agama, makuasa ade sarumbu ndaita. B̄ara ndedena ndai kalampata lampa rawi ma kamaina made. 6 Pala ndai ake wa'ura hori weki ra d̄i hukum Taurat. Ndai wa'ura made d̄i ru'u b̄a hukum ede, ndad̄ina ndai ake takarawiku ade ka'ada'an ma b̄ou b̄atu Roh ro laina kai ka'ada'an ma ntoi d̄i ade Hukum Taurat.7 Nggara ndedesi, auku ^diloa nggahi b̄a ndaita? Sab̄ua Hukum Taurat ede nada^bae? Tantu wati! Pala hukum edeku ma rateina nahu mab̄oha dosa. Nahu wati ^dima^bade, auku aona na'e ade ede, nggara watisi ranggahi b̄a hukum Taurat, <<Aina na'e ade.>> 8 Kai ncai hukum Taurat, dosa naraka ncai ^dimakamaina samenana na'e ade nahu; b̄ara nggara watisi wara hukum Taurat, ndad̄i dosa rau nambora. 9 Mori nahu ntoina, wati wara hukum Taurat ma atona nahu. Pala wakatu wontu hukum ede, dosa tampu'ura morina d̄i ade nahu, 10 ro nahu made. Ndad̄i nggahi b̄a nahu hukum Taurat sapodakaina d̄imambei mori, palasi nakamaiku made d̄i ru'u b̄a nahu. 11 B̄a one ade hukum Taurat ede, dosa nawa'ura raka ncai ^ditipukaina ro ^dihadekaina nahu.
12 Ndad̄i Hukum Taurat eded̄u raso ro parenta ede raso rau.
Hukum Taurat ro dosa
7:13-26
13 Nggara ndedesi, sab̄ua ede aona b̄a one ma taho nakamaiku made d̄i ru'u b̄a nahu? Tantu wati! Dosaku ma rakamaina made ede. Kai kanina ma taho, dosa nakamaiku made d̄i ru'u b̄a nahu, loakud̄u tabe'a-tabe'a dosa d̄imatada poda. Kai parenta-parenta Allah Ta'ala, nakatadaku b̄a one nawancuku iha ro dab̄aena dosa.
14 Ndai ta^badeku b̄a one hukum Taurat ramaina ra d̄i Roh Allah; pala nahu ake manusia mamapu ro rome. Nahu wa'ura landa loakud̄u ndad̄i ada dosa. 15 B̄a one au ra karawi b̄a nahu, wati loaku ka'ao. B̄ara au-au ra d̄ine'e karawi b̄a nahu, ede wati ne'e karawi b̄a nahu; pala au-au ra wati ca'u b̄a nahu, edeku d̄ikarawi b̄a nahu. 16 Nggara karawisi b̄a nahu lampa rawi-lampa rawi ma wati ncihi ncao lab̄o au ra kane'ekai b̄a nahu, ede aona nahu kamangaku b̄a one hukum Taurat ede nataho. 17 Ndad̄i, sapodakaina laina nahu wali ma karawina ede, malaisi dosa ma kuasakai sarumbu nahu. 18 Nahu kab̄adeb̄a one wati wara kone au-au rau ma taho d̄i ade weki nahu; eded̄u d̄i ade tabe'a manusiakaiku. B̄a one wara ma taho d̄i ne'e karawi b̄a nahu, pala nahu wati wa'uku kalampa. 19 Nahu wati karawiku ma taho d̄ine'e karawi b̄a nahu; pala nahu karawiku lampa rawi-lampa rawi ma dab̄ae, ra wati ne'e karawi b̄a nahu. 20 Nggara karawisi b̄a nahu lampa rawi-lampa rawi ra wati ne'e karawi b̄a nahu, ede aona laina nahu ma karawina lampa rawi-lampa rawi ede, malaisi dosa ma kuasakai weki nahu.
21 Ndad̄i, ^diloa nggahi b̄a nahu b̄a one hukum akeku ma nenti nggahi ro rawi: eded̄u nggara nahu kane'esi karawi ma taho, ndad̄i ma dab̄ae mpa ma wontu d̄i nahu. 22 B̄a one d̄i ade mpidaku, nahu kaca'u hukum Allah, 23 pala nahu kawaraku weki b̄a one ade weki nahu wara rau hukum makalai ma nenti nggahi ro rawi -- eded̄u hukum ma wati ncihi ncao lab̄o hukum ma wara d̄i ade fiki ro kananu nahu. B̄ara ndedena nahu d̄iki b̄a hukum dosa ma nenti nggahi ro rawi d̄i ade sarumbu nahu. 24-26 Ndakeku ka'ada'an nahu: nahu kato'a d̄i hukum Allah kai fiki ro kananu nahu, pala kai tabe'a manusiakaiku, nahu kuasakai b̄a dosa ro karawiku dosa. Nawancuku dab̄aena nahu ake! Couku ma ngawa kasalama nahu ra d̄i sarumbuku ake ma wa'a nahu d̄i madekai? Syuku d̄i Allah Ta'ala! Sia nangawa kasalama nahu kai ncai Isa Al Masih.