La Timotius lao b̄atuna la Paulus lab̄o la Silas
16:1-5
16
La Paulus lao lampa walina aka Derbe, ro lao walina aka Listra. Ta ede wara sab̄ua dou ma imbi d̄i Isa Al Masih ma ngara la Timotius. Inana dou Yahudi, ma wa'ura imbi d̄i Isa; pala amana dou Yunani. 2 D̄i woha dou-dou ma imbi ma ngge'e d̄i Listra ro Ikonium, la Timotius na'ipiku mbouna kai sab̄ua dou ma taho ade. 3 D̄i ne'e b̄a la Paulus la Timotius lao b̄atu sia; b̄ara ndedena sia sunana la Timotius. Sia karawi ndedekaina, b̄ara dou-dou Yahudi d̄i dana ro rasa ede sara'a nab̄adeku b̄a one ama la Timotius dou Yunani. 4 D̄i sanikina kota ra laokai b̄a siad̄oho, siad̄oho karonggana d̄i dou-dou ma imbi mab̄oha nggahi ro eli ra wa'u katantukai b̄a rasul-rasul ro dou-dou mana'ekaina d̄i Yerusalem. Siad̄oho ngoa ro tei katahona d̄i dou-dou ma wa'ura imbi ede loakud̄u b̄atuna atoran-atoran ede. 5 Ndad̄i ela Ruma ede nanaha tenggo imbina, ro saniki ainaina nanaha mboto wekina.D̄i Troas: la Paulus edana sab̄ua lampa rawi ra karongga b̄a Ruma
16:6-10
6 Roh Allah wati kauna la Paulus ro la Silas ngoa ro kahaba Nggahi ro eli Allah Ta'ala d̄i propinsi Asia. Ndad̄i siad̄oho lampa ro lao walina aka dana ro rasa Frigia ro Galatia. 7 Wakatu rakara d̄i dana ro rasa kahampakai lab̄o dana ro rasa Misia, siad̄oho nane'e lu'u aka propinsi Bitinia, pala Roh Isa Al Masih makantana siad̄oho lao ta aka. 8 Ndad̄i siad̄oho lampana ta dana ro rasav Misia ro lao lalona aka Troas. 9 D̄i aimangad̄i ede, d̄i Troas, la Paulus edana sab̄ua lampa rawi ra karongga b̄a Ruma d̄i sia. Sia edana sab̄ua dou Makedonia ma kad̄i d̄i tandona ro raho poda-podana loakud̄u sia laona aka Makedonia d̄imabantu siad̄oho. 10 Sawa'u b̄a la Paulus rakana eda lampa rawi ede, nami sadia lalomu weki d̄i laokaimu aka Makedonia. B̄ara kai imbi podamu nami wehamu nggahi cumpukaina b̄a one Allah Ta'ala makauna nami ngoa ro kahaba Haba Mataho ede d̄i ru'u b̄a dou-dou ta aka.
D̄i Filipi: la Lidia imbi d̄i Allah Ta'ala
16:11-15
11 Nami tu'u wi'imu dana ro rasa Troas ro loja lalomu lao aka Samotrake, ro b̄ala aisanai, nami laomu aka dana ro rasa Neapolis. 12 Ra d̄i hid̄i ede nami laomu aka Filipi, sab̄ua kota kabupaten ma sarambakaina d̄i propinsi Makedonia.w Filipi eded̄u kota na'e rakuasakai b̄a karaja'an Roma. Ta aka nami ngge'emu pila-pila nai ntoina. 13 Wakatu ainaina Sabat nami laomu aka kengge sori ari mai b̄a tad̄a lawa kota, b̄ara iu b̄a nami ta aka wara hid̄i sambea ro ibadakai d̄i ru'u b̄a dou Yahudi. Edempara nami doho ro nuntumu lab̄o dou-dou siwe ma kab̄oro weki d̄i hid̄i ede. 14 Sab̄ua dou d̄i ade weki siad̄oho ede wara sab̄ua dou madaga kaen keta, ngarana la Lidia dou Tiatira. Sia nameci ro ca'uku Allah Ta'ala, edempara Ruma makaruku wea adena loakud̄u sia tarima aona au ra ngoa ro tei b̄a la Paulus d̄i sia. 15 La Lidia ro sara'a iwa ro weki d̄i umana kandeu sarani. Sawa'u b̄a kandeu sarani, sia undana nami. Nggahi sia, <<Nggara iusi b̄a itad̄oho mada poda-poda wa'ura imbiku d̄i Isa Al Masih, mai ronggapu d̄i uma mada.>> Edempara sia kau pab̄uana nami loakud̄u nami b̄atu au ra rahona.
La Paulus bui b̄a dou d̄i Filipi
16:16-40
16 D̄i sab̄ua ainaina wakatu nami wunga laomu aka hid̄i sambea ro ibadakai, nami edamu angi lab̄o sab̄ua dou siwe; sia ada dou. Dou siwe ede rakuasakai b̄a roh setan naloa b̄ade rawi d̄imandad̄i kento. Kai mokena ru'u dou, dou siwe ede mbeina laba ma na'e d̄i ru'u b̄a ruma^dohona. 17 Dou siwe ede lampa b̄atu ncauna nami lab̄o la Paulus ro kanggica salahona, <<Dou-dou ake ada Allah Ta'ala Ma D̄ese Ro Ntasa! Siad̄oho maina d̄imangoa nggomid̄oho b̄uneku carana ^diloakaimu salama!>> 18 Pila-pila nai ntoina dou siwe ede kanggica ncauna b̄une ede. La Paulus mbanina, ndad̄ina sia tambarina ro nggahina d̄i roh ede, <<Kai ngara Isa Al Masih nahu maparenta nggomi losa d̄i dou siwe ake!>> Wakatu ede lalo roh ede losana d̄i dou siwe ede. 19 Wakatu ruma^dohona kawarana weki b̄a one ncai d̄i ru'u b̄a siad̄oho d̄i rakakaina piti mamboto wa'ura mbora, siad̄oho wa'u ro letona la Paulus ro la Silas, edempara randana siad̄oho d̄uana ede aka lapangan lao satando dou-dou mana'ekai dana ro rasa ede. 20 Siad̄oho lao wa'ana la Paulus ro la Silas satando d̄i dou-dou mana'e b̄ora d̄i dana ro rasa Roma, edempara nggahina, <<Dou-dou ake dou Yahudi. Siad̄oho makamaina ngango d̄i kota ndai. 21 Siad̄oho teina rawi rasa ma wati ncihi ncao lab̄o hukum-hukum ndai, dou-dou Roma. Ndai wati loata tarima atao b̄atu rawi rasa ede!>> 22 Dou mamboto rau ma kalembi la Paulus ro la Silas; ro dou-dou mana'e b̄ora d̄i dana ro rasa Roma sipa-sipana kani ro lombo d̄i sarumbu d̄ua dou rasul ede edempara kauna dou cambo siad̄oho d̄uana ede. 23 Sawa'u b̄a nggori cambo kapodana siad̄oho, edempara kalu'una d̄i ade uma bui. Dou mana'ekai uma bui kauna jaga kapoda siad̄oho. 24 B̄une ra parentakai ede, dou mana'ekai uma bui tauna siad̄oho ade uma bui ma d̄ei woha podana, ro ndantena ed̄i siad̄oho d̄i haju balo petokai.
25 Takasi b̄oha ai la Paulus ro la Silas wunga do'ana ro rawa roi ro wadina Allah Ta'ala. Dou-dou ra bui ma kalai rauna wunga kade'ena rawa siad̄oho. 26 Wed̄i lalo mpa mai epu ma na'e poda, sampe dasa uma bui ede kangginda rau. Sara'a tad̄a uma bui hengga weki ro rante randante kai sara'a dou ra bui mbisa mpoi. 27 Dou mana'ekai uma bui ede wed̄i adena edempara tu'una. Wakatu eda b̄a sia ta^da-ta^da uma bui ma hengga weki, sia olona peda nane'eku tu^ba weki ndaina b̄ara kacai b̄a sia, dou-dou ra bui wa'ura lao rai menana. 28 Pala la Paulus kanggica kana'e podana, <<Aina hade weki ndaimu! Nami sara'ana mbuipu warana ta ake!>>
29 Dou mana'ekai uma bui ede rahona ilo edempara rai lao ^deina, ro kai ^bi^bi sarumbuna sia sujuna d̄i tando la Paulus ro la Silas. 30 Edempara sia wa'a kalosana siad̄oho ro nggahina, <<Cina ro angi, auku d̄i karawi b̄a nahu loakud̄u nahu salama?>>
31 Cambe b̄a la Paulus ro la Silas, <<Imbipu d̄i Ruma Isa! Nggomi d̄imasalama -- nggomi ro sara'a dou d̄i umamu!>> 32 Edempara la Paulus ro la Silas ngoa kab̄aena Nggahi ro eli Ruma d̄i dou mana'ekai uma bui ede ro d̄i sara'a dou ma wara d̄i umana. 33 D̄i ai mab̄oha ede wa'u, dou mana'ekai uma bui ede wa'ana siad̄oho d̄i b̄ili makalai edempara karasona suwu-suwu siad̄oho.Edempara sia ro sara'a dou d̄i umana kandeu sarani. 34 Sawa'u b̄a sia wa'ana la Paulus ro la Silas d̄i umana ro mbeina ngaha ro nono d̄i siad̄oho.Sia ro sara'a iwa ro wekina na'ipiku neo adena b̄ara siad̄oho ake nawa'ura imbi d̄i Allah Ta'ala.
35 B̄ala aisanai sid̄i-sid̄i poda, dou-dou mana'ekai b̄ora dana ro rasa Roma kauna lao palisi aka dou mana'ekai uma bui ^dimakaronggana parenta loakud̄u la Paulus ro la Silas ^dihori.
36 Dou mana'ekai uma bui ede ngoana lampa rawi ede d̄i la Paulus. Nggahi sia, <<Cina ro angi, dou-dou mana'ekai b̄ora dana ro rasa Roma wa'ura mbeina parenta d̄ihorikai ndai^dohomu. Ake ndai^dohomu loara lao dula. Laora kai taho ro salama!>>
37 Pala nggahi la Paulus d̄i palisi-palisi ede, <<Nami dou Roma. Kai wati raparesa, nami wa'ura cambo d̄i tando dou mamboto ro kalu'u d̄i ade uma bui. Ro ake siad̄oho kauna nami lao kai wati b̄ade b̄a cou-cou rau? Nami wati ngawamu! Kaupu mai ndaina dou-dou mana'ekai b̄ora dana ro rasa Roma ^dimakalosana nami.>>
38 Palisi-palisi ede lao ngoana lampa rawi ede d̄i dou-dou mana'ekai b̄ora dana ro rasa Roma. Wakatu ringa b̄a dou-dou mana'ekaina ede b̄a one la Paulus ro la Silas dou Roma, siad̄oho ndad̄i dahu. 39 Edempara siad̄oho lao rahona kangampu d̄i la Paulus ro la Silas, sawa'u b̄a ede lao otona siad̄oho d̄uana losa d̄i ade uma bui, ro rahona loakud̄u siad̄oho lao pesona weki ra d̄i kota ede. 40 La Paulus ro la Silas tu'u wi'ina uma bui ede edempara laona aka uma la Lidia. Sawa'u b̄a eda angina lab̄o dou-dou ma imbi ta aka, la Paulus ro la Silas katenggo weana ade siad̄oho.Sawa'u b̄a ede la Paulus ro la Silas laona.