Ncewina ndad̄i dou Yahudi ro tahona Allah Ta'ala
3:1-8
3
Nggara ndedesi, auku ncewina ndad̄i dou Yahudi ro auku onena b̄atu atoran suna? 2 Tantu mboto onena! Saramba-rambakaina, b̄ara d̄i dou Yahudi edeku Allah Ta'ala imbikaina nggahi ro eli-Na. 3 Pala b̄uneku nggara sarundena dou Yahudi watisi to'ana? Sab̄ua b̄ara ndedena Allah Ta'ala ndad̄i wati to'a walina d̄i au ra sake-Na? 4 Tantu wati! Allah Ta'ala ngge'e mpa ncihina, konena sara'a dou nacowa. Ade Kitab Suci wara ratunti,<<Pab̄uapu nggomi wara bukutina d̄i ade au ra rentamu,
ro nggomi ngolumu d̄i wakatu paresa ncihi ro ncaramu.>>
5 Pala adilna Allah Ta'ala ndad̄i naha tada, b̄ara karawi ndaita ma ncara, auku d̄i ne'e nggahi b̄a ndaita? B̄a one Allah Ta'ala wati adilna nggara nahukumsi ndaita? (Au ra sod̄i b̄a nahu ede kai sacara manusiakai mpa.) 6 Sakali-kali wati! B̄ara nggara Allah Ta'ala watisi adilna, b̄uneku loana Sia paresa ncihi ro ncara dunia ake?
7 Pala b̄ara ruku ro rawi dou ma ncara, taho ro podana Allah Ta'ala nanaha tada, ndad̄ina Sia d̄iroi ro wadi, b̄ab̄auku dou ma karawi madab̄ae ede mbuipu d̄iwi'i kai dou madosa? 8 Ro b̄ab̄auku ndai wati loata nggahi, <<Maira ndai takarawi mpa madab̄ae loakud̄u rakata mataho!>> Wara romo dou-dou ma kab̄awa ro katuna nahu kai nggahina b̄a one nahu wa'ura nggahi ndedeku. Dou-dou b̄une ede patu d̄ihukum b̄a Allah Ta'ala.
Wati wara kone sab̄ua dou rau ma karawi au ra kane'ekai b̄a Allah Ta'ala
3:9-20
9 Ndad̄i ^buneku? Sab̄ua wara ma ncewi taho d̄i weki ndai kai dou Yahudikaita ntewikaisi lab̄o bangsa makalai? Sakali-kali wati!c Wa'ura nggahi b̄a nahu, nataho d̄i ru'u b̄a dou Yahudi atao d̄i ru'u b̄a dou Yunani, b̄a one siad̄oho sara'a wa'ura kuasakai b̄a dosa. 10 ^Bune ratunti ade Kitab Suci,
<<Wati wara kone sab̄ua dou rau ma ncihi,
11 wati wara kone sab̄ua dou rau ma loa ka'ao
ro wati wara kone sab̄ua dou rau ma nemba Allah Ta'ala.
12 Sara'a dou nawa'ura kad̄o'o weki d̄i Allah Ta'ala;
Siad̄oho sara'a nawa'ura santuda,
wati wara kone sab̄ua dou rau makarawi ma taho!
13 Karoto siad̄oho b̄une santika karombo rade.
Lera siad̄oho b̄ini b̄a kukukeko,
ro wiwi siad̄oho nakalosaku fitina, b̄une racu sawa.
14 Asa siad̄oho b̄ini b̄a i'a ro ^ba'a.
15 Langga siad̄oho naroci nggara nane'esi kancoki ro hade dou.
16 Siad̄oho pari ro wurana iha leli ro susa ro ncoki ta ^be-^be.
17 Siad̄oho wati patana ncai ma taho ro mori sana,
18 ro wati dahuna d̄i Allah Ta'ala.>>
19 Ake ndai ta^badera b̄a one samenana au ra tunti ade hukum Taurat, eded̄u d̄i ru'u b̄a dou-dou ma wara ade parentakai b̄a hukum ede. Kai ndedena wati wara kone sab̄ua dou rau maloa mbei alasan au-au wali ro sara'a dunia loa ^dida'awa b̄a Allah Ta'ala. 20 B̄a one wati wara kone sab̄ua dou rau d̄ikancihi d̄i tando Allah Ta'ala b̄ara karawina lampa rawi ma wara ade hukum Taurat. B̄ara d̄i ade hukum edeku ma katadana b̄a one manusia ma dosa.
Manusia rakancihi b̄ara imbina
3:21-31
21 Pala ake Allah Ta'ala wa'ura teina ncai b̄uneku carana manusia loakaina taho mbali lab̄o Sia; ro carana ede wati wara hubungana lab̄o hukum Taurat. Buku-buku la Musa ro buku nabi-nabi edeku makatadana lampa rawi ede, 22 b̄a one Allah Ta'ala ma kaloana manusia taho mbali lab̄o Sia, nggara manusia na'imbisi d̄i Isa Al Masih mpa. Allah Ta'ala karawi ndedekaina d̄i ru'u b̄a sara'a dou ma imbi d̄i Al Masih; b̄a one wati wara ma cualai: 23 Sara'a dou nawa'ura karawi dosa ro nawa'ura d̄o'o lab̄o Allah Ta'ala ma ne'e kasalama siad̄oho. 24 Pala b̄ara rahmat Allah ra mbei mpoana, ndad̄i hubungan manusia lab̄o Allah Ta'ala ndad̄i taho mbali; carana eded̄u Isa Al Masih hori kalosana manusia ra d̄i dosa-dosana. 25 Isa Al Masih wa'ura katantu b̄a Allah Ta'ala d̄imandad̄i koroba ro ^dimasu'u ro tunduna mbani Allah Ta'ala loakud̄u dosa-dosa manusia loa ^dikangampu wea. Lampa rawi ake kalampa b̄a Sia ^dikatadakaina rawina ma adil, b̄ara Sia co'ona dosa-dosa ma wa'ura ndad̄i ulu aipu wakatu Sia lembo ade-Na. 26 Pala ake Sia nahukumku dou ma dosa d̄imandad̄i ^bukuti b̄a one Sia adil. Kai cara ede, Sia natei katadaku b̄a one ndai Sia ma ncihi; ro kancihina sanikina dou ma imbi d̄i Isa Al Masih.
27 B̄ara ndedena, wati wara walina alasan d̄i ru'u b̄a ndaita d̄i ka'ese-esekaita weki. ^Ba^bauku ndedekaina? Sab̄ua b̄ara ndai kalampata au ra tunti ade hukum Taurat? Laina. Pala b̄ara imbita. 28 B̄ara nami ma'imbiku b̄a one manusia rakancihi b̄ara imbina, laina b̄ara kalampana au ra tunti ade hukum Taurat.
29 Atao Allah Ta'ala ede Allah Ta'ala d̄i ru'u b̄a dou Yahudi mpoa mpa? Sab̄ua Sia laina Allah Ta'ala d̄i ru'u b̄a bangsa makalai rau? Ncihi romo, Sia eded̄u Allah Ta'ala d̄i ru'u b̄a bangsa makalai rau! 30 B̄a one Allah Ta'ala sab̄ua mpa. Sia ede ma rakandad̄ina dou-dou Yahudi taho mbali lab̄o Allah Ta'ala b̄ara siad̄oho imbina. Ro Sia rau ma rakandad̄ina dou-dou bangsa ma kalaina taho mbali lab̄o Allah Ta'ala; ede rau b̄ara siad̄oho imbina. 31 Sab̄ua ndai b̄ara imbita d̄i Al Masih, ndai wati kalampata hukum Taurat? Tantu wati. B̄ara ndai imbita, ndad̄i ndai takaco'iku hukum ede.