Ephesians
इफिसियों
1
पोलुष र बाटले जोन मापरू र इच्छा ले ईषु मसी पेरित आय, हाय पवितर मसी ईषु ने बिस्बासी लोक र लाम जोन इफिसूस ने आचे । 2 हामर बुआा मापरू आउर परभु इषु मसीह बाटले तमके अनुग्रह आउर शान्ति मिरते रयसी । 3 आमर परभु इषु मसीह र मापरू आउर बुआ र धन्यवाद हो कि हाय हामके मसी ने सरग र स्थान ने सबु परकार र आत्मिक आषीष देला आचे । 4 जसन हाय हामके जगम र उत्पत्ति ले पइले हाय हामके जगम र उत्पत्ति ले पइले हास ताने चुनला कि हामी तार लग प्रेम ने पबितर आउर दोष नोएलार आचु । 5 आउर आपनार इच्छा र भला बभिप्राय अनुसार हामके आपना काजे पइले ले ठहराययला कि इषु मसी र द्वारा हामी ता र पालके बेटा हो । 6 कि हांतार हाय अनुग्रह र महिमा र स्तुति हो जा के हामी होय प्रिय ने सेंत मेत देल । 7 हामके हांतार लउर द्वारा छुअकार आउर बपराध र क्षमा हांतार हाय अनुग्रह र धन र अनुसार मिरला आचे 8 जाके हाय सबु ज्ञान आउर समझाकरी हामर ऊपर खुबे करला । 9 कसन बलले हाय आपनार इच्छा र भेद हाय भला अभिप्राय र अनुसार हामके सांगलार जाके हाय अपना आप ने ठान ला आ 10 कि समय र पूर होयबा र असन परबंध हो कि जोन कुछ सरस ने आ आउर जोन कुछ पृथ्वी न े आचे सब काइ हाय मसी ने इकठ्ठा करा । 11 हाय ताने जोन ता हामी बले हांतार मन ले जोन आपनार इच्छा मनर अनुसार सबु काई करूआर प्यले ले ठहराय करी मीरार बना । 12 कि हमी जोन मन परले ले मसी ने आषा संगाय रओत तार महिमा र स्तुति र कास हो 13 आउर हाय तमर ऊपरे बलेा जडद तमी सत्येर वचन सूनलास जोन तमर उदार र सूसमाचार आय आउर जाहार उपरे तमी बिस्बास करलास परतिज्ञा काी पवितर आत्मा र छाप लागला । 14 हाय हातार घेनला लोक र छुटकारा काजे हामर मीरास र बयाना आय कि हातार महिमार स्तुति हो। 15 ई लागी मुय बले हांय विश्वासर खबर सूनी करी जोन तोमि लोक मनने परभु यीशु ने आय आवरी’ सबू पबितर लोक मनने आयला आचेए 16 तमर काचे धनेबाद करबार ना छाड़ीए आवरी आपना पारतना ने तमके सुरता करते रऊ आंय 17 की तमर परभु यीशु मसीह र माहा परभु जोन महीमा र बुआ आयए तमके मोर चीना ने गिआन आवरी उजरर आतमा देओए 18 आवरी तमर मनर आकी मन उजर संगर होओं की तमी जाना की हातार हाग देबार आशा काय आयए आवरी पवितर लोक मन ने तार मीरासर महिमार धन कसन आयए 19 आवरी तार सामरत हामर ने जोन विशवास करू आतए कतक माहान आतए तार ताकतर परभावर हांय कामर असन 20 जोन हांय मसीह ने करला की ताके मरला मन ले जिआय करी सरग जगा मन ने आपना बुजनी पाक ’ 21 सबू परकारर बड़े पनए आवरी अधिकारए आवरी सामरतए आवरी परभुतारए आवरी सबू नावं मनर उपरेए जोन नाई सिरिप ये लोक ने मातर आयबा लोक ने बले धरा जायसीए बसायय 22 आवरी सबू बानी तार गोड़र तले करी देलाय’आवरी ताके सबू बानी मन ने शिरोमणी सोंगाय करी कलीसिया के देई देलाए 23 ये तार गागर आयए आवरी तार ची पूरा होलार आय जोन सबू ने सबू बानी पूरा करू आय द्य’