तीमुथियुस गै नाम
यीसू मसी गै खास चेलै पौलुस गो पेलो खत
ईं खत गै बारै में
तीमुथियुस एक नोजवान मसी हो झिको एसिया माइनर गो वासी अर यहुदी माता अर युनानी पिता गो बेटो हो। बो पौलुस गै परचार गै काम में बिंगो साथी अर सहायक हो। तीमुथियुस गै नाम पौलुस खास चेले गो पेलो खत तीन मुख्य बातां पर बिचार करण खातर लिख्यो हो।
पेलो ओ खत झूठी सिक्सा गै बिरोध एक चेताणो है। बा सिक्सा झिकी कै यहुदी अर गेर यहुदी बातां गी मिलावटी ही, ईं धारणा पर टिकेड़ो है कै सारो संसार ई बुरो है अर एक आदमी खास गुप्त ग्यान अर कीं रीति रिवाज, जिंया कै खाण आळी चिजां अर ब्या ना करणो आदि गो पालण करण गै द्वारा ई उद्धार मिल सकै है। ईं खत में बिस्वासी मण्डली गै बारै में अर आराधना गै बारै में नेम बी है अर सागै बिंगै चरितर गी बातां लिखेड़ी है झिको बिस्वासी मण्डली गै अगुवा अर सहायकां खातर जरूरी है। आखिर में तीमुथियुस नै आ सला दी कै बो किंया मसी गो एक आच्छो सेवक बण सकै है अर सारी बिस्वासी मण्डली गै सागै बिंगी के के जुमेदारी है।
रूप रेखा
भूमिका 1:1,2
बिस्वासी मण्डली अर आंगै अगुवा गै बारै में संदेस 1:3–3:16
तीमुथियुस नै बिंगै काम गै बारै में निरदेस 4:1–6:21