Maina Roh Allah
2:1-13
2
Wakatu rakara ainaina Pentakosta, sara'a dou ma imbi d̄i Isa Al Masih kab̄orona weki d̄i sab̄ua hi^di. 2 Wed̄i lalo mpa wara ringa eli d̄i langi b̄une eli angi na'e. Uma hid̄i dohokai doud̄oho ede sara'ana b̄ini b̄a eli ede. 3 Edempara siad̄oho edana lera-lera b̄une kalea afi ma rama rero ro ntu'una d̄i cua-cua ndai siad̄oho. 4 Siad̄oho sara'ana kuasakai b̄a Roh Allah, ro tampu'ura nuntu ro nggahi menana kai mboto bahasa ma kalai. Siad̄oho rentana nuntu ro nggahi b̄une au ra mbei b̄a Roh ede d̄i siad̄oho.5 D̄i wakatu ede mboto dou Yahudi, ra d̄i dana ro rasa d̄i sara'a dunia, ma ngge'e d̄i Yerusalem. Siad̄oho eded̄u dou-dou ma to'a d̄i Allah Ta'ala. 6 Wakatu ringana eli ede, mboto poda dou ma mai kanggudu. Siad̄oho sara'ana wed̄i menana ringa dou-dou ma imbi ede ma nuntu ro nggahi kai cua-cua bahasa ndai siad̄oho. 7 Kai mbora akana ro midi adena nggahi siad̄oho, <<Sab̄ua dou-dou ma nuntu ro nggahi ake laina dou Galilea. 8 ^Buneku loana ndad̄i, ndai ringata siad̄oho ma nuntu ro nggahi d̄i ade bahasa cua-cua dana ro rasa ndaita? 9 Ndai dou-dou Partia, Media, Elam, ela ro dou Mesopotamia, Yudea ro Kapadokia, Pontus ro Asia, 10 Frigia ro Pamfilia, Mesir ro ra d̄i dana ro rasa Libia ^deni lab̄o Kirene, wara d̄i weki ndai ma ramai ra d̄i Roma, 11 wara dou-dou Yahudi ro wara rau dou-dou bangsa makalai ma wa'ura lu'u agama Yahudi, wara rau ma ramai ra d̄i Kreta ro Arab. Ndai sara'ana taringaku siad̄oho manuntu ro nggahi kai cua-cua bahasa ndaita mab̄oha lampa rawi ma na'e ro b̄isa ro guna ra karawi b̄a Allah Ta'ala!>> 12 Kai mbora aka ro midi adena, siad̄oho sod̄ina d̄i sab̄ua lab̄o ma kalaina, <<Auku aona ake?>>
13 Pala wara rau dou-dou ma kasungge-sunggena. Nggahi siad̄oho, <<Doud̄oho ede wunga mawuna b̄ara nonona anggo!>>
Khotbah la Petrus
2:14-42
14 Edempara la Petrus kad̄ina lab̄o sampuru sab̄ua rasul ma kalai, ro nggahina d̄i dou mamboto ede. Kai elina ma na'e, sia nggahina, <<Cina ro angi, dou-dou Yahudi ro sara'a ma ngge'e d̄i Yerusalem! Ringa ro kade'e kab̄aepu nggahi nahu ake. 15 Doud̄oho ake wati mawuna, b̄une ra kacai b̄a nggomid̄oho, b̄ara ake ampode ^boe ciwi aimasi^di. 16 Pala lampa rawi ake wa'ura ngoa b̄a Allah Ta'ala kai ncai Nabi Yoel:
17 Nggahi Allah Ta'ala, <D̄i cumpukai jaman
Nahu ^dimaluana Roh Nahu d̄i sara'a dou.
Ana-anamu ma monena ro ana-anamu ma siwena d̄imangoa nggomi lampa rawi-lampa rawi ra ngoa b̄a Nahu d̄i siad̄oho.
Ana-ana sampelamu d̄ima'edana au-au ra katada b̄a Nahu d̄i siad̄oho.
Dou-dou matuamu ^dimanifi mab̄oha nifi ra mbei b̄a Nahu d̄i siad̄oho.
18 D̄i ru'u b̄a ada^doho-Ku -- nataho mamone atao masiwena --,
^dilua b̄a Nahu kai Roh-Ku d̄i ainaina ede.
Siad̄oho d̄imangoana lampa rawi-lampa rawi ra ngoa b̄a Nahu d̄i siad̄oho.
19 Nahu ^dimakarawina rawi ma^bisa ro guna ta ese langi,
ro lampa rawi-lampa rawi ma na'e poda ta awa dunia;
^dimawara ra'a ro afi, apu ro o^bu.
20 Liro d̄imandad̄i rindi,
wura d̄imandad̄i kala b̄une ra'a
ndedeku d̄imandad̄i sawatipu maina Ainaina Ruma, ainaina ma na'e ro ntoru ro mad̄ese ro ntasa ede maina.
21 D̄i wakatu ede dou ma raho d̄i Ruma
^dikasalama.>
22 Cina ro angi dou-dou Israel! Ringa ro kade'epu au ra nggahi b̄a nahu ake: Isa dou Nazaret ede wa'ura mbei b̄a Allah Ta'ala taki d̄i ru'u b̄a nggomid̄oho.Ede tada poda d̄i rawina ma^bisa ro guna ro lampa rawi-lampa rawi ma na'e ra karawi b̄a Allah Ta'ala d̄i woha nggomid̄oho kai ncai Isa. Sara'ana ede ndai nggomid̄oho wa'ura ^bademu. 23 ^Bunera nia b̄a ndai-Na, Allah Ta'ala wa'ura katantu uluna Isa ^di^donggo d̄i nggomid̄oho.Ro wakatu Isa d̄onggo d̄i nggomid̄oho, nggomid̄oho mahadeku Sia kai co'omu dou-dou madab̄ae ma salibna Sia. 24 Pala Allah Ta'ala makamori mbalina Sia ra d̄i woha dou-dou ma made ro mahori Sia, b̄ara wati lu'u b̄a aka Sia kuasakai b̄a made. 25 mab̄oha Isa Al Masih ake, nabi Daud wa'ura nggahina,
<Nahu edaku Ruma d̄i tando nahu ncau;
Sia malab̄ona nahu, ndad̄ina nahu wati wa'u ^dikaruku b̄a au-au rau.
26 B̄ara ndedena neo poda adeku,
asaku marenta roi ro wadi:
ro sarumbu kasaku ake ^dimangena kai
sana d̄i ade rade.
27 B̄a one Ita wati co'ota nawa mada wi'i d̄i ade dunia dou ma made.
Ita wati co'omu ada Ita ma to'a ede leli.
28 Ita wa'ura turuta d̄i mada ncai d̄i laokai aka mori ma sapodakaina ro ma ede ro hi^di.
Nawancu neo poda adeku b̄ara Ita wara sama-samata lab̄o mada.>
29 Cina ro angi, takau to'ipu nahu ma nuntu ro nggahi ntiri mab̄oha nabi Daud, ama b̄a wa'i ro waro ndai ede. Sia wa'ura made ro wa'ura umbu rau. Radena mbuipu warana d̄i woha ndaita saraka ake. 30 Allah Ta'ala wa'ura sakena d̄i la Daud, kai sumpana b̄a one sab̄ua dou d̄i ade londo ro maina ^dihanta b̄a Allah Ta'ala d̄imandad̄i sangaji. B̄a one nabi Daud nab̄adeku d̄i au ra sake ede ro b̄a one sia sab̄ua dou nabi rau, 31 sia nab̄ade rauku auku d̄ikarawi b̄a Allah Ta'ala. Ndad̄i sia wa'ura karonggana au ra nggahi b̄a Allah Ta'ala b̄a one Sangaji Makasalama ra sake b̄a Allah Ta'ala, ^dimamori mbali ra d̄i madekaina. Nggahi nabi Daud,
<Sia wati ^dico'o wi'i d̄i ade dunia dou-dou mamade;
sarumbu-Na wati ^dimaleli.>
32 Isa akeku rakamori mbali b̄a Allah Ta'ala. Nami sara'ana wa'ura eda madamu lampa rawi ede. 33 Sia rahanta aka hid̄i ma ese ro rambei kuasa b̄a Allah Ta'ala, edempara tarimana Roh Allah ra sake b̄a Ama. Ro ra ringa ro eda b̄a nggomid̄oho wakatu ake eded̄u Roh rambei b̄a Sia d̄i nami. 34 Ndai nabi Daud wati lao ne'ena ese saroga, pala ndai la Daud manggahi
<Allah Ta'ala manggahi d̄i Rumaku:
35 Dohopu ta sab̄ae wana Nahu,c
sampe Nahu makandad̄ina musu-musu-Mu kuasakai b̄a Nggomi!>
36 B̄ara ndedena sara'a dou Israel pab̄uaku b̄ade poda-podana b̄a one Isa ra salib b̄a nggomid̄oho ede, Isa ede rauku ma wa'ura kandad̄i b̄a Allah Ta'ala ndad̄i Ruma ro Sangaji Makasalama!>>
37 Wakatu ringa b̄a dou-dou ede lampa rawi ede, nawancuku darura adena siad̄oho.Edempara siad̄oho sod̄ina d̄i la Petrus ro rasul-rasul ma kalaina, <<Cina ro angi, auku d̄i pab̄ua karawi b̄a nami?>>
38 Cambe b̄a la Petrus, <<Pakipu rawimu ma iha ro ^batupu parenta Allah Ta'ala. Ro pab̄uapu sanikina nggomid̄oho d̄ikandeu sarani kai ngara Isa Al Masih, loakud̄u dosa-dosamu ^dikangampu wea. Sawa'u b̄a ede, nggomid̄oho d̄imatarima hadia Roh Allah ra d̄i Allah Ta'ala. 39 B̄ara au ra sake b̄a Allah Ta'ala ede eded̄u d̄i ru'u b̄a nggomid̄oho ro londo ro maimu ro d̄i ru'u b̄a dou-dou ma wara d̄i hi^di-hid̄i ma d̄o'o -- eded̄u sara'ana dou ra kad̄ale b̄a Allah Ta'ala, Ruma ndaita d̄imamai raka Sia.>>
40 Ndedeku la Petrus ngoa ro tei kab̄ae podana siad̄oho.Ro kai mboto nuntu ro nggahi ma kalai sia kau rauna siad̄oho loakud̄u horina weki ra d̄i bangsa ma dab̄ae ake b̄a one bangsa ake d̄ihukum b̄a Allah Ta'ala. 41 Mboto dou ma imbi d̄i au ra nggahi b̄a la Petrus, edempara siad̄oho d̄onggona weki d̄ikandeu sarani. Ndad̄i dou ma imbi d̄i ainaina ede nanaha mboto wali takasi 3.000 dou. 42 Kai kapodana ade siad̄oho tana'o ncauna d̄i rasul-rasul ro kab̄oro ncauna weki. Siad̄oho ngaha sama-samana ro do'a sama-sama rauna.
Cara mori ro woko dou-dou ma'imbi
2:43-47
43 Mboto poda lampa rawi ma^bisa ro guna ra karawi b̄a rasul-rasul ede ndad̄ina sara'a dou midi mena adena ro dahu. 44 Dou-dou ma imbi ede kasab̄ua ncauna weki ro au ra ntau siad̄oho, ^dikani sama-sama. 45 Siad̄oho landana au-au ra ntauna, edempara cengga-cenggana piti ede d̄i ade weki siad̄oho sara'ana ncihi ncao b̄une raparalu b̄a cua-cua ndai siad̄oho. 46 Saniki ainaina siad̄oho kab̄oro ncauna weki d̄i Bait Allah; ro ngaha ro nono sama-sama, kai neo adena ro kai ka'awa weki d̄i uma-uma ndai^dohona, 47 siad̄oho roi ro wadi ncauna Allah Ta'ala ro nameciku b̄a sara'ana dou. Saniki ainaina weki siad̄oho nanaha mboto b̄ara Allah Ta'ala mbeina d̄i siad̄oho dou-dou ma wunga ^dikasalama.