थिस्सलुनिकि सैहर गै मसी लोगा गै नाम
यीसू मसी गै खास चेलै पौलुस गो पेलो खत
ईं खत गै बारै में
रोमी साम्राज्य में कई राज हा। बांगै माऊं मकिदुनिया एक हो अर थिस्सलुनिकि नगर बिंगी राजधानी ही। फिलिप्पी नगर ऊं आण गै बाद पौलुस अठै एक बिस्वासी मण्डली गी स्थापना करी। अठै बी जल्दी यहुदियां गो बिरोध सुरु हो'ग्यो। झिका गेर यहुदी हा बे पौलुस गै मसी परचार गी कामयाबी ऊं बळता हा क्यूंकै गेर यहुदी धरम में बिस्वास राखता हा पण पौलुस नै थिस्सलुनीके छोड़णो पड़यो अर बो बिरियाम उड़ग्यो बाद में जद कुरिन्थुस पोंच्यो बठै पौलुस नै बिंगै सहकरमी अर साथी तीमुथियुस गै द्वारा निजी रूप में थिस्सलुनिकि गी बिस्वासी मण्डली गै बारै में समाचार मिल्यो।
ओ समाचार मिलणै गै बाद थिस्सलुनिकि गै नाम पौलुस खास चेलै गो पेलो खत बठै गै मसी लोगां नै तरो ताजा करण खातर लिख्यो। बो बांगै बिस्वास अर प्रेम गै बारै में समाचार गै खातर धन्यवाद देवै है। बो बानै आपगै जीवन गी याद दिरावै है। झिको बण बांगै सागै रेंवता बितायो हो। जद बो मसी गै दुसर आण गै बारै में सवाल गो उतर देवै है झिका बि बिस्वासी मण्डली में उठ खड़या होया हा। सवाल ऐ हा कै एक बिस्वासी झिको मसी गै दुसर आण ऊं पेलां ई मर जावै है, बि जीवन गो भागी होवैगो। झिको बिंगै आण ऊं मिलण आळो है। मसी गो दुसर आणो कद होवैगो पौलुस ईं बात पर बानै ओ बतावै है कै बि टेम में जद थे मसी गै दुसर आण गी आस गी उडीक करण लागरया हो तो चुपचाप आपगै काम में लाग्या रेवो।
रूप रेखा
पौलुस गी ओर ऊं निमस्कार 1:1
धन्यवाद अर स्तुति 1:2–3:13
मसी चाल चलण गै बारै में उपदेस 4:1-12
मसी गै दुबारै आण गै बारै में सिक्सा 4:13–5:11
आखरी उपदेस 5:12-22
आसिरवाद 5:23-28