Made ro mori mbali lab̄o Al Masih
6:1-14
6
Nggara ndedesi, auku ^diloa nggahi b̄a ndaita? Sab̄ua pab̄uaku ndai takarawi ncauku dosa loakud̄u Allah Ta'ala nanaha meci ro ca'u ndaita? 2 Tantu wati! Dosa watid̄u kuasa walina d̄i ndaita, ndad̄i b̄uneku loana ndaita mori ade kuasa ncau kai b̄a dosa? 3 Sab̄ua wati b̄ade b̄a nggomid̄oho b̄a one ndai sara'a ma wa'ura kandeu raso kai ngara Al Masih, aona ndai wa'ura kasab̄ua lab̄o made-Na. 4 Kai kandeu raso ede, ndai wa'ura umbu sama-sama lab̄o Al Masih, loakud̄u sama b̄une Sia ma wa'ura mori mbali b̄ara kuasa Ama ma d̄ese ro ntasa; ndede rauku ndai kalampata mori ma ^bou.5 Nggara ndai wa'ura ndad̄i sab̄ua lab̄o Al Masih b̄a one ndai b̄atu made sama-sama lab̄o Sia, ndai d̄imandad̄i sab̄ua lab̄o Sia rau b̄ara ndai ^dikamori mbali b̄une Sia. 6 Ndai ta^badeku b̄a one tabe'a ndai ma ntoi kai manusiakaita wa'ura made sama-sama lab̄o Al Masih d̄i haju salib loakud̄u kuasa tabe'a ndaita ma dosa ede ^dikaleli; kai ndedena ndaita watid̄u ka'ada b̄a dosa wali. 7 B̄a one cou-cou ma wa'ura made, dou ede wa'ura hori weki ra d̄i dosa. 8 Ndad̄i nggara ndai wa'usi ramade sama-sama lab̄o Al Masih, ndai ta'imbiku b̄a one ndai rau ^dimamori sama-sama lab̄o Sia. 9 Ndai ta^badeku b̄a one Al Masih wa'ura kamori mbali ra d̄i madekaina ro Sia wati d̄imamade wali; made watid̄u ntauna kuasa wali d̄i weki Sia. 10 B̄a one made ^di'iu b̄a Sia eded̄u made d̄i ru'u b̄a dosa. Ede ndad̄ina sakali mpa d̄i ru'u santoi-ntoina. Ro mori-Na eded̄u mori d̄i ru'u b̄a Allah Ta'ala. 11 Nggomid̄oho pab̄uaku wi'ikaipu wekimu made d̄i ru'u b̄a dosa, pala mori nggomid̄oho d̄i ru'u b̄a Allah Ta'ala kai ncai Isa Al Masih.
12 B̄ara ndedena ai walina co'omu dosa makuasakai morimu ma samporo ede loakud̄u nggomid̄oho aina ^batumu au ra kane'ekaimu ma da^bae. 13 Ai rauna nggomid̄oho d̄onggomu anggota sarumbumu ^dikuasakai b̄a dosa d̄ikarawikai au ra kane'ekaimu ma da^bae. Pala ^donggopu wekimu d̄i Allah Ta'ala kai dou ra wa'u peso ra d̄i madekai mai d̄i morikai. ^Donggo sara'apu sarumbumu d̄i Allah Ta'ala loakud̄u ^dikalampakai au ra kane'ekai b̄a Allah Ta'ala. 14 Dosa watid̄u loana kuasakai wali nggomid̄oho, b̄ara nggomid̄oho watid̄u morimu d̄i ade hukum Taurat, pala b̄ara rahmat Allah.
Ada Allah Ta'ala
6:15-23
15 Ndad̄i ^buneku? Sab̄ua loaku ndai karawi dosa, b̄ara ndai watid̄u kuasakai b̄a hukum Taurat, pala b̄ara rahmat Allah? Sakali-kali wati! 16 Sab̄ua mab̄adeb̄a nggomid̄oho b̄a one nggara nggomid̄oho ma^donggosi wekimu d̄i sab̄ua dou d̄imandad̄i adana, ndad̄i nggomid̄oho pab̄uaku to'amu d̄i sia. Nggara nggomid̄oho manda^disi ada dosa, ndad̄i nggomid̄oho ^diwa'a aka madekai, nggara nggomid̄oho manda^disi ada Allah Ta'ala, ndad̄i nggomid̄oho ^dimataho mbali lab̄o Allah Ta'ala. 17 Pala syuku d̄i Allah Ta'ala! B̄ara ntoina nggomid̄oho ada dosa, pala ake nggomid̄oho kai kapodamu ade to'a d̄ingoa ro tei mancihi ra wa'u mbei d̄i ru'u nggomid̄oho. 18 Nggomid̄oho wa'ura hori kalosa ra d̄i dosa ro ake ndad̄i ada d̄i ru'u b̄a au ra kane'ekai b̄a Allah Ta'ala. 19 B̄ara nggomid̄oho ngeri loamu ka'ao, nahu makani conto-conto kai ada dou loakud̄u mod̄ana ^diloa ka'ao b̄a nggomid̄oho.Ntoina nggomid̄oho d̄onggomu sara'a sarumbumu ndad̄i ada d̄i ru'u b̄a lampa rawi-lampa rawi ma sampu ro ma dab̄ae d̄i ru'u b̄a au ra kane'ekaimu ma da^bae. Ndede rauku ake, pab̄uapu nggomid̄oho d̄onggo sara'a sarumbumu kai ada d̄i ru'u b̄a au ra kane'ekai b̄a Allah Ta'ala, d̄imawa'a nggomid̄oho d̄i mori ma raso.
20 Wakatu nggomid̄oho raka'ada b̄a dosa, nggomid̄oho watira kuasakai b̄a au ra kane'ekai b̄a Allah Ta'ala. 21 D̄i wakatu ede au ra raka ro tarima b̄a nggomid̄oho ra d̄i lampa rawi-lampa rawi ma wakatu ake nggomid̄oho majamu karawi? Ruku ro rawi-ruku ro rawi ede nakamaiku made mpa. 22 Pala ake nggomid̄oho wa'ura hori kalosa ra d̄i dosa ro ndad̄i ada Allah Ta'ala. Ndad̄i Nggomid̄oho d̄imaraka laba ^dimawa'amu aka mori ma raso eded̄u mori ma sapodakaina ro ma ede ro hi^di. 23 B̄a one ufa dosa eded̄u made; pala anugerah Allah eded̄u mori ma sapodakaina ro ma ede ro hid̄i d̄i ade Isa Al Masih, Ruma ndaita.