Galatians
गलातियों
1
पोलुसर - जोन ना मुनुक बाटले ना आवरी मुनुकर द्वारा, मातर यीशु मसीह आवरी मापरू बुआ र द्वारा जोन हांके मोरला थानले जियायला, पेरित आय - 2 आवरी सबु भाई मन बाटाले जोन मोर संगे आचोत, गलतिया र कलीसिया नाम : 3 मापरू बुआ आवरी परभू यीशु मसीह बाटले तमके अनुग्रह आवरी शान्ति मिरते रओ | 4 हांई हामर पाप काचे आपना के देला, की हामर मापरू आवरी बुआ र इच्छा अनुसार हामके ए आजीर बुरा सोंसार ले छुड़ाओ | 5 हांतार स्तुति आवरी बड़ाई हमेसा हमेसा होयते रओ | आमीन | 6 मुय घबराय गली की जोन तमके मसीह र अनुग्रह ने हाग देला हांतार ले तमी अतक झटके फिरलास आवरी दुसरा परकार र सुसमाचार बाटे झुकलास | 7 मातर हांय दुसरा सुसमाचार आय ची नाई : जोन तमके घबराय देउआत, आवरी मसीह र सुसमाचार के नसायबा चाहुआत | 8 मातर आवरी आमी, नोयले सरग र कोनी दूत बले हांय सुसमाचार के छाड़ी जोनी हामी तमके सुनायला, तेबे हांय शापित रओ | 9 जसन हामी पहिले बललू आचू, असनी ची मय अबर आउरी बलबी आची की हांय सुसमाचार चार के छाड़ जोनके तोमि गरण करला आस, अगर कोनी आवरी सुसमाचार सुनाऊ आय, तो सरापित होओं | 10 एबर मुय काय मुनुक मन के मानु आंय की मापरू के ? काय मुय मुनुक मन के हरिक करबार चाहबी आची ? आवरी मुय एबले मुनुक मन के ची हरिक करते रयती तेबे मसीह र दास नाहोयती | 11 हे भाई मन, मुय तमके सांगी देबी आची की जोन सुसमाचार सुनायलीआची,हांयमुनुकरनुआय | 12 कसन बलले हांय मोके मुनुक बाटले ना पहुंचला आवरी ना मोके सिकायला आचे, मातर यीशु मसीहर प्रकाशन ले मिरला | 13 यहूदी मन के जोन पयले मोर चाल चलन रये हांतार बारे तमि सुनलास की मुय मापरू र कलीसिया के खुबे सताउ आय आवरी नास करू आय | 14 आपनार खूबे जाति लोक ले जोन मोर असन रहेत, यहूदी मत ले खुबे बड़ते रये आवरी आपनार बाप दादा र परम्परा काचे खुबे हरिक रये | 15 मातर मापरू र, जोन मोर मायर गरभ ने मोके ठहरायला आवरी आपनार अनुग्रह ले मोके हाग देला, 16 जड़दाय इच्छा होयला की मोर ने आपना बेटा के परगट करी की मुय बिजाती ने हांतार सुसमाचार सुनायबी, तेबे मुय मास ले आवरी लहू ले सला धरली, 17 आवरी यरूशलेम ने आपस आयला | के हांतार लगे गला जोन मोर ले पयले पेरित रये, मातर तुरंत अरब ने गला आवरी हांय थान ले दमिश्क 18 फेर तीस बरस र पाचे मुय कैफा संगे भेट करबा काचे यरूशलेम गली आवरी हांतार लगे पंदरा दिन तक रली | 19 मातर परभू र भाई याकूब के छाड़ी आवरी पेरित मन ले काकी ना मिलला | 20 जोन गोट के मुय तमके लिखबी आची, दका मापरू के उपस्थित जानी करी बोलबी आची की हांय झूठ नुआय | 21 हांतार बाद मूय सीरिया आवरी कलीसिया र प्रान्त ने आयली 22 मातर यहूदी र कलीसिया ने जोन मसीह ने रये मोर मुंह केबयी ना दकु रयेत ; 23 मातर ई ची सुनते रंयी की जोन हामके पयले सतायेत रये, हांई हांई एबे विश्वास र सुसमाचार सुनाऊ आय जाके पयले नास करते रये | 24 आवरी हांय मोर बारे ने मापरू र महिमा करू आय |