थिस्सलुनिकि सैहर गै मसी लोगा गै नाम
यीसू मसी गै खास चेलै पौलुस गो दूसरो खत
ईं खत गै बारै में
मसी गै दुसर आण गै बारै में भूल-भुलैयां गै कारण थिस्सलुनिकियों गी बिस्वासी मण्डली में झगडै़ गी संभावना होगी। थिस्सलुनिकियों गै नाम खास चेले पौलुस गो दूसरो खत ईंखातर लिख्यो कै कीं झूठा सिक्सक ओ सिखाण लाग्या कै मसी गै दुसर आण गो दिन पेलां ई आ'ग्यो अर ईं बात गै खातर लिख्यो है। पौलुस आ बतावंता होयां इमै सुधार करै है कै मसी गै दुसर आण ऊं पेलां दुस्टता अर बुराई आपगै पूरै जोरा पर होवैगी। आ एक डूंगी घटना एक राजा गै नीचे होवैगी झिकै नै पाप गो आदमी अर बिनास गो बेटो केयो गेयो है, झिको मसी गो सामणो करसी।
खास चेलो अठै ईं बात पर जोर देवै है सारै दुखां मुसीबतां गै होवंता होयां बिंगै लेखकां नै बिस्वास में पक्का बणया रेणो चईयै अर इंया ईं थे बी आपगै जीवन खातर काम करता रेणो है, जिंया पौलुस अर बिंगा साथी करता हा, अर भलाई करण में लाग्या रेवो।
रूप रेखा
भूमिका 1:1-2
स्तुति अर बडाई 1:3-12
मसी गै दुबारै आण गै बारै में सिक्सा 2:1-17
मसी चाल चलण गै बारै में उपदेस 3:1-15
आसिरवाद 3:16-18