2 Raja 2

4 Edempara nggahira nabi Elia d̄i la Elisa, <<Ngge'epu ta ake, nhu kau b̄a RUMA lao aka Yeriko.>> Pala cambe b̄a la Elisa, <<Kai ngara RUMA ma mori ro kai nawa ita, mada wati d̄imatu'u wi'i ita.>> Ndad̄i siad̄oho d̄ua lampa ro lao wali sampe aka Yeriko.5 D̄i wakatu ede sakalompo nabi mangge'e d̄i Yeriko lao rakana la Elisa ro sod̄ina, <<Sab̄ua ma b̄ade b̄a nggomi b̄a one d̄i ainaina ake rumamu ede d̄i hanta b̄a Allah Ta'ala ro na tu'u wi'iku nggomi?

Cambe b̄a la Elisa, <<Io, mada kab̄ade. Pala tahora, ndai edera nuntu lampa rawi ede.>> 9 Sawa'u b̄a rongga ipa b̄ae b̄a sori, nabi Elia nggahina d̄i la Elisa, <<Rahopu au ma d̄ine'e b̄a nggomi d̄i nahu, sawatipu b̄a nahu hanta b̄a RUMA, ro tu'u wi'iku nggomi!