Londo Ro Mai La Adam
(1Taw. 1:1-4)
5
Akeku ngara-ngara londo ro mai la Adam. D̄i wakatu Allah Ta'ala kandad̄ina manusia, kandad̄i-Na siad̄oho b̄une weki ndai-Na. 2 Kandad̄i-Na siad̄oho mone labo siwe, RUMA barekana siad̄oho ro tangarakaina siad̄oho ede <<Manusia>>. 3 Wakatu la Adam umuna 130 mba'a, weina ngganana ana mone ma sarai pahu b̄une ndai la Adam, edempara tangarakaina la Set. 4 Sawa'u b̄a ede, la Adam mbuipu morina 800 mba'a wali ro sia mbuipu ntauna ana-ana mone ro ana siwe ma kalai. 5 La Adam madena, wakatu sia umuna 930 mba'a.6 D̄i wakatu la Set umuna 105 mba'a, weina ngganana ana mone, ngarana la Enos. 7 Sawa'u b̄a ede, la Set mbuipu morina 807 mba'a wali ro sia mbuipu ntauna ana-ana ma kalai 8 La Set madena, wakatu sia umuna 912 mba'a.
9 D̄i wakatu la Enos umuna ciwi mpuru mba'a, weina ngganana ana mone, ngarana la Kenan. 10 Sawa'u b̄a ede, la Enos mbuipu morina 815 mba'a wali ro sia mbuipu ntauna ana-ana ma kalai. 11 La Enos madena, wakatu sia umuna 905 mba'a.
12 D̄i wakatu la Kenan umuna pidu mpuru mba'a, weina ngganana ana mone, ngarana la Mahalaleel. 13 La Kenan mbuipu morina 840 mba'a wali ro sia mbuipu ntauna ana-ana ma kalai. 14 La Kenan madena, wakatu sia umuna 910 mba'a.
15 D̄i wakatu la Mahalaleel umuna ini mpuru lima mba'a, weina ngganana ana mone, tangarakaina la Yared. 16 Sawa'u b̄a ede, la Mahalaleel mbuipu morina 830 mba'a wali ro sia mbuipu ntauna ana-ana ma kalai. 17 La Mahalaleel madena, wakatu sia umuna 895 mba'a.
18 D̄i wakatu la Yared umuna 162 mba'a, weina ngganana ana mone, tangarakaina la Henokh. 19 Sawa'u b̄a ede, la Yared mbuipu morina 800 mba'a wali ro sia mbuipu ntauna ana-ana ma kalai 20 Sia madena wakatu umuna 962 mba'a.
21 D̄i wakatu la Henokh umuna ini mpuru lima mba'a, weina ngganana ana mone, tangarakaina la Metusalah. 22 Sawa'u b̄a ede, la Henokh mori d̄eni ncau lab̄o Allah Ta'ala santoi 300 mba'a. Ro sia mbuipu ntauna ana-ana ma kalai, 23 ro la Henokh umuna 365 mba'a. 24 B̄ara la Henokh mori d̄eni ncau lab̄o Allah Ta'ala, ndad̄i sia weha b̄a Allah Ta'ala.
25 D̄i wakatu la Metusalah umuna 187 mba'a, weina ngganana ana mone, tangarakaina la Lamekh. 26 Sawa'u b̄a ede, la Metusalah mbuipu morina 782 mba'a wali ro sia mbuipu ntauna ana-ana ma kalai. 27 La Metusalah madena, wakatu sia umuna 969 mba'a.
28 D̄i wakatu la Lamekh umuna 182 mba'a, weina ngganana ana mone. 29 Nggahi la Lamekh, <<Ana ndai ake d̄imakaneona ndai d̄i wakatu ndai karawita ma tani d̄i dana ra b̄a'a b̄a RUMA.>>B̄ara ndedena la Lamekh tangarakaina anana ede la Nuh.s 30 Sawa'u b̄a ede, la Lamekh mbuipu morina 595 mba'a wali. Sia mbuipu ntauna ana-ana ma kalai, 31 ro la Lamekh madena, wakatu sia umuna 777 mba'a.
32 Sawa'u b̄a la Nuh umuna 500 mba'a, weina ngganana tolu dou ana mone, eded̄u la Sem, la Ham ro la Yafet.