Dou-dou ma imbi nanaha ipi susa ro ncoki
12:1-5
12
D̄i wakatu ede rau Sangaji Herodesp tampu'ura kancokina pila-pila dou ela Ruma. 2 Sia kauna dou hade la Yakub sa'e la Yahya kai peda. 3 Wakatu eda b̄a Herodes b̄a one ruku ro rawina ede nakasanaku ade dou-dou Yahudi, sia karawi walina b̄une ede; sia kauna dou wa'u ro leto la Petrus rau. Lampa rawi ede ndad̄ina wakatu ainaina Aruraja Roti ma wati kani b̄uha. 4 Sawa'u b̄a wa'u ro leto la Petrus, sia kalu'u b̄a dou ade uma bui. Upa kalompo tentara ra kau jaga la Petrus ta ede -- cua-cua kalompo wara upa dou tentara. Sawa'u b̄a nggori aruraja Paskah, Sangaji Herodes ampona paresa la Petrus d̄i tando ela ro dou. 5 Ndede la Petrus wara d̄i ade uma bui; Ela Ruma do'a poda-podana kai more adena d̄i Allah Ta'ala d̄i ru'u b̄a la Petrus.La Petrus hori kalosa ra d̄i ade uma bui
12:6-19
6 D̄i aimangad̄i sawatipu b̄a Sangaji Herodes lao wa'ana la Petrus aka tando ela ro dou, la Petrus maru hapi b̄a d̄ua dou tentara, sia randante kai d̄ua mbua rante, selasi ede d̄i tad̄a uma bui, wara rau dou majagana. 7 Wed̄i lalo mpa mala'eka Ruma makid̄i ta ede ro wara cahaya makataroa d̄i ade b̄ili uma bui ede. Mala'eka ede ka^do-ka^dona la Petrus sampe tu'una. Edempara nggahi mala'eka ede, <<Tu'u rocipu!>> Wakatu ede wa'u sancala rante b̄esi d̄i rima la Petrus. 8 Sawa'u b̄a ede, nggahi mala'eka ede, <<Herepu rokamu ro ^dikipu ai sadopamu.>> Ndad̄i la Petrus kanina ^baju ro d̄ikina ai sadopana. Edempara nggahi wali mala'eka ede, <<Kanipu jumbamu ro lampa ^batupu nahu.>> 9 Edempara la Petrus lampa b̄atuna mala'eka ede losa d̄i ade uma bui. Pala la Petrus wati kawarana weki b̄a one au ma wunga karawi b̄a mala'eka ede eded̄u poda-poda nda^dina. Kacai b̄a sia ede ra edana ede ade nifina. 10 Wakatu siad̄oho kalalona hid̄i jagakai masaramba ro maka^duakaina, siad̄oho rakara d̄i tad̄a lawa ^besi, d̄i ncai ma lao aka kota. Ta^da lawa ede hengga lalo weki ndaina, edempara siad̄oho losana ro lampana d̄i ncai ma tuka saraka d̄i sumpuna. Wed̄i lalo mpa mala'eka ede tu'u wi'ina la Petrus.
11 Sawa'u b̄a ede la Petrus ampona kawara weki au ma wa'ura ndad̄i d̄i weki sia, edempara nggahina, <<Ake nahu wa'ura ^badeku b̄a one Ruma poda-poda wa'ura kakaina mala'eka-Na d̄imahori kalosa nahu ade kuasakai Sangaji Herodes ro d̄i samenana au-au d̄i ne'e karawi b̄a bangsa Yahudi d̄i nahu.>>
12 Sawa'u b̄a kawarana weki d̄i lampa rawi ede, la Petrus laona aka uma la Maria, ina la Yahya ra pehe rau kai la Markus. Ta ede mboto dou makab̄oro weki ma wunga do'a. 13 Wakatu toke b̄a la Petrus tad̄a ma arina, sab̄ua dou ada siwe ma ngara la Rode, ma mai d̄imahengga tad̄a. 14 Sia pata lalona eli la Petrus. B̄ara ipi neo adena, sia wati henggana ta^da, malaisi roci rai lu'u mbalina ro ngoana d̄i dou-dou ta ede b̄a one la Petrus wara ari lua. 15 <<Nggomi maringuku!>> Nggahi b̄a siad̄oho.Pala la Rode ngge'e mpa nggahina b̄a one ede poda-poda la Petrus. Edempara nggahi siad̄oho, <<Ede mala'ekana!>>
16 Wakatu ede la Petrus ngge'e mpa tokena tad̄a. Wakatu hengga b̄a siad̄oho tad̄a, ro edana la Petrus siad̄oho na'ipiku mbora akana. 17 La Petrus mbeina tanda kai rimana loakud̄u siad̄oho aina kana'e eli, edempara sia ngoana b̄uneku Ruma wa'a kalosana sia ade uma bui. Edempara nggahi sia, <<Ngoapu lampa rawi ake d̄i la Yakub ro d̄i cina ro angi ma kalai rauna.>> Sawa'u b̄a ede la Petrus tu'u wi'ina hid̄i ede ro laona aka hid̄i ma kalai.
18 B̄ala aisanai sid̄i-sid̄i poda nda^dira ngango d̄i ade weki tentara majaga. Siad̄oho mbora aka ro darura poda adena mab̄oha au ma wa'ura ndad̄i d̄i la Petrus. 19 Edempara kau b̄a Sangaji Herodes dou lao ngupa la Petrus, pala siad̄oho wati rakana eda sia. Ndad̄i Sangaji Herodes kauna dou paresa dou-dou majaga ede ro hade siad̄oho.
Sawa'u b̄a ede Herodes lao tu'u wi'ina Yudea ro ngge'ena pila-pila wakatu ntoina d̄i Kaisarea.
Madena Sangaji Herodes
12:20-25
20 Sangaji Herodes na'ipi podaku mbanina d̄i dou-dou Tirus ro d̄i dou-dou Sidon. B̄ara ndedena siad̄oho kasamana weki mai satando Sangaji Herodes. Sarambakaina siad̄oho siwina la Blastus mana'ekai asi Sangaji Herodes, loakud̄u sia horuna siad̄oho.Edempara siad̄oho lao satandona Sangaji Herodes, ro rahona dame, b̄ara dou-dou dana ro rasa siad̄oho namori kai ngaha ro nono d̄i dana ro rasa rakuasakai b̄a Herodes.
21 D̄i sab̄ua ainaina ra wa'u katantukai, Sangaji Herodes kanina kani ro lombo sangajikaina edempara dohona d̄i kadera sangaji ro tampu'ura nuntuna d̄i tando ela ro dou. 22 Ela ro dou ma wunga kade'e ro ringa nuntu ede nggahi kana'ena, <<Ake eli dewa, laina eli manusia!>> 23 Wakatu ede wa'u mala'eka Ruma topana Sangaji Herodes, b̄ara sia wati kad̄ese ro kantasana Allah Ta'ala. Ndad̄i Sangaji Herodes made ngaha b̄a caci ro kako. 24 Edempara nggahi ro eli Allah Ta'ala nanaha mbou ro nanaha mboto dou ma imbi.
25 Sawa'u b̄a la Barnabas ro la Saulus nggori kalampana takina, siad̄oho tu'u wi'inaq Yerusalem ro wa'ana la Yahya ^dipehe rau kai la Markus.