La Hizkia Sangaji Yehuda
18
D̄i mba'ana makatolukaina parentakai sangaji Hosea ana la Ela d̄i Israil , la Hizkia ana la Ahas mandad̄i sangaji Yehuda. 2 D̄i wakatu ede la Hizkia umuna d̄ua mpuru lima mba'a ro sia parentana d̄i Yerusalem d̄ua mpuru ciwi mba'a ntoina. Ina la Hizkia ngarana la Abia ana la Zakharia. 3 Sia nakalampaku au ma kasana wea ade RUMA b̄une sangaji Daud wa'i ro waro b̄a sia. 4 La Hizkia ka'ihalelina hid̄i-hid̄i nembakai dewa. ro humbana tugu-tugu ro ka'ihana patung-patung Dewi Asyera. Sia rau makalelina sawa randawikai romba ra ndawi b̄a la Musa ma d̄ipehekai Nehustan. B̄a one saraka/sampe wakatu ede dou Israil mbuipu ka'ana d̄upa d̄i ru'u lia ro horomakai sawa ra ndawikai romba ede. 5 D̄i ade weki sara'a sangaji Yehuda, nataho sawatipu ro sawa'u b̄a la Hizkia, wati wara ma b̄une sia. Sia na'imbi d̄i RUMA, Allah Ta'ala Israil , 6 ro na to'a d̄i RUMA. Sia wati parna sapana parenta RUMA. Sara'a parenta RUMA ra mbei kai ncai la Musa, to'akai b̄a la Hizkia poda-podakai b̄a la Hizkia. 7 B̄ara ndedena, RUMA ngge'e mpa bantuna sia ndad̄ina sia na ntau hasi ade sara'a usahana. La Hizkia barontana d̄i sangaji Asyur, ro wati ngawana b̄atu parenta sangaji Asyur. 8 Sia kako'ana dou Filistin ro rampona (weha pakasana) hid̄i ngge'ekai siad̄oho, tampu'u d̄i rasa to'i saraka kota ma ipi na'e, lu'u rau Gaza ro dana ro rasa d̄i kompe ro peina.9 D̄i mba'ana makaupa parentakai sangaji Hizkia, eded̄u mba'a kapidukai ade parentakai sangaji Hosea d̄i Israil , ro la Salmaneser sangaji Asyur lao deina Israil ro dei hekona kota Samaria. 10 Sawa'u b̄a dei heko b̄a dou Asyur tolu mba'a ntoina, ndad̄i koara Samaria. Lampa rawi ede ndad̄ina ade mba'a kainikaina parentakai Hizkia, ro mba'a kaciwikai parentakai sangaji Hosea. 11 Edempara sangaji Asyur lao wa'ana dou Israil ra bui aka Asyur; sarundena ade weki siad̄oho wi'i b̄a siad̄oho d̄i kota Halah, sarundena d̄eni lab̄o Sori Habor d̄i dana ro rasa Gozan, ro sarunde walina d̄i kota-kota d̄i dana ro rasa Madai.
12 Koakai Samaria b̄ara dou Israil wati to'ana d̄i RUMA, Allah Ta'ala siad̄oho. Siad̄oho nasapaku (wati kalampana) sake ra ndawi b̄a RUMA lab̄o siad̄oho, ro siad̄oho wati kalampana sara'a parenta la Musa, ada RUMA ede. Siad̄oho wati ngawana kade'e ro wati ngawana b̄atu parenta RUMA.
Yerusalem Dei Heko b̄a Dou Asyur
13 Ade mba'a kasampuru upakaina parentakai Hizkia sangaji Yehuda, kota-kota Yehuda ma ntau bente dei ro kakoa b̄a la Sanherib, sangaji Asyur. 14 Ndad̄i sangaji Hizkia kakaina dou lao karongga nggahi ake d̄i la Sanherib sangaji Asyur, <<Mada maraho aina/ncihira/denggara dei madad̄oho. Sara'a ra raho b̄a ita mada d̄imambeina.>> Edempara la Sanherib sangaji Asyur, kai pab̄uana la Hizkia sangaji Yehuda, nggadu d̄i ru'u sia 10.000 kilogram salaka lab̄o 1.000 kilogram masa. 15 B̄ara ndedena, sara'a salaka ma wara d̄i ade Uma RUMA ro d̄i ade kas asi sangaji nggadu sara'a b̄a la Hizkia d̄i ru'u Sanherib. 16 Masa d̄i tad̄a-tad̄a Uma RUMA ro ma wa'u kina b̄a ndai sangaji Hizkia d̄i haju-haju tad̄a, weha rau b̄a sia ro nggaduna d̄i sangaji Asyur. 17 Pala sangaji Asyur ede nggaduna sakalompo na'e tentara d̄imadei Yerusalem kalompo tentara ede na'ekai b̄a tolu dou perwira ma na'e b̄ora eded̄u sab̄ua dou panglima, sab̄ua dou mataki kab̄ua oi nono sangaji,u lab̄o sab̄ua dou mana'ekai jaga sangaji. Sawa'u b̄a ronggana d̄i kota ede siad̄oho lao aka oma, ma d̄ipehekai Oma Penatu d̄eni lab̄o lapa ma wara oi ma rai maramai ta kolam ma wara ta ese. 18 Edempara tentara-tentara ede ou nggaona sangaji Hizkia. Ndad̄i tolu dou pagawe sangaji Hizkia lao tio ao/rai aona siad̄oho. Tolu dou pagawe ede, eded̄u la Elyakim ana la Hilkia mana'ekai dou ma'uru uma salaja asi, la Sebna mab̄ora sekretaris negara, lab̄o la Yoah ana la Asaf ma b̄ora sekretaris d̄i asi. 19 Edempara nggahira dou/perwira ma kab̄ua oi nono sangaji ede d̄i siad̄oho, <<Karonggapu d̄i sangaji Hizkia, nggahi sangaji Asyur ake, <B̄ab̄auku nggomi iukaimu weki tenggo? 20 Kacai b̄a nggomi nggahi mpoa naloa cepe cara ro tenggo tentara? Couku ma d̄itende b̄a nggomi, ndad̄ina nggomi d̄isamu ao sangaji Asyur? 21 Nggomi maraho romo bantu d̄i sangaji Mesir, pala ede sama b̄une kanimu tako ndolo d̄i tikimu; pea tiki ede nampoka ro nacakiku rimamu. Ndedeku rawi sangaji Mesir d̄i ru'u b̄a dou ma raho bantu d̄i sia.> >>
22 Perwira Asyur ede nggahi walina, <<Atao kombisi nggomid̄oho ma nggahi b̄a one nggomid̄oho ma raho d̄i RUMA, Allah Ta'alamu? D̄i wakatu sangaji Hizkia parentana loakud̄u dou Yehuda lab̄o dou Yerusalem sambea ro ibada mpa d̄i tando mezbah d̄i Yerusalem, sab̄ua ra ka'ihaleli ede laina mezbah ro hid̄i-hid̄i nembakai ndai RUMA? 23 Ake kai ngara sangaji Asyur nahu kadisa te'e b̄a one nggara mbeisi nggomid̄oho 2.000 mbua jara, tantu nggomid̄oho wati wara doumu b̄une mboto ede d̄imanente jara! 24 D̄ima'ao perwira nami ma awa b̄ora rau, wati wa'u sanggo b̄a nggomi. Pala nggomi ngge'e mpa rahomu bantu d̄i sangaji Mesir, d̄imanggaduna kareta lewakai lab̄o tentara manente jara! 25 Kacei b̄a nggomi nami mai dei ro kakoamu dana ro rasamu kai wati bantu b̄a RUMA? Ndai RUMA ma rakau nami mai dei ro ka'ihaleli dana ro rasa nggomid̄oho!>> 26 Edempara nggahi la Elyakim, Sebna lab̄o la Yoah d̄i perwira ede, <<Ita, nuntu mpa kai bahasa (nggahi) Aram lab̄o madad̄oho, madad̄oho maloa ka'ao. Aina nuntumu kai nggahi Ibrani, pea naloa ka'ao b̄a ela ro dou mawara ese wawo tembo kota ede.>>
27 Pala cambe b̄a perwira ede, <<Sab̄ua d̄i ru'u nggomi lab̄o sangaji mpoamu nahu kakai b̄a sangaji Asyur d̄imakarongga nggahi ake? Wati! Nahu kanuntu d̄i ela ro dou ma doho d̄i tembo ede, ma sama-sama lab̄o nggomi d̄imanggaha ta'i ndaina ro manono oi tari'i ndaina.>>
28 Edempara perwira ede tu'u kid̄ina ro nggahi kanggicana kai nggahi Ibrani, <<Kade'epu au d̄i nggahi b̄a sangaji Asyur: 29 <Aina ne'e d̄i tipu b̄a la Hizkia; sia wati loana kasalama nggomid̄oho. 30 Aina kade'e siwi b̄a sia d̄irahokai d̄i RUMA. Aina kacai b̄a nggomid̄oho b̄a one RUMA d̄imakasalama nggomid̄oho atao ma tapa tentara Asyur mai kakoa ro kuasakai kota nggomid̄oho. 31 Aina kade'e nggahi la Hizkia. Nahu, sangaji Asyur makauna loaku^d̄u nggomid̄oho losa d̄i kota ro d̄onggo weki. Pea nggomid̄oho loa ngaha wua anggo d̄i nggaro ndaimu, ro ngahapu wua ara d̄i fu'u ara ndaimu, ro nono oi d̄i temba ndaimu, 32 saraka/sampe nggomid̄oho d̄i do'a wa'a b̄a nahu d̄i sab̄ua dana ro rasa masarai lab̄o dana ro rasa ndaimu. Ta aka wara nggaro anggo ma mbua d̄i ru'u b̄a nggomi, ro oma gando ma wara hasi d̄i ndawi kai mub̄u d̄i ru'u ngaha ro nonomu. D̄i dana ro rasa ede wara mboto fu'u zaitun, mina zaitun lab̄o oi ani. Nggara nggomid̄oho mab̄atusi au ra kaukai b̄a nahu d̄i nggomid̄oho, nggomid̄oho d̄imamori, wati mademu. Aina kade'e nggahi la Hizkia! Sia natipu nggomid̄oho mpa, kai nggahina b̄a one RUMA d̄imakasalama nggomid̄oho. 33 Sab̄ua wara dewa bangsa ma kalai makasalama dana ro rasana ra d̄i kuasakai b̄a nahu? 34 Ta b̄eku dewa-dewa dana ro rasa Hamat ro dana ro rasa Arpad? Ta b̄eku dewa-dewa Sefarwaim, Hena, ro Iwa? Sab̄ua nawara ma mai kasalama dana ro rasa Samaria? 35 Ro dewa b̄eku ma wa'u ra iu (perna) hori dana ro rasana ra d̄i kuasakai b̄a nahu? B̄e loana RUMA kasalama Yerusalem? > >>