La Petrus katahona dou ma made ^binci
3:1-10
3
D̄i sab̄ua ainaina la Petrus lab̄o la Yahya laona aka Bait Allah ^boe tolu aimambia, eded̄u wakatu sambea ro do'akai. 2 Aka tad̄a lawa Bait Allah, ngarana <<Ta^da Ntika>>, wara sab̄ua dou mone ma made ^binci ra'aipu ranggana wa'u b̄a inana. Saniki ainaina dou ede lao wa'a b̄a dou ta aka ^dimaraho sadeka d̄i dou-dou ma lu'u d̄i Bait Allah. 3 Wakatu dou ede edana la Petrus lab̄o la Yahya ma wunga lu'u ade Bait Allah, sia rahona sadeka d̄i siad̄oho. 4 Siad̄oho ntanda kab̄aena sia, edempara nggahi la Petrus, <<Tiopu nami!>> 5 Edempara dou ede tio kab̄aena siad̄oho d̄ine'ekaina raka au-au d̄i siad̄oho. 6 Pala nggahi la Petrus d̄i sia, <<Masa ro salaka wati wara d̄i nahu, pala au ma wara d̄i nahu, edeku d̄imbei b̄a nahu d̄i nggomi: Kai kuasa Isa Al Masih dou Nazaret ede, nggomi lampara!>> 7 Edempara nenti b̄a la Petrus rima wana dou ma made ^binci ede ro bantuna katu'u dou ede. Wakatu ede wa'u pake ro puru ed̄i dou ede ndad̄i tenggo. 8 Edempara sia nggoncu ki^dina, ro tampu'ura lampa rerona. Sawa'u b̄a ede, sia lu'u samana lab̄o la Petrus ro la Yahya d̄i ade Bait Allah, sia lampa ro nggoncu salahona ro roi ro wadina Allah Ta'ala. 9 Sara'a dou na'edaku sia ma lampa ro ma roi ro wadi Allah Ta'ala. 10 Edempara siad̄oho kawarana weki b̄a one dou ede, dou mataki raho sadeka ma ranginakaina doho d̄i <<Ta^da Ntika>> d̄i Bait Allah. Siad̄oho mbora akana ro midi poda adena eda au ma wa'ura ndad̄i d̄i sia.Khotbah la Petrus d̄i ade Bait Allah
3:11-26
11 Dou ede ngge'e mpa b̄atu ncauna la Petrus ro la Yahya. Ro wakatu siad̄oho ronggana aka katere Bait Allah d̄ipehekai <<Katere Sulaiman>>, sara'a dou mai kahumbuna d̄i siad̄oho b̄ara midi adena. 12 Wakatu la Petrus edana dou-dou ede, nggahi sia d̄i siad̄oho, <<Oe dou-dou Israel, b̄ab̄auku nggomid̄oho midikai ademu eda dou ake? B̄ab̄auku nggomid̄oho ntanda ncaukaimu nami? Sab̄ua kacai b̄a nggomid̄oho dou ake loakaina lampa b̄ara wara kuasa atao to'a ndai nami d̄i Allah Ta'ala? 13 Allah Ta'ala ra nemba b̄a la Ibrahim, Ishak ro la Yakub, Allah Ta'ala wa'i ro waro ndai, Allah Ta'ala ede wa'ura kad̄ese ro kantasana Ada-Na, eded̄u Isa. Isa edeku ra d̄onggo b̄a nggomid̄oho d̄i dou-dou makuasa, ro ra tula b̄a nggomid̄oho d̄i tando la Pilatus mane'e hori Sia. 14 Sia raso ro taho, pala nggomid̄oho matula aoku Sia ro kau pakasamu la Pilatus loakud̄u horina sab̄ua dou ma rahade dou d̄i ru'u b̄a nggomid̄oho. 15 Nggomid̄oho mahadeku Sia, sapodakaina Sia edeku fu'u mori d̄i ru'u b̄a samenana dou. Ro Allah Ta'ala wa'ura kamori mbalina Sia ra d̄i madekaina. Nami mawa'ura eda madana lampa rawi ede. 16 Nggomid̄oho wa'ura eda ka^baemu au ma wa'ura ndad̄i d̄i dou ma made ^binci ake. Sia wa'ura ndad̄i tenggo ro watid̄u supu walina b̄a one sia imbina d̄i Isa ro kuasa-Na. B̄ara imbina d̄i Isa ndad̄i dou ake wa'ura ndad̄i tenggo mbali b̄une ra eda b̄a nggomid̄oho sara'ana.
17 Cina ro angi! Nahu kab̄adeau ra karawi b̄a nggomid̄oho ro dou-dou mana'ekaimu d̄i Isa, nggomid̄oho karawimu ede b̄ara nggomid̄oho wati b̄ademu au ma wunga karawimu ede. 18 B̄ara ndedena nda^dira au ra ngoa b̄a Allah Ta'ala ntoina kai ncai nabi-nabi-Na, b̄a one Sangaji Makasalama ra sake ede pab̄uaku iuna susa ro ncoki. 19 B̄ara ndedena cina ro angi, tobara ra d̄i dosa-dosamu ro mai mbalipu d̄i Allah Ta'ala, loakud̄u Sia furana dosa-dosamu. 20 Ruma d̄imamai d̄i nggomid̄oho ro nggomid̄oho d̄ima'iu mori ma raso. Ro Ruma ^dimakau Isa mai d̄i nggomid̄oho, b̄ara Sia wa'ura katantu b̄a Allah Ta'ala d̄imandad̄i Sangaji Makasalama d̄i ru'u b̄a nggomid̄oho. 21 Sia pab̄uaku ngge'ena d̄i saroga sampe Allah Ta'ala makandad̄i b̄ou sara'ana b̄une ra nggahi b̄a Allah Ta'ala kai ncai nabi-nabi-Na d̄i jaman ma'ulu. 22 La Musa wa'ura nggahina, <Allah Ta'ala, Rumamu ^dimanggaduna d̄i ru'u b̄a nggomi sab̄ua nabi ra d̄i bangsa ndaimu, b̄une Sia nggaduna nahu.d Nggomid̄oho pab̄uapu ringa ro kade'e sara'a au ra nggahi b̄a nabi ede d̄i nggomid̄oho. 23 Dou ma wati kade'e ro b̄atu au ra nggahi b̄a nabi ede, dou ede ^dikatesa ra d̄i ela Allah Ta'ala ro ^dikaleli.> 24 Nabi-nabi ma wa'ura karongga haba ra d̄i Allah Ta'ala, ra tampu'u ra d̄i Nabi Samuel ro nabi-nabi ma kalaina ma mai kento, sara'ana ngoa ro kahabana mab̄oha jaman ake. 25 Au ra sake b̄a Allah Ta'ala ra karongga b̄a nabi-nabi ede d̄i ru'u b̄a nggomid̄oho.D̄i ade sake ra ndawi b̄a Allah Ta'ala lab̄o wa'i ro waromu ede, nggahi Allah Ta'ala d̄i la Ibrahim, <Ra d̄i londo ro maimu Nahu ^dimabarekana sara'a bangsa d̄i dunia.> Rasake ede eded̄u d̄i ru'u b̄a nggomid̄oho rau. 26 B̄ara ndedena Allah Ta'ala kad̄alena ada-Na, edempara kauna Sia mai ulu d̄i nggomid̄oho, loakud̄u Sia barekana nggomid̄oho.Sia mbeina bareka eded̄u kai kandad̄ina nggomid̄oho tobamu ra d̄i cara morimu mada^bae.>>