Surana
Peturuꞌ
to Karongkánina
Laluita to mopakanótó óntóꞌna sura
Surana Peturuꞌ to karongkánina deꞌe naukiꞌ Peturuꞌ i kasaena hangko tiꞌara mani rahuku mate i tempóna Nero, mewaliꞌ naukiꞌ hangko tiꞌara mani pare ini puloꞌna hai uwalu hangko tiꞌara mani Iesu rapoánáka. I lalu sura deꞌe, Peturuꞌ moewaꞌ guru-guru to tiꞌara maroꞌa bábehiáraꞌ hai to moánti paturoꞌ to salaꞌ. Nauliꞌ Peturuꞌ, hangaa-ngaa maingáꞌ-ingáꞌkeꞌ i guru-guru to mepakanawoꞌ, hai hangaa-ngaa tapamaróhó peuláꞌtaꞌ i Pueꞌ Iesu. Sura deꞌe mopaturoꞌákeꞌ woꞌo bona tapeuláꞌi ntepuꞌu paturoꞌ to toꞌu, láwiꞌ paturoꞌ iti rapahaweꞌákeꞌ tauna to moita mata apa to nabábehi Pueꞌ Iesu hai to mohádi ntepuꞌuheꞌ laluitaNa.
To mopamasusa ntepuꞌu laluna Peturuꞌ, ia miꞌi guru-guru to mepakanawoꞌ. Rauliꞌ guru-guru iti, Iesu tiꞌara piꞌi ina haweꞌ huleꞌ mai i duniáꞌ (3:3-4). Nauliꞌ Peturuꞌ, Pueꞌ Iesu tiꞌara mani haweꞌ, láwiꞌ sabaraꞌ mani Pueꞌ Ala i tauna to kadake (3:8-9), agáiáná manótó miꞌi Iesu bateꞌna ina mesuleꞌ mai hai ina mogero duniáꞌ to kadake deꞌe (3:10).
Óntóꞌna
1. Tabeá (1:1-2)
2. Hangaa-ngaa maróhó pepoináláintaꞌ hai maroꞌa bábehiántaꞌ (1:3-15)
láwiꞌ to rapaturoꞌákeꞌ mokana i Iesu bateꞌna toꞌu (1:16-21)
3. Hangaa-ngaa maingáꞌ-ingáꞌkeꞌ i guru-guru agama to mepakanawoꞌ (2:1-22)
4. Hangaa-ngaa timamakeꞌ nakahaweꞌi Pueꞌ Iesu i karongkánina (3:1-10)
5. Laluita to kahópóꞌána (3:11-18)