2
चोवदा बरस पाचे मुय बरन बास संगे फेर यरूशलेम गली, आवरी तीतुस के बले संगे नेली | 2 मोर जिबार ईश्वर र प्रकाशन अनुसार होयला ; जोन सुसमाचार मुय बिजाती मन ने परचार करू आंय, हांके मुय टिके संगी देली मातर एकला ने हांय मन जोन बड़े समझे जायते रयेत, की असन ना हो की मोर ये समेया र नोयले पिछला दोड़ धुप बेकार ठहरो | 3 मातर तीतुस के बले जोन मोर संगे रये आवरी जोन यूनानी आय, खतना करबा काचे मजबूर ना करायला | 4 ए हांय झूठा भाई मनर कारन होयला जोन चोरी ले ओली रयेत, हांय आजादी र जोन यीशु ले हामके मिरला आचे, भेद धरी करी हांमके दास बनाओ | 5 गोटक घड़ी भर तिकर अधीन होयबार ना मानलू, ई काचे की सुसमाचार र सत्त तमर ने बनी रओ | 6 फेर जोन लोक काई समझी जायते रहोत ( हांय मन चाहे जसन बले रहोत मोके एतार ले काई काम नुआय ; मापरू काहरी पक्षपात ना करे ) हांतार ले जोन काई समझी जायते रहोत, मोके काई बले ना मिरला | 7 मातर एतार ले जड़दाय हांय मन दकला की जसन खतना करला लोक मन काचे सुसमाचार काम पतरस के सोंपलाय, असनी ची खतना करला लोक मन काचे मोके सुसमाचार सुनायबा र सोंपलाय | 8 मातर एतार ले जड़दाय हांय मन दकला की जसन खतना करला लोक मन काचे सुसमाचार काम पतरस के सोंपलाय, असनी ची खतना करला लोक मन काचे मोके सुसमाचार सुनायबा र सोंपलाय | 9 आवरी जड़दाय हांय मन हांय अनुग्रह के जोन मोके मिरी रये जानलाय, तेबे याकूब आवरी कैफा, आवरी युहन्ना के जोन कलीसिया र खम्बा समझा जाउ आत, मोके आवरी बरनबास के संगीत र बुजनी हाथ देला की हामि बिजाती मन लगे जाओ आवरी हांय खतना करला लोक लगे ; 10 खाली ऐ बोलला की हामि कंगाल मन र सुधी धरु, आवरी इ काम करबा काचे मुय आपना बले कोशिस करते रयीं 11 मातर जड़दाय कैफा अन्ताकिया ने आयला, तो मुय हांतार मुंह ने तार सामना करली, कसन बलले हांय दोषी ठहरे रये | 12 इ काचे की याकूबर बाटले खिंडीक लोक आयबा ले पयले हांय बिजाती मन संगे खाना खायते रये, मातर जड़दाय हांय मन आयलाय तेबे खतना करायला लोकर डर काचे हांय पिटी बाटे गुचला आवरी कटा होयला | 13 हांतार संगे बाकी यहूदी मन बले कपट करलाय, ए लग ले बले की बरनबास बले तिकर कपट ने पोड़लाय | 14 "मातर जड़दाय मुय दकली की हांय मन सुसमाचार र उपरे सीधा चाल ना चलोत, तो मुय सबु र छोमे कैफा के बोलली, "" जड़दाय तूय यहूदी होई करी बिजाती असन चलू आस आवरी यहूदी मन र असन नाई तेबे तुय बिजाती मन के यहूदी मन र असन चलबा काचे बोलूआस ?""" 15 हामि तो जनम ले यहूदी आंव, आवरी पापि बिजाती मन ले नुआय | 16 तेबे बले ये जानी करी की मुनुक व्यस्था र काम ले नाई, मातर खाली यीशु मसीह उपरे बिसबास करबार दवारा धरमी ठहरूआय, हामि आपना बले मसीह यीशु उपरे बिसबास करलू की हामि व्यस्था र काम ने नाई मातर मसीह उपरे बिसबास करले धरमी ठहरु आय ; ई काचे की व्यस्था र काम ले कोनी प्राणी धरमी ना ठहरसी | 17 हामि जोन मसीह ने धरमी ठहरबार चाह्सी आचे, आवरी आपना वही पापि निकरबू तेबे हांय मसीह पाप र सेवक आय ? कबई बले नाई ! 18 कसन बलले जोन काई मुय घसराय देली आवरी हांई के फेर बनायबी, तेबे आपना के अपराधी ठहरांउ आंय | 19 मुय तो व्यस्था र दवारा व्यस्था काचे मोरली की मापरू काचे जियबी | 20 मुय मसीह संगे कुरुश उपरे चड़ायलार आची, एबे मुय जिव निआय, मातर मसीह मोर ने जिव आचे ; आवरी मुय देह ने ने एबे जोन जिव आची तेबे खाली हांय बिसबास ने जिव आची जोन मापरू र बेटा उपरे आचे, जोन मोके मया करला आवरी मोर काचे आपना के देई देला | 21 मुय मापरू र अनुग्रह के व्यर्त ना ठहराई ; कसन बलले आवरी व्यस्था र दवारा धार्मिकता होयता, तेबे मसीह र मोरलार व्यर्थ होयता |