3
हे बुद्दी नोयला गलतियों, कोन मन तमके मोहलाय ? तमर तो माना आंकी र छोमे यीशु मसीह कुरूस उपरे दकायलाय ! 2 मुय तमर ले खाली ए जानबार चाहबी आची की तमि आतमा के, काय व्यस्था र काम ले नोयले बिसबास र समाचार ले पायलास ? 3 काय तमि असन बुद्दी नोयला बिती आस आतमा र रीति उपरे शुरू करी एबे देह र रीति उपरे अन्त करबास ? 4 काय तमि अतक दुःख बेकार उठायलास ? मातर केबई बले व्यर्त नाई | 5 जोन तमके आतमा दान करू आय आवरी तमर ने सामरत र काम करू आय, हांय काय व्यस्था र काम ले नोयले सुसमाचार उपरे बिसबास ले असन करू आय ? 6 " ""अब्राहम तो मापरू उपरे बिसबास करला आवरी हांतार काचे धार्मिकता गिनला """ 7 इ कामे ए जानी राहा की जोन बिसबास करबा लोक आत, हांई मन ची अब्राहम चो बेटा बेटी आत | 8 "आवरी पवित्रशास्त्र पयले ले ए जानीकरी की मापरू बिजाती मन के बिसबास ले धरमी ठहरायसी, पयले ले अब्राहम के ये सुसमाचार सुनाय देला की ""तोर ने सब जाति मन आशीष पायबाय |""" 9 ई काचे जोन बिसबास करबा लोक आत, हांय बिसबासी अब्राहम संगे आशीष पाउआत | 10 "इ काचे जतक लोक व्यस्था र काम उपरे भरोसा सोंगाऊ आत, हांय सबु साप र अधीन आत, कसन बलले लिकलार आचे, "" जोन कोनी व्यस्था र पुस्तक ने लिकलार सबु गोट के करबा ने स्थिर ना रये, हांय शापित आय |""" 11 मातर ये गोट परगट आय की व्यस्था र द्वारा मापरू थाने कोनी धरमी ना ठहरु आय, कसन बलले धरमी लोक बिसबास ले जीव रुहुआत | 12 "मातर व्यस्था र बिसबास ने काई सम्बन्ध नुआय ; कसन बलले "" जोन हांके मानुआय, हांय तिकर कारन जीव रयसी |""" 13 "मसीह जोन हामर काचे शापित बनला, हामके घेनी करी व्यस्था र शाप ले छुड़ायला, कसन बलले लिकलार आचे, "" जोन कोनी काठ लटकाय जाउआय हांय शापित आय |""" 14 ऐई काचे होयला की अब्राहम र आशीष मसीह यीशु ने बिजाती तक पंहुचाय देला आवरी हामि बिसबास र द्वारा हांई आतमा के पाओ जाहांर प्रतिगिया होयला आचे | 15 हे भाई मन मुय मुनुक र रीति ले बोलबी आची ; मुनुक र वाचा बले जो पक्का होउ आय तेबे ना कोनी हांके टालूआय आवरी ना हांय थाने काई बड़ाउ आय | 16 "इ काचे प्रतिगिया अब्राहम के आवरी तिकर वंश के देला र आचे | हांय ये ना बोले, "" वंश मन के,"" जसन खुबे लोकर मन बारे ने बोललात ; मातर जसन गोटोकर बारे ने की ""तोर वंश के "" आवरी हांय मसीह आय |" 17 मातर मुय बोलबी आची: जोन वाचा मापरू पयले ले पक्का करी रये, हांके व्यस्था र चार सो बरस र पाचे ना टालके सके की प्रतिगिया व्यर्थ ठहरो | 18 कसन बलले आवरी मीरास व्यस्था ले मिरला आचे तेबे फेर प्रतिगिया ले नाई, मातर मापरू ले अब्राहम के प्रतिगिया द्वारा देलार आचे | 19 तेबे फेर व्यस्था काय काचे देलार आचे ? हांय तो अपराध मनर कारन पाचे देलाय की हांय वंश र आयबा तक रओ, जांके प्रतिगिया देलार रये ; आवरी हांय सरगदूत र द्वारा गोटक मध्यस्थ के हाथ ठहराय गलाय | 20 मध्यस्थ तो गोटक र ना होये, मातर मापरू गोटक ची आय | 21 तेबे काय व्यस्था मापरू र प्रतिगिया र विरोध ने आ आचे ? केबे बले नाई ! कसन बलले आवरी असन व्यस्था देउ आत जोन जीवन देयके सके, तेबे सत्ते धार्मिकता व्यस्था ले होउ आय | 22 मातर पवित्रशास्त्र सबु के पाप र अधीन करला, की हांय प्रतिगिया जांहार आधार यीशु मसीह उपरे बिसबास करबार आय, बिसबास करबा लोक काचे पूरा हो | 23 मातर बिसबास र आयबा ले पयले व्यस्था र अधीन ने हामर रखवाली होयते रये, आवरी हांय बिसबास र आयते तक जोन प्रकट होयबार रये, हामि हांतारी बंधन ने रबू | 24 इ काचे व्यस्था मसीह तक पहुंचायबा काचे हामर शिक्षक होयला आचे की हामि बिसबास ले धरमी ठहरू | 25 मातर जड़दाय बिसबास आयला, तेबे हामि एबे शिक्षक र अधीन ना रंउ 26 कसन बलले तमि सबु हांय बिसबास र द्वारा जोन मसीह यीशु उपरे आचे, मापरू र बेटा बेटी रहो | 27 आवरी तमि मन ले जतक लोक म्स्सेह ने बपतिस्मा धरलास हांय मन मसीह के फिंदला आत | 28 एबर कोनी यहूदी आचे, आवरी ना यूनानी, ना कोनी दास ना स्वंतत्र, न कोनी नर न नारी, कसन बलले तमि सबु मसीह ने गोटक आचे | 29 आवरी अगर तमि मसीह र आसास तेबे अब्राहम र वंस आवरी प्रतिगिया र अनुसार वारिस बले हो |